1 SEMUEL 17:34 - Nanduk Ngget Tul Pidnak Wene

³⁴ Alat nde, Ndaut-nen yosolar-e: ”Nagawan wa-e. Ndegel koboso nap an neid olomba wam parugu woralar-e, ndakngge isilepma worak singa min mberuang min-nen lomba wam norak lobok yosola-ge,

1 SEMUEL 17:34 ပူးပေါင်းရင်းမြစ်များ

NDAK WIRIDNAK WENE 31:39

Parugu worala ndakngge-nen misik worak pamu na nimi keram mondok waruk mbirigit lag-o. Alat nde, ondolma-ge an narengge-t poso-o. Nde, lengge-nen na kubu-nen na ap-nen yariya wanosoma perak nde, kat-nen-e ’Ondolma pi-o’ luk nebem kore yosola, an-e ondolma poso iri nar-o.

2 SEMUEL 17:8

Nagawan kek tak wa-e. Kar-e mondok karu-o. Ndaut min at imin nugwi nap inmin iri-ge san wari mondok kwiye lak enmawi worak iri nar-o. It iri-ge isilepma worak mberuang ija-nen amarik lak yosoma-nen kwaroso nggal insilepma worak iri nar-o. Nde, Ndaut iri na-ge mondok wim wari wim nggoso aru nap me, at owosirak inmin-e mondok nene yoso buk, arik nak mboksa nene yoso nar-o.

YESKIEL 34:12

Nde iri-ge lomba yik karok woraso nap-nen olomba nggilarak ndibi ndi rak ereba na kore luk, ndok wosa keya buruk ndogoroso iri na nggal-et kwarimin-o. An nolomba o muruk tak ndamuk tarem-nen yi wi ndi wi inpil mbiridnak ereba na-ge it nggilarak woragwi sa-nen wok unpuruk lobok yimin-o.

AMOS 3:12

Nde, Samaria nap iri-ge lomba wam ombo-nen olomba wam singa ndakngge-nen nasolat ijok mberen min eyanggo min mbarak nak wanoso nggal, Samaria woragwi nap yawo konak nak nene yugwi ondoro konak ereba na bem nene yogolat worali ereba-ge enpe mariget nak keya unpuwa-o” luk yij-o.

LUKAS 2:8

O iri me-ge lomba wam yik karok woragwi nap ereb-e karu me iri me onowam yik karok kubu iri me woraiga-o.

YOANES 10:11

Lomba wam ombo konag-e an-net yusu-o. Nde, lomba wam ombo konak-nen-e at olomba enmanggim at na at-net iminep wisirik pusu-o.

OROMA 5:4

ninndi tugup lak uwi yaboso iri-nen ombol nggwe rak poso-o. Nde, ombol nggwe rak onposo iri-nen-e inndi ebem mbung mbung tak woragwi rak poso-o.

IBERANI 11:33

Nde, it inndi angin tubu yidnak pem-net wim nap nagawan-nen tenagaidnak wi ereba na inmin wim mbatluk, urugwe nggwe rak onpogolat, lud tak nak kwarogolat-nen Mbal Pem Nagawan-nen urul paga yak indidnak mende wanogolat, isilepma worak singa ndakngge na emende nggilil lobok yogolat,

NAM PARA WENE 13:2

Ndakngge isilepma worak kagi iri abage-ge macan tutul (singa wembebenggek) abage nggal, at ijog-e beruang ndakngge ijok nggal, isileb-e singa ndakngge isilep nggal irit kagi-o. Nde, waro nggulok iri-nen ndakngge isilepma worak iri wok tosolar-e, at ambik arong min at-nen idnak nagawan koreyak woraso ondoro min at-nen o tena woraso amawi min irit wok tij-o.

WENE MBENARUGWI NAP-NEN KWARIDNAK WENE 14:6

Ereya na-net Nagawan Indo-nen amawi rak posola-ge, ap-nen kambing amarik lebena keya bugwi nggal singa iri na-ge inggi bem-nen nak lebena keya bij-o. Nde, iri kwarid iri na wene-ge eid ija-ge mondok yak indigit lak yij-o.

1 SEMUEL 17:15

Ndaut na woralar-e, Saul ndegel ubusu na keya buruk, misik tarem nggal-e eid olomba yik karok wolmomtak pem Mbetleyem mborosolat woragij-o.

1 SEMUEL 17:33

”Kat nggal-nen-e ap iri-ge nggesa-nen ebem kore yugun-o? Kar-e awo la mendaso-t nde, ar-e liap pem-net wim nggoso aru me, mondok meya-o!” luk Saul-nen yak tij-o.

1 SEMUEL 17:35

ndakngge isilepma worak ereba na-ge muk karuk worosolar-e, lomba ereba na-ge agap ndagoso-o. Nde, iri yosoma isilepma worak ndakngge singa min mberuang min-nen nde an nereyekluk yosola-ge, an-e urum lomboksa nggwin kaga worak poso-o.