1 SEMUEL 18:10 - Nanduk Ngget Tul Pidnak Wene

¹⁰ Nde, kub-e Saul na-ge tege tenasa ama worasoma-ge, meya indi-ge Mbal Pem Nagawan-nen Saul arem pil lobok yosola-ge, mimo Saul arem nggosolar-e, ap kimiri-nen kwarugwi irit kwarij-o. Nde, iri na tarem-e Ndaut na-ge kecapi poba ene yusu ereba na nggal-et yik tenak worasoma-ge,

1 SEMUEL 18:10 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:29

It iri-ge ap kugwi enarem nggwidnak nap-nen kwarugwi nggal irit kwat tenak worakmu, o na-ge abu keyama yij-et nde, enne erep mariget tet mondok nggarigit lag-o. Mondok mariget tet yebet eneyagit lag-o.

1 NAGAWAN NAGAWAN-NEN KWARIDNAK WENE 22:12

Yosoloma, iri nggal kwat ma-o luk urul pugwi nap erep ereba na-nen na iri nggal-et yogolar-e: ”Aramot siri iri-ge ebem kore yi-o. Nagawan Indo-nen ombol nggwe rak kobosolat, mengga wanugun-o” luk yak tiga-o.

YIDNAK YIDNAK WENE 16:16

Misik tarem-e tepan yugwi sa iri na me mburukmu-ge, ndegel onposo kwe misik imin lid pid yige-o. Kwe iri-ge kugi arem nggwidnak me, tu mbal ondosola-ge, onggo wok togola, eidtak ereba na tol kwarat wok tenak woragwi-o.

2 TESALONIKA 2:11

Iri bem-nen ir-e enesiget wene bem inndi angin tubu yuwakluk, Mbal Pem Nagawan-nen-e enesiget elem it enarem yabu wanuwak-nen endam pil lobok yusu-o.

WENE MBENARUGWI NAP-NEN KWARIDNAK WENE 16:20

Iri rak puruk ene nggoksa Ndelila-nen yosolar-e: ”Simson wa-e. Pilisin nap lobok yili-o!” luk yak tosoloma-ge, Simson-nen perasolar-e: ”An-e nanduk-nen men yusu ereba na nggal-et men yimin-o” luk peragidnggal-e, mondok ndeyak irit men yij-o. Nde, Nagawan Indo-nen keya ibid iri na-ge ar-e aru buk irit woragij-o.

1 SEMUEL 16:23

Nde, ereya tarem-nen meya indi-ge pempa Saul ebem lobok yosolat worasola-ge, Ndaut-nen kecapi poba ene yosola-ge, meya indi iri na-nen Saul na keya bosola-ge, Saul na-ge ebem yamuksa konak yosolat woragij-o.

1 SEMUEL 18:9

At erengen ale Ndaut ebem poso tel kurij-e iri tarem-net tel kurij-o.

1 SEMUEL 19:10

Saul-nen-e Ndaut na kebet watsa koreyak worasoma tege ebem ndurum tak puruk, kebet min mbiringin tak pij-et nde, wabosola kebet na nde nggaruk ninggij-o. Iri yosola, Ndaut na-ge kwiye-nen mbirij-o.

1 SEMUEL 19:7

Wene iri na yurug-e, Yonatan-nen-e Ndaut na wene mbo buruk, wene yiga ereba na oboksa Ndaut yak turug-e, Ndaut na-ge imin luk Saul eram mbirigarig-e, Ndaut-nen-e nanduk kwarusu ereba na nggal-et Saul ndegel posolat woragij-o.

1 SEMUEL 19:9

Nde, misik tarem-e Saul na-ge tege tenaga o ma koreyak worasoma-ge, Nagawan Indo-nen meya indi iri na Saul arem pil lobok yij-o. Nde, iri tarem-e Ndaut na-ge kecapi poba yik tenak worasoma,