1 SEMUEL 14:45 - Nanduk Ngget Tul Pidnak Wene

⁴⁵ Alat nde Isarael nap oboksa-nen Saul yak togolar-e: ”Yonatan-et wururag-e mondok ndag-a? Yawo-ge at-net ombol nggwe rak ninpid yu-t nde, mondok lag-o. Nagawan Indo Uruk nak Woraso owag-o. Yonatan yu-ge anggulsu misiger-o luk tet mondok punurak pug-o. Nagawan Indo-nen yongga worosola at-net yawo ge ombol nggwe rak ninpid yur-o” luk yiga-o. Nde, Yonatan iri na-ge mondok watleb-et nde, Isarael nap oboksa-nen imiri yiga-o.

1 SEMUEL 14:45 ပူးပေါင်းရင်းမြစ်များ

2 SEMUEL 14:11

Yosoloma, kwe iri na-nen yosolar-e: ”Ap-nen nambara misik-nen nambara misik wirid iri na bem wene nggok yosolat nambara misik yu min-et wuruwa naru, nab-o. Kat-nen Nagawan Indo Kembal Pem Nagawan eram tepan yurag-o” luk yak tij-o. Yosoloma, Ndaut-nen yosolar-e: ”Mondok Nagawan Indo Uruk nak Woraso owag-o. Kat kambara iri-ge mondok we marig-et ter-o luk sil kujwa bug-o” luk yak tij-o.

1 NAGAWAN NAGAWAN-NEN KWARIDNAK WENE 1:52

Yogolikma, Salomo-nen onggo yosolar-e: ”At-nen nde konag-et worala-ge, marig-et tet angin worak ebem pimin pug-o. Alat nde, at-nen nde meya kwarosola-ge, iri-ge mondok wururag-er-o” luk yij-o.

NEMIA 9:27

Iri yogola-ge, kat-nen-e ir-e inminep wesera unuwim nap endam inpigen-o. Iri yigenma insilepma min mondok anggun panggun tak inpiga-o. Alat nde, iri nggal anggun panggun tak onpogola-ge, yongga unduwakluk kat keram wene mbo kibil lobok yiga-o. Iri yogola, kat-nen aid arem-nen kulurug-e, enabuwa karuk enne kuligen-o. Kulurug-e, kat-nen-e it unuwim nap ininggem-nen inmiri yuwakluk, it-nen ene kulurak nap min san ombo onowe min lenak inpigen-o.

MATIUS 10:30

Nde, kir-e kenanggulusu oboksa wonarak worasu-o.

LUKAS 21:18

Alat nde, kit kenanggulsu misiget ter-o luk pul ma-ge mondok lag-o.

YIDNAK YIDNAK WENE 14:27

Iri na me wok lug-e, lambuk tak inpidnak nap na ndok worak unpuruk, Mbal Pem Nagawan-nen it inmin kwaridnak mende pidsa-t kenggera yak ondogolat, Mbal Pem Nagawan-nen enlem nin nap inndi angin tubu yurak tu kuwarak pidnak wene na yak ondogolat yiga-o.

YIDNAK YIDNAK WENE 15:12

Yak ondosoloma-ge, ereba ndok wiridnak nap pidsa ene lak nak woragolar-e, Mbal Pem Nagawan-e Mbaranabas min Paulus min inmin woralat, enlem nin nap ennggendumu-nen kagwi buk mende min kwiye worak mende min kwaril niga na kenggera yak ondogola-ge, kolak woraiga-o.

YIDNAK YIDNAK WENE 21:19

Nde, Paulus na-nen-e wa yak ondosoluk yarig-e, enlem nin nap ennggendumu eyabu wanosola, Mbal Pem Nagawan-nen kwaridnak wene na kwara ndindera yak indij-o.

YIDNAK YIDNAK WENE 27:34

Iri bem-e, naptag-o. Kunluk worabok-nen nunggwi mende mer-o. Kit ya kennggendumu-nen ap misik anggulsu misiger-o luk tet lak ma bug-o” luk yak indij-o.

OROMA 15:18

An-e kwiye lag-et wene yusu yu-ge, yu bem-nen yusu-o. Kerisut an narem worala-nen-e enlem nin nap iri-nen Mbal Pem Nagawan-nen yidnak yidnak kwarugwi nap makluk, nene bem-nen na, kwaroso bem-nen na,

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 19:14

Aid arem woragwi san winde-ge at imin unsum-e sum loro konak kopkap lak yutluk, kuda wam loro ereba na ombolwak pem yere kore at imin mbiriga-o.

1 SEMUEL 11:13

Alat nde, Saul-nen yosolar-e; ”O yawo-ge Nagawan Indo-nen Isarael nap inmiri yidnak tarem me, yawo yu tarem-e ap mondok undurak pug-o” luk yij-o.

1 SEMUEL 14:23

Iri yogolat wim tomborogolar-e, tula irit timbiril timbiril mborogolar-e, o Mbet-Awen kwidsa irit mbiriga-o. Iri yogola-ge, iri tarem-e Nagawan Indo-nen Isarael nab-e inmiri yij-o.

1 SEMUEL 14:46

Iri luk ombol nggwe-ge Saul-nen Pilisin nab-e tuguruk muk eneyagit lak ala karuk, ir-e it woragwi sa-t tuguruk mbiriga-o.

1 SEMUEL 19:5

Kindi yebet ki-o. Ar-e Nggoliat worosolar-e, iminep wisirik puruk nggwid iri nar-o. At ebem-net Isarael nab-e Nagawan Indo-nen ombol nggwe rak inpid iri nar-o. Iri kwarosola-ge, neid kerengen-net karuk, iri tarem-e neid kar-e kalen kaigen nar-o. Alat nde, yawo-ge meya kwarigit lak nap yu lel mberel obosolat, konak nap yu-ge elem lak ma-t wururak yusu-a?” luk yak tij-o.