1 SEMUEL 17:44 - Nanduk Ngget Tul Pidnak Wene

⁴⁴ Iri luk Ndaut yak tosolar-e: ”Ndak wasug-o. Kebe iri-ge towe mena-nen nujwakluk wok teyek-nen ndak wasug-o” yak tij-o.

1 SEMUEL 17:44 ပူးပေါင်းရင်းမြစ်များ

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

NAM PARA WENE 19:17

Iri luk, an yik kaginggal-e, aid nap misig-e molengen pem mendak worala kagi-o. At ene ngguloksa-nen teram nggwe yebaluk waring kasu towe ereba na yak yosolar-e: ”Yu me lobok yugupndik, Mbal Pem Nagawan-nen nggulok sagaidnak iri nokluk yu me ndok werer-o!

1 SEMUEL 14:12

Enne nggoksa Yonatan min at yongga woroso nap iri na min yak ondogolar-e: ”Kir-e yu me lumer-o. Nit-nen misik mende mbi mirik kunpul-o” luk yak ondogola-ge, Yonatan-nen ap sujwe iri na yak tosolar-e; ”Yawo-ge it iri-ge Nagawan Indo-nen wesera Isarael nap nininggem pid me, an nimbirik nak lobok yi-o” yij-o.

1 SEMUEL 17:46

Kar-e o yawo-net Nagawan Indo-nen kegera ninggem posola, nggweyakma rak kuburuk kanggulwak mbarimin o. Mbatluk kat kebe min kat-nen idnak san ombo Pilisin nap oboksa enpe min-e towe mena-nen nok kunpuwakluk wok tumu, yi wi ndi wi oboksa-nen kulurug-e: ’Isarael nap-nen erembel wanugwi Enmbal Pem Nagawan-e worasur-o’ luk yuwa-o.