1 SEMUEL 16:13 - Nanduk Ngget Tul Pidnak Wene

¹³ Yosoloma, Semuel-nen-e saitun amburu kenanggo iri na wanosolar-e, owerak ereba na enlengen pem-et nagawan tak obosolat Ndaut anggul pem amburu kilik pij-o. Iri yosola-ge, iri na tarem-et Nagawan Indo Indi-ge Ndaut ebem mbij-o. Iri tarem-nen tel korarik, Nagawan Indo Indi-ge pem irit Ndaut imin woragij-o. Iri lug-e, Semuel na-ge tuguruk ama Arama mbirij-o.

1 SEMUEL 16:13 ပူးပေါင်းရင်းမြစ်များ

2 SEMUEL 12:7

Yosoloma, Natan-nen Ndaut yak tosolar-e: ”Ap iri-ge kar-er-o! Nagawan Indo Isarael nap Enmbal Pem Nagawan-nen kat yak korosolar-e: ’Kar-e an-nen Isarael nap enanggul pem nagawan mendak kobosolat, Saul-nen kereyekluk yosola, kimiri yosolat kwarukmu-o.

2 SEMUEL 2:4

Woragolar-e, Yewura nap Eboron lobok yogolar-e, Ndaut iri na-ge Yewura nap ennggendumu nagawan tak pogolat anggul tenaiga-o. Nde, Nggileat woragwi Yabes nap-nen Saul iri na yapma ibidnak wene-ge Ndaut-nen-e kulij-o.

2 SEMUEL 23:1

Yakup Embal Pem Nagawan iri na-nen-e Isai ambara Ndaut na-ge lena nagawan mendak uburuk, ap nggok tak irit ibij-o. Iri rak ebamu at-nen Isarael nap enmanggim yi ndawi ndi ndawi ereba ngara mbarij-o. Ndaut-nen worok tak posolat wene nanu nggal yidnak wene-ge yu-o:

2 SEMUEL 5:3

Yogoloma, Isarael nap ennggendumu enne kulugwi nap ereba Ndaut eram Eboron iri me lobok yogola-ge, Ndaut min it min-nen-e: ”Mondok kundig-et wulmul-o” luk, Nagawan Indo imbiri bem yak kerak mbiga-o. Iri lug-e Ndaut na-ge Isarael nap nagawan tak pogolat, anggul tenaiga-o.

NDAWI ENGGA 89:20

An-nen ndegel noboso nap Ndaut karuk, lenak posolar-e, amburu anggul pem kiligi-o.

NDAWI ENGGA 89:21

An narong-nen-e pempa at nggetlel uburuk woralat, an namawi-ge at amawi rak posolat wolma-o.

WONARIDNAK WENE 11:17

Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.

WONARIDNAK WENE 27:18

Yosoloma, Nagawan Indo-nen Musa yak tosolar-e: ”Nun ambara Yosua iri wene mbo bi-o. At iri-ge abam mondok ndak-nen yusu-o. At irit anggul tena bi-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 13:22

Iri luk, Mbal Pem Nagawan-nen Saul na kona waburuk, Ndaud na it enmanggim nagawan mendak puruk, Mbal Pem Nagawan-nen Ndaud owene konggorosolar-e: ’Isai ambara Ndaud iri-ge an nindi kumburak-nen yusu-o. An nindi-n pidnak nak kwaruwa ala-nen wanigi-o’ luk yij-o.

IBERANI 1:9

Kar-e mot mot kwarugwi-ge kindingen tak posolat, nde, lugud tak kwarugwi-ge kisili rak posolat yoso karuk, Mbal Pem Nagawan, Kembal Pem Nagawan iri-nen-e kalen tak posolar-e, kat kanggamirak na teberak unpuruk, kat nak kek tak kuburak pem len kibij-o” luk yij-o.

IBERANI 11:32

Nde, iri wene-ge motsa ndindera yimin, lak? Nde, Nggireyon min Mbarak min Simson min Yepta min Ndaud min Semuwel min Mbal Pem Nagawan ene lomboksa yugwi nap min onowene an-nen ndindururak tarem lak ala karuk, larok yusu-o.

WENE MBENARUGWI NAP-NEN KWARIDNAK WENE 11:29

Iri lug-e Nagawan Indo Indi-ge Yepta ebem mbuwasolar-e, Yepta na-ge o Nggileat min Manase min ereba nggwe kil mberarik, tuguruk Nggileat nggweyak pem o Mespa lobok yij-o. Nde, iri me-nen-e nok Amon nap onnggweyak nggwe irit mbirij-o.

WENE MBENARUGWI NAP-NEN KWARIDNAK WENE 13:25

Nde, la iri na-ge at elem nap Ndan woragwi sa o Sora wok Esitaol wok iri na me worala-ge, Nagawan Indo Indi-nen-e amawi ebem poso tel kwirij-o.

WENE MBENARUGWI NAP-NEN KWARIDNAK WENE 14:6

Ereya na-net Nagawan Indo-nen amawi rak posola-ge, ap-nen kambing amarik lebena keya bugwi nggal singa iri na-ge inggi bem-nen nak lebena keya bij-o. Nde, iri kwarid iri na wene-ge eid ija-ge mondok yak indigit lak yij-o.

1 SEMUEL 1:19

Nde, kub-e Elkana ogwela inmin-e kuplila men yogolar-e, Nagawan Indo erembel wanurug-e, tuguruk enma Arama mbiriga-o. Mbirigarik woragolar-e, Elkana-nen ogwe Ana iri na imin nene yosola-ge, Ana-nen tepan yid iri na Nagawan Indo-nen ene erep nggarosolar-e,

1 SEMUEL 10:1

Iri luk Semuel-nen saitun engen amburu kenanggo mbi wanosolar-e, amburu iri na-ge Saul anggul pem kilik pij-o. Iri rak puruk Saul erabengen porok nasolat-nen yak tosolar-e: ’Kar-e Nagawan Indo-nen at ilirak ennggendumu nagawan woranokluk amburu kanggul pem kilik puruk mendak kubusu-o. Kar-e Nagawan Indo ilirak tena unpuruk woralat, it unuwim nap oboksa ininggem-nen inmiri yosolat woragun-o. Nde, kat-nen: ’An-e ndemeret Nagawan Indo-net at ilirak tena unpuruk wolmakluk mendak nebamu-o’ luk yenggerak pugun-e yu bem-nen-o:

1 SEMUEL 10:6

Nde, ereya na-net Nagawan Indo Indi kebem wok yosolar-e, kat min-et it-nen kwatli nggal kot kasolat, kene nggoksa ndawi yugun-o. Iri yosolar-e, kat kabage nin wok korosola, ap nin irit kwat yugun-o.

1 SEMUEL 11:6

Yak togola, kolosolar-e, Nagawan Indo Indi-ge Saul ebem wok yosolar-e,

1 SEMUEL 16:18

Iri yosola kulurug-e, at ndegel oboso nap misik-nen Saul yak tosolar-e: ”Mbetleyem woraso nap Isai ambara misig-e kecapi poba ene yoso aru nap misik worasu-o. Ar-e san ombo konak, kwiye na lak, amawi worak, wene yoso mondok indi tenggerak-nen yusu-o. Nde, Nagawan Indo-ge imin-et woraso-o” luk yak tij-o.

1 SEMUEL 18:12

Iri lug-e Saul na indi wok yosolat-nen yebet kasoma-ge, Nagawan Indo-nen-e ar-e keya uburuk, Ndaut irit kura oboso ala karug-e, at-nen Ndaut aye yij-o.

1 SEMUEL 2:35

Iri luk ombol nggwe-ge an-nen tepan ombo mondok tugup lak, an-nen yidnak yidnak oboksa kwaruwa nap misik lenak pimin-o. At-nen wigarag-e tepan omborak unpumu, tepan ombo-nen wanugwi yabu wanogolar-e, nagawan an-nen lenak inpimin ereba na endam yabu pempa wanogolat wolma-o.