1 SEMUEL 14:36 - Nanduk Ngget Tul Pidnak Wene

³⁶ Iri luk Saul-nen at imin nugwi nap ereba na yak ondosolar-e: ”Yawo kubu yu-t Pilisin nap enpem kore yil mbogolar-e, enarengge ndena wanogolat enpe oboksa ondogolat worakmu o nda mag-o” yosoloma, it-nen erep nggarogolar-e: ”Nonowe nagawan kat-nen yigen irit kwaruwog-o” yiga-t nde, tepan ombo-nen yosolar-e; ”Nandug-er-e Nagawan Indo indi-n pidnak mirik nunpuwak-nen nggi yuwog-o” luk yij-o.

1 SEMUEL 14:36 ပူးပေါင်းရင်းမြစ်များ

NDAWI ENGGA 73:28

Alat nde, an perak nde Mbal Pem Nagawan eram wolmomtag-e mondok konak lombog-o. Nagawan Indo Mbal Pem Nagawan-e an-nen-e an kurak yoso nondoro rak pusu-o. Iri kwarusu iri-ge at-nen kwaroso wene-ge an-nen wigareyekluk-nen kwarusu-o.

YESAYA 58:2

It iri-ge pempa an nerembel wanogolat, an nindi-n pidnak enaru yogolat worali-t nde, iri nggal kwarogolar-e, an-nen idnak imiri mbarak pidnak wene iri na ndak ndak kwarugwi nggal kwatli-o. Iri nggal kwarogolat-nen it-nen yogolar-e: ’Kat-nen idnak imiri mbarak pidnak wene mot mot iri nak wok nindi-o. Nde, nir-e kat kerembel wanugwi iri-ge nindingen-o’ luk yili-o” luk yij-o.

MALEAKI 2:7

Ndemeret tepan ombo-nen kwarurag-e Nagawan Indo Mondok Kek tak an nowene ndemeret mot mor-et ap mul ondogolat wolmomtak irir-o. Nde, it iri-ge an-nen wirik inpil lobok yidnak me, ap-nen-e an nindi-nen pidnak wene-ge it irit kin wok onpogolat wolmomtag-o.

WONARIDNAK WENE 27:21

Nde, Yosua-nen-e at-nen kwarurak iri-ge tepan ombo Eleasat kin wok uburag-o. Iri yosola-ge, Eleasat-nen an nindi-n pidnag-e Urum min Tumim min pem nen-e aru ma-o. Iri nggal kwarosolar-e, Eleasat-nen-e Yosua min Isarael nap oboksa min-nen kwarogolat wolmomtag-e mirik unpuwa-o” yak tij-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 SEMUEL 1:23

Yosoloma, Elkana-nen onggo yosolar-e: ”Iri ala-ge ob-o. Kat-nen yik kasoma nde konak ala-ge kwarurak nag-o. Kar-e yeba-t worasoma, la kamo mbarak purak tarem ndak mag-o. Nde, Nagawan Indo-nen kat-nen urul pigen iri na-ge ebe kwarak puwag-o” yak tosoloma-ge, Ana na-ge o ma iri na-t worasoma, la iri na kamo mbarak purak panggo yij-o.

1 SEMUEL 11:11

Nde, kup o nda yosola-ge, Saul-nen-e at nap ereba na-ge menggesa kere kenan tak puruk, o nggeret kil posola-ge, Amon nap unuwi bem mbud yigarik o nariga-o. Iri yogolar-e, Saul-nen idnak san ombo-nen Amon nab-e urugwe nggwe rak inpiga-o. Nde, mengga ndibi ndi yiga nab-e mberen lombok-nen mbi mondok mbirigit lag o.

1 SEMUEL 14:3

(Nde, tepan ombo-nen yurugwi sum (epot) waruk mbirid tepan ombo-ge Agitup ambara