1 SEMUEL 15:11 - Nanduk Ngget Tul Pidnak Wene

¹¹ ”Saul yu-ge an neram-nen nden karuk mborosolat, an-nen ebem pigi-ge kwarigit lak yidnak me, niri nera-nen Saul yu-ge nagawan tak ibigi-o” luk yak tij-o. Yosoloma, Semuel-e indi puru luk, Nagawan Indo emengen mbal tenak nene yij-o.

1 SEMUEL 15:11 ပူးပေါင်းရင်းမြစ်များ

NDAK WIRIDNAK WENE 6:6

Iri kwarogola karug-e, Mbal Pem Nagawan-nen perasolar-e: ”Niri nera-nen it yu-ge ndak worak unpuruk nggweyak ma yu me inpigi-a?” perasoluk, isilepma kwarat yosolat-nen

NDAK WIRIDNAK WENE 6:7

yosolar-e: ”An-nen ndak worak pigi mende ap min yi towe ndi towe oboksa min urugup worak mende oboksa min an-e niri nera-nen ndak wirigi-o luk perasu me, mondok lak tak pimin-o” luk yij-o.

1 NAGAWAN NAGAWAN-NEN KWARIDNAK WENE 11:9

Nde, Nagawan Indo Isarael nap Enmbal Pem Nagawan-nen-e mberen pem-et Salomo imbiri bem nam yosolat-nen indi yeberak obosolar-e: ”Kugwiwak nin nan-e mondok erembel wanurak pug-o” yak tij-et nde, Salomo-ge Nagawan Indo-nen yidnak yidnag-e kwarigit lak, Nagawan Indo nde keya bosola, Nagawan Indo isilepma-ge Salomo iri na ebem pij-o.

NDAWI ENGGA 110:4

Nagawan Indo-nen mondok owak mbarosolat urul pid iri-ge mondok nin tak puwa bug-o. At-nen urul posolar-e: ”Kar-e Melkisendek nggal pem irit tepan ombo woralik nalik irit woragun-o” luk yij-o.

NDAWI ENGGA 119:136

Ap-nen kat-nen idnak imiri mbarak pidnak wene ndak ndak kwarigit lak yogola karuk, niyip lengen-e yi ugul nggal soso mburusu-o.

MBIRIGA WENE 32:11

Yosoloma, Musa nen Nagawan Indo Ambal Pem Nagawan emengen mbarosolat-nen yosolar-e: ”Nagawan Indo wa-e. It yu-ge kat-nen tena unpuruk kinggi amawi bem Mesira-nen inmiri yaga wok unpuruk lobok yigen na-t nde, kar-e noluk-nen iri kwat unpugun-o?

MBIRIGA WENE 32:14

Yak tosoloma-ge, Mbal Pem Nagawan-nen-e at elem nap enpem lak tak unpurak mende enpem mberak purak indi konid iri na-ge larok yij-o.

YEREMIA 9:1

An nelem nap wim nap-nen indiga ereba na unpud yib-e kubu-nen lengge-nen kundugu yip tenak worayek-nen an nanggul-e yi kenanggugwi ondoro yi kobong tak nggal woralat, nde, niyip lengen-e yi ugul kundugu pempa so tenak woraso ereba na nggal-nen-e mondok konak lombog-o!

YEREMIA 9:18

Nde, Yewura nap-nen yogolar-e: ”Nit nunpud yip lilan wanogolat ndawi yuwak-nen ’Ndag-et yer-o’ yak ender-o. Iri yogola kuluruk, nit niniyip lengen yoso mbosolar-e, nit nenlabengen piri rak puwag-o” luk yiga-o.

YESKIEL 18:24

Alat nde, konak nap misik-nen konak kwaroso iri na keya buruk, meya nggok lombok, meya kwarugwi nap-nen kwarugwi unmunggum lera mboso mende ereba na kwarosola-ge, at iri-ge uruk irit wolma-o luk perali-a? Mondok lag-o! Nanduk at-nen konak kwaroso ereba na-ge misiger-o luk nindi yeberak woramin pug-o. At iri-ge at-nen meya kwarosolat, tugup lak an-nen yidnak yidnak kwarigit lak yidnak pem-net wat ma-o.

AMOS 7:3

Yosolakmu, Nagawan Indo-nen at-nen kwarurak peragid iri na larok yosola-nen yosolar-e: ”Kat-nen kaigen iri-ge kwat ma-ge lag-o” luk yij-o.

