1 SEMUEL 14:44 - Nanduk Ngget Tul Pidnak Wene

⁴⁴ Yosoloma, Saul-nen Yonatan yak tosolar-e: ”Kat nde meya kwarigen onggo wat yigit lak yosolar-e, an nde Nagawan Indo-nen nuruwag-o!” yak tij-o.

1 SEMUEL 14:44 ပူးပေါင်းရင်းမြစ်များ

NDAK WIRIDNAK WENE 38:24

Nde, waneya kenan woraruk ombol nggwe Yewura-nen wene kolel kagaidnggal-e, at ambararak onkwe togwe iri na-ge tup tup yogolar-e: ”Terak waring kasolat abila yarik worasu-o” yidnak wene irit kulij-o. Kuluruk, Yewura-nen wene wirik posolar-e: ”At iri-ge kan-nen nuruk lak tak puwakluk, kudsa kan purag-o” luk yak indij-o.

2 SEMUEL 12:31

Nde, ereb-e iri me woragwi nab-e kugun pem ndegel unpuruk mborogolar-e: ”E ngarugwi nggere nggere min posid tege min posid min-et waner-o” yak endamu, waruk mbirigarig-e, ap ereba na-ge o wururak nggweyak konugwi sa nggweyak kerep konuwakluk inpil lobok yosolar-e, iri nggal-et kwasa Amon nap o siri nin me nin me worali ereba na iri nggal-et kwasa enpem pil lobok yij-o. Iri rak unpurug-e, Ndaut min Isarael nap san ombo oboksa min tuguruk Yerusalem mbiriga-o.

2 SEMUEL 12:5

Iri yosola, ap arengge kwarat iri na-nen kwaridnak wene iri na kulurug-e, Ndaut na-ge isilepma kwarat yosolat-nen yosolar-e: ”Ap arengge kwarat iri-ge abur-e mondok meya-t kagi-o! Mondok Nagawan Indo Uruk nak Woraso owag-o. Ap iri-ge lomba marik iri onggo posolar-e, empat pem nambena puruk, ebe-ge mondok wururag-o” luk yij-o.

2 SEMUEL 19:13

Yak unduruk, Ndaut-net Amasa yak tuwaklug-e, yu nggal yak indij-o: ”Kar-e an nimin-e nenpe misiget na-t nde, yawo kuri-nen kar-e Yoap ondolma an-nen idnak san ombo onowe mendak kibimin-o. Nde, an-nen nde iri kwat kibigit lak ala-ge, Mbal Pem Nagawan-nen nuruwag-o!” luk yak tuwakluk yak indij-o.

NGGOMO WENE 25:16

Kindi limi leme mbuwa naru, tamuk amburu kwarat norak pug-o.

WENE MBENARUGWI NAP-NEN KWARIDNAK WENE 11:35

Nde, Yepta-nen yik kagaidnggal ara iri na nde karug-e, indi puru kwarat yosolar-e, abare sum iri na mondok ndela bela keya bosolat-nen yosolar-e: ”O! Nara wa-e. Mondok nindi abi kalak pusu-o! Noluk-nen kar-e an nindi andi rak pusu-o? Nde, an-e Nagawan Indo imin ’Irit kwarimin-o’ luk owak mbaridnak me, tuguruk larok yurag-e meya-o” luk yij-o.

URUT 1:17

Kat wat yugun sa na an na iri me-t wat yumu, yapma nubuwa-o. Nde, an-e Nagawan Indo imbiri bem-et owak mbarusu-o. Mondok wat yogolat-net keya kibimin-o” luk yij-o.

1 SEMUEL 14:39

Iri luk Saul-nen watsa yosolar-e: ”Uruk nak woraso Nagawan Indo, Isarael nap ombol nggwe rak inpid iri na erengen pem yusu-o. Ta-nen nde meya kwaridnak ala-ge, mondok wat ma-o. An nambara Yonatan-nen kwaruwa-t nde, iri na mondok war-et ma-o” luk owak mbarij-o. Alat nde, ap misiger-o luk-nen mbi erep nggarigit lak yiga-o.

1 SEMUEL 25:22

Olengen awo kona pil wagit lak ma ereba me worali nap oboksa an-nen nde indigit lak ala-ge, Mbal Pem Nagawan-nen an nuruwag-o!” luk yebet kil kil lobok yosoma-ge,

1 SEMUEL 3:17

Yosoloma, Eli-nen kin wok obosolar-e: ”Nagawan Indo-nen-e no yak kirij-o? Oboksa yak niri-o. Kat-nen nde ereb-e karem yemndak keya bugun nde ala-ge, Mbal Pem Nagawan-nen angin worak kebem mberak puwa-o” luk yak tij-o.