1 SEMUEL 18:5 - Nanduk Ngget Tul Pidnak Wene

⁵ Nde, Ndaut-nen-e Saul-nen yabu ebem pid ereba na kwara wanosolat irit woragij-o. Iri kwarosola karug-e, Saul-nen-e Ndaut na-ge san ombo onowe nggok irit mendak pij-o. Iri yamu-ge san ombo onowe oboksa-nen na irit, Saul ndegel ubugwi nap-nen na irit Ndaut na indingen tak pogolat woraiga-o.

1 SEMUEL 18:5 ပူးပေါင်းရင်းမြစ်များ

NDAK WIRIDNAK WENE 39:23

Nde, o kubu me ombo iri na-nen-e yabu iri me-nen kwarurak mururak Yusup inggem pid ereba na-ge at-nen mbi siyak erep tenakit lak, Yusup inggem nag-et keya bij-o. Nde, Nagawan Indo-nen-e Yusup kwara yongga worosola, at-nen yabu wanidnak iri-ge mondok konak nak irit wanij-o.

2 SEMUEL 5:10

Nagawan Indo Mbal Pem Nagawan Amawi Worak iri na-nen yongga worosola me, Ndaut na-ge amawi-t kondosolat woragij-o.

2 SEMUEL 5:2

Nanduk-nen na irit, Saul-nen tena nunpuruk worala tarem-nen na irit, Isarael nap san ombo wim timbiril mborogola-ge, pempa kat-nen lit nunpuruk nosolat worasu iri nar-o. Iri-nen Nagawan Indo-nen kat yak korosolar-e: ’Kat-net an nilirak lit unpuruk nosolat, kar-et an nilirak ennggendumu nagawan men yugun-o’ luk yak kirid iri nar-o” luk yak tiga-o.

NDAWI ENGGA 1:3

yi eyak pem yagidnak e misik yabosoma, engen poso tarem-net e na engen poso-o, angga na lera mboso buk e nggal-nen yili-o. It-nen kwarugwi mende iri-ge pidsa konak nak kwatli-o.

NDAWI ENGGA 101:2

An-e nebage meya kwaroso buk irit woramin-o. Kar-e mepme-nen an neram lobok yugun-o? An-e meya kwarigit lak nama irit woramin-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

YIDNAK YIDNAK WENE 7:10

at andi bandi kasoma, imiri yaga wok tij-o. Yusup na-ge Mesira nagawan Piraun eram wok yosola-ge, Mbal Pem Nagawan-nen-e we wok ondoso elem min indi nggat nggat elem min wok tidnak ala-ge, Piraun-nen-e Mesira uwi oboksa min at woraso sa oboksa min Yusup inggem pij-o.

EPESUS 5:17

Iri bem-e tabuksa wolmomtak pug-o. Are, Nagawan Indo indi-n pidnak wene yenggerak pobok-nen kenmawi kondogolat wolmer-o.

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.

1 SEMUEL 13:2

Israel nap ennggendumu-nen ab-e tiga ribu (3.000) irit len unpurug-e, dua ribu-ge (2.000) at imin o Mikmas ndobo worak o Mbetel iri me woraiga-o. Nde, ap seribu-ge (1.000) at ambara Yonatan min Mbenyamin nap unuwi nggweyak pem o Nggibea mbiriga-o. Nde, ap erep terak ereba na-ge ”Kenma lombok ndi yer-o” luk yak indij-o.

1 SEMUEL 14:52

Saul uruk woralar-e, pempa Pilisin nap inmin mondok wim kwiye worak mbal tenak woraso me, Saul-nen yik kasoma nde ap nde enmawi worak, kwiye lak ala-ge, waga san ombo nggorak onposolat irit woragij-o.

1 SEMUEL 18:16

Alat nde, Isarael nap min Yewura nap min oboksa-nen-e Ndaut-nen-e pempa lit unpuruk nosolar-e, konak nak kwat onposolat worala karuk, Ndaut na-ge inndi-ge at ebem pogolat woraiga-o.

1 SEMUEL 18:30

Nde, san ombo Pilisin nab-e pempa wim nggurak lobok yogola-ge, Saul-nen idnak san ombo erep-nen-e mariget ondogola-t nde, Ndaut-nen-e mondok kwarat ondosolat woragij-o. Iri yosola-ge, ebem lud Ndaut anggu obok mborosolat woragij-o.

1 SEMUEL 18:4

Iri yosolar-e, Yonatan-nen-e usum na-ge yonggora keya buruk, Ndaut wok tosolar-e, posid-nen konidnak eragun min-et eyalawi min-et esan min-et esani are san ombo-nen pugwi min-et oboksa Ndaut wok tij-o.

1 SEMUEL 18:6

Ndaut-nen Pilisin nap Nggoliat iri na wutluk lobok yosola-ge, san ombo oboksa wim tumbutluk o silmu lobok yogola-ge, o Isarael wi woragwi kweyap oboksa wagolar-e, Saul abi wanogolat-nen enalen pem ndawi yogolat, onpoba ene rak pogolat-nen ndawi yogolar-e, kot kil lobok yiga-o.

1 SEMUEL 3:19

Nde, Semuel na nggok yosola-ge, Nagawan Indo-ge at imin woralat ndemeret Semuel-nen yid ereba na-ge ndak ndag-et kwat yij-o.