YUNUS 3:10

Iri kwarogola, Mbal Pem Nagawan-nen-e it-nen kwatli iri na-ge kagaij-o. At-nen yik kasolar-e, it-nen meya kwarugwi enpage iri na-ge keya bidnak irit kagaij-o. Karug-e, at-nen-e lak tak unpurak indi yemnak pid iri na luruk tak posolar-e, lak tak unpurak yid iri na-ge larok yij-o.

YUNUS 4:2

Isilepma yosolat-nen tepan yosolar-e: ”Nagawan Indo wa-e. Nanduk an-e nama-nen lobok yigit lak ma-net yu nggal-et kwarugun-o luk yigi na-ge lag-a? Iri ala karuk-nen an-e nok Sepaniol nggwe mbereyekluk yigi nar-o! Kar-e Mbal Pem Nagawan ap enabuwa kaso elem, unpud kaso elem, mamak puruk worasolat, yemnak nak kwarosolat, meya rak unpurak yidnag-et nde, pempa kindi luruk posolat yoso Mbal Pem Nagawan kar-e an-e naru-o.

MATIUS 24:13

Alat nde, ta-nen nde irit momak puruk worasoma, woroksiyem wok yuwa nab-e imiri yuwa-o.

MATIUS 5:44

Alat nde, an-nen yak kendeyeg-o: Kit kinmin sirid nap iri-ge enabuwa ker-o. Nde, kit lel mberel kunpugwi nap iri enmanggim na tepan yer-o.

LUKAS 6:12

Iri na tarem-e Yesus na tepan yekluk ndobo bem lagarig-e, kubu nggwe Mbal Pem Nagawan emengen mbal tenak iri-net o nda yij-o.

IBERANI 10:38

Nde, an nelem nap, lud tak nak tak inpidnak nab-e inndi angin tubu yidnak pem-net unluk wolma-o. Alat nde, ap misik-nen nde indi angin tubu yidnak keya bosola-ge, an-nen-e ap na ebem-e nalen kamin pug-o” luk yij-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.

1 SEMUEL 13:13

Wene iri kuluruk, Semuel-nen Saul yak tosolar-e: ”Nagawan kat-nen kwarigen iri-ge mondok indi lak-nen kwarugwi-t kwarigenma-o. Kat nde Nagawan Indo-nen kebem pidnak iri na-t kwatlepnggal-nen-e nagawan men yugwi iri na-ge kat-nen nderak lolo irit Isarael nap ennggendumu iri nak-nen nagawan woraleb-o.

1 SEMUEL 15:10

Iri kwarogola Nagawan Indo-nen Semuel yak tosolar-e:

1 SEMUEL 15:3

Iri bem-e kir-e mburugupndik Amalek nap enpem kore yogolat, enarengge min mondok abu pendega lak tak purag-o. Yi mende ndi mende misiger-o luk mondok keya burak pug-o. Ap ala na kwami ala na li marik ala na, li nggisiya ala na onowam sapi min lomba min unta min kelerai min oboksa mondok pendega lak tak unpurag-o” luk yak tij-o.

1 SEMUEL 15:35

Iri kwariga kuri Semuel na woralar-e, Saul imin-e lambuk yigit lak irit woragij-o. Alat nde, Semuel na-ge Nagawan Indo-nen-e: ”Niri nera-nen Saul yu-ge Isarael nap enanggul pem nagawan mendak pigi-o” yosola karug-e, Semuel na-ge Saul yebet karug-e indi andi kerenak woragij-o.

1 SEMUEL 16:1

Nde, siyak woraruk misik tarem-e Nagawan Indo-nen Semuel yak tosolar-e: ”Kar-e Saul yebet karuk, kindi andi kerenak worasu-a? Nde, Saul iri-ge Isarael nap ennggendumu nagawan woraso iri na-ge lak tak pigi nar-o. Kar-e saitun engen amburu kenanggo waruk Mbetleyem ap misik unu-ge Isai iri eram-et mbiri-o. At iri ambararak ennggendumu misig-e nagawan wolmakluk an-nen lenak pukmu-o” luk yak tij-o

1 SEMUEL 8:6

Yak togola-ge, Semuel-nen-e it-nen nggi yiga wene iri-ge isili rak purug-e, at-nen-e tepan pem Nagawan Indo yak tij-o.