1 SEMUEL 15:24 - Nanduk Ngget Tul Pidnak Wene

²⁴ Nde, Saul-nen wene iri kulurug-e, at-nen para Semuel yak tosolar-e: ”Ndemeret. An-e Nagawan Indo ene na tarosolat, an-nen kwarurak kat-nen mirik nibigen na tarigi-o. Nde, iri kwarigi iri-ge an nimin nugwi nap inndi aye-nen it enne nggarigirig-o.

1 SEMUEL 15:24 ပူးပေါင်းရင်းမြစ်များ

NDAK WIRIDNAK WENE 3:12

Kin wok obosoloma-ge, Aram-nen wene onggo yosolar-e: ”Kat-nen an nimin wolmakluk wok nirigen kwe iri na-nen engen iri mak neramu ninggirig-o” luk yij-o.

NDAK WIRIDNAK WENE 3:17

Iri luk, Nagawan Indo-nen Aram yak tosolar-e: ”Kar-e kogwe ene kuluruk, an-nen ’Norak pug-o’ yigi engen iri na ninggen-o. Iri kwarigen iri bem-e, nggweyak yu-ge imbiri lamut mag-o. Nde, kat woralar-e, yabu-ge anggun panggunsa wanosoluk-nen nunggwi mende-ge nggweyak yu-nen ebe rak posola, nok tenak wolmin-o.

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

AYUP 31:34

Kwaridnak pem ap oboksa-nen onpok pugwi bem-e an-e numud kaso bug-o. Ap-nen pesel unpugwi na an-e yebet kaso bug-o. An-e pesel nubuwa-o luk kwiye nak-nen mbepme lagit lak, mondok ma nak woraso bug-o.

NDAWI ENGGA 51:4

Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

MBIRIGA WENE 10:16

Iri ala karuk, Pirayon-nen ndag-et nak Musa min Arun min wene mbo unpuruk-nen yak ondosolar-e: ”An-e kit-nen idnak Nagawan Indo, Kenmbal Pem Nagawan imin na irit, kit kinmin na irit, meya kwarigi-o.

MBIRIGA WENE 23:2

Ap kwarat-nen meya kwarogolat, imiri mbarak pidnak wene iri na lugud tak puwokluk ennesiget wene yogola-ge, kir-e inmbirik lambu nak yurak pug-o.

MBIRIGA WENE 9:27

Iri ala, Pirayon-nen Musa min Arun min wene mbo unpuruk-nen yak ondosolar-e: ”Yawo-n perak an-e ndemeret meya kwarigi-o. Nagawan Indo iri-ge ndemeret lud tak nak kwaroso-nen yusu-o. Nde, an min an-nen tenagidnak wi woragwi nap inmin-e ndemeret meya-t kwatli-o.

YEREMIA 38:5

Yogoloma, Nagawan Sendekia-nen onggo yosolar-e: ”Ob-o. At iri-ge kit kinndi-nen kwat uburak peraigep irit kwat eber-o. An-nen meyog-o yak kundurag-e meya-o” luk yak indij-o.

WONARIDNAK WENE 22:34

Yosoloma, Mbileyam-nen yosolar-e: ”Nab-o. An meya kwarigi-o. Kar-e an nabuwok menda pak tak woraigen-e an-e kabak woragi-o. Alat nde, kat-nen an mburusu yu-ge meya-t neberasu ala-ge, an-e tuguruk nama mbirimin-o” luk yij-o.

MATIUS 27:4

Mberarik, at-nen yosolar-e: ”An-e mondok meya yigirig-o! Ap mondok meya yoso bug-et nde, at wuruwakluk wesel indigi-o!” luk yij-o. Yosoloma-ge, it-nen wene erep nggarogolar-e: ”Nde, iri-ge nit nenpem nde kasu-a? Kat kondomok kebem-net yusu-o” luk yiga-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

1 SEMUEL 15:15

Yosoloma, Saul-nen yosolar-e: ”Ereba-ge Amalek nap onowam kugun pem wanidnag-o. Ereba-ge ap erep yeba-nen omok worak ala karuk, lomba min sapi min Nagawan Indo nombo Kembal Pem Nagawan iri na amanggim wosa kan purak wanidnag-o. Alat nde, mondok kwarar-e abu lak tak pikma-o” luk yak tij-o.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.

1 SEMUEL 2:29

Iri yidnag-et nde, noluk-nen kar-e an nelem nap-nen an namanggim wam wosa pidnak ereba na yik karug-e, kebem-e lasu bug-o? Noluk-nen Eli kar-e an kek tak nuburak iri na keya buruk, kambararak nde kek tak onposolat, an nilirak-nen namanggim wosa pidnak ereba na oboksa-ge an-e abok tak nuburuk, uno konak ereba na-ge it enmanggim nak wanuwakluk kar-e larok nak yusu-o?