1 SEMUEL 16:7 - Nanduk Ngget Tul Pidnak Wene

⁷ Alat nde, Nagawan Indo-nen Semuel yak tosolar-e: ”Kar-e enpe konak min enpe mot min yik kaidnak pem nak kindi purungsa ebem pusu-ge meyog-o. An nindi-nen pigi-ge at iri-ge lag-o. An-nen-e ki nap-nen enabut yik kagwi nggal-e yik eneyaso bug-o. Ki nap-nen-e enpage ombol nggwe nak yik kali-t nde, an-nen-e inndi nak kaso-o” luk yij-o.

1 SEMUEL 16:7 ပူးပေါင်းရင်းမြစ်များ

NDAK WIRIDNAK WENE 4:5

Kain-nen pidnak iri na-ge at ebe min-et, at-nen pidnak mende min-et Mbal Pem Nagawan-nen-e isili rak pij-o. Iri ala karug-e, Kain na-ge isilepma yosolat abisu wu yij-o.

2 SEMUEL 14:25

Nde, Apsalom iri-ge ebe mondok tenaga men yidnak me, Isarael nap oboksa-nen erembel wanogolat woraiga-o. It ennggendumu-nen ap misiger-o luk at nggal mbi mondok lag-o. At iri-ge ijok mok kuri-nen anggulsu kuri-ge ebem ambut lak irit woragij-o.

2 SEMUEL 7:20

Ndegel koboso nap an nowene-ge kar-e aba arem min ndindera karu me, an-nen-e no wene nde yak kirimin-o?

1 NAGAWAN NAGAWAN-NEN KWARIDNAK WENE 8:39

kat woraso sa aid arem-nen kuluruk, it meya yidnak kamberam tak posoluk yongga indi-o. Ap enarem-nen yebet kagwi oboksa-ge kat karig-et nak karu-o. Iri bem-e ap ondomoktak-nen kwarugwi ndak ndag-et kwat onposolat wolmin-o.

NDAWI ENGGA 139:2

An-nen kwaroso oboksa-ge kar-e karu-o. Kebe-ge erepma-net nde, an-nen yebet kaso oboksa-ge kar-e karu-o.

NGGOMO WENE 15:11

Nagawan Indo iri-ge ap watluk ndok wurugwi sa min-et oboksa aru me, nggesa-nen ki nap-nen yebet kagwi iri at erengen pem-nen kura wolma-o?

NGGOMO WENE 24:12

Erep-nen-e kat-nen yosolar-e: ”Iri-ge an neyabu-ge lag-o” luk yugun-et nde, Mbal Pem Nagawan-e yik keyarok worasu-o. Ar-e kat kindi-ge oboksa aru me, kat kebem wene mbaruwa-o. At-nen kemnggo posolar-e, ap-nen kwaridnak ndak ndag-et puwa-o.

NGGOMO WENE 31:30

Inndi wanugwi enpage iri-ge ap onmbol pem laso-nen yusu-o. Nde, entare konak iri na lag-et ma-t nde, Nagawan Indo indi aye worak kwe iri perak erembel wanurag-e ndak-net yusu-o.

YEREMIA 20:12

Alat nde, Nagawan Indo Mondok Kamawi Worak wa-e. Nggweyakma nap inndi min it-nen yebet kagwi min-e kar-e mondok karu-o. Kat-nen it inndi ngarosolar-e, ndemeret mot mor-et ngaroso-o. An nowene-ge kat keram nak kebera pigi bem-e wim nap-nen meya kwarugwi ereba na bem kat-nen kemnggo onposola, an-nen kayeg-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

YOANES 7:24

Kit-nen-e ap enpem wene mbarogolar-e, we ombol nggwe yik kaidnak pem nak mbarurak pug-o. Are, ndemeret wene bem-et mbarurag-o” luk yak indij-o.

YOANES 8:15

Kit-nen-e we ombol nggwe nak yik karuk, ap enpem wene mbatli-o. Nde, an-e ap misik ebem wene mbarusu bug-o.

YIDNAK YIDNAK WENE 1:24

Yurug-e, it-nen tepan yogolar-e: ”Nagawan Indo wa-e. Kar-e ap pidsa inndi karu me, ap mberen yu-ge kat kindi-nen linidnak nap irit mirik ninpi-o.

2 KORINTUS 10:10

Ap misik-nen yosolar-e: ”Paulus-nen engga mbaridnag-e kwiye worak, andi le worak mbaroso-t nde, nit nendam-nen-e abage-ge ndeyak, ene na ebe lak wene yoso-o” luk yusu-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

1 PETERUS 2:4

Iri bem-e, Nagawan Indo eram lobok yer-o. At iri-ge urug-et woraso kereb-et nde, ki nap-nen ebe lak mende nggal tak puruk mbo biga-t nde, Mbal Pem Nagawan-nen-e kerep iri na onggo nggok pugwi kerep tak uburuk, len ibij-o.

1 PETERUS 3:4

Are, kinndi kigirik wolmomtak iri-ge kinndi arem nak-nen mburuwag-o. Nde iri-ge pem-et wolmomtak indi yamanak, yamuksa woragwi indi iri-ge Mbal Pem Nagawan erengen pem-e onggo nggulok mende-nen yusu-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.

1 SEMUEL 2:3

Ebe lak indi-nen kek yugwi wene pilana wirik pusu iri-ge ndong tak pi-o. Kek yogolat-nen yugwi ebe lak wene iri-ge woroksa lak tak pi-o. Nagawan Indo Mbal Pem Nagawan iri-ge mondok oboksa aru me, ap-nen kwarugwi oboksa mbenaroso-o.

1 SEMUEL 9:2

Nde, Kis iri ambara unu-ge Saul irit woragii-o. Nde, Saul na-ge ap sujwe abage na konak, ebe na tenaga men yidnak irit woragij-o. Nde, Isarael nap oboksa ennggendumu-nen enpage min enpe min konak at nggal mbi woragit lag-o. Nde, Saul iri-ge ebe na mondok mot irit me, Isarael nap oboksa enanggul-e endakmbe kuri nag-o.