1 SEMUEL 17:45 - Nanduk Ngget Tul Pidnak Wene

⁴⁵ Yak tosola, Ndaut-nen onggo yosolar-e: ”Kar-e kagabo bem kuwuru bem kerege bem nereyekluk lobok yusu-t nde, an-nen-e Nagawan Indo Amawi Worak Isarael nap Enmbal Pem Nagawan kat-nen kerengenma nggal tak pusu iri na bem-net kereyekluk lobok yusu-o.

1 SEMUEL 17:45 ပူးပေါင်းရင်းမြစ်များ

NDAWI ENGGA 124:8

Nit yongga nondoso iri-ge mbal min nggweyak min ndak worak pid Nagawan Indo iri nak-nen yongga nondoso-o.

2 KORINTUS 10:4

Nit wim tumburuwokluk nensan wanili iri-ge, nggweyak ma nap-nen wim pugwi san nggal-e lag-o. Are, kerep pak ndamoroso san-e Mbal Pem Nagawan amawi-net yusu-o.

2 KORINTUS 3:5

Nit nondomok nenmawi bem-nen nit nenambik neneyabu nggal yabu yu wanili bug-o. Mbal Pem Nagawan at-net yabu wanurak nenpem tak poso-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

1 SEMUEL 17:10

Nde, yawo-ge an-nen Isarael nap san ombo kenpem kore yimin me, kit kennggendumu an nimin nenmawi wal kudtak nap ndak misik mbi lenak per-o!” luk yak indij-o.

1 SEMUEL 17:26

Yogola, Ndaut-nen yosolar-e: ”Elem nin nap Pilisin nap yu-ge Mbal Pem Nagawan Uruk nak Woraso-nen idnak esan ombo inmin amawi wal kudtak pem kwiye lag-et nggweyel unpusu yu-ge ngge-o?” luk at-nen san ombo misik kin wok obosolar-e: ”Pilisin nap iri worosola, Isarael nap pesel unpusu iri lak tak puwa nap iri-ge onggo-ge no mende wok tuwa-o?” luk kin wanij-o.

1 SEMUEL 17:36

Ndegel koboso nap an-e isilepma worak singa na irit mberuang na irit mondok worosolat woraso-o. Nde, Mbal Pem Nagawan aru buk Pilisin nap iri-ge kwiye lag-et Mbal Pem Nagawan Uruk nak Woraso iri na-nen idnak san ombo ereba na erengenma nggal tak unpusu me, singa ndakngge min mberuang min wurusu ereba na nggal-et mondok wirimin-o.

1 SEMUEL 17:6

Nde, ijog-e posid tembaga-nen konidnak unuwok lumurak pugwi mende puruk, nde, wuru-ge posid tembaga-nen konidnak iri na endak pem keyok tak puruk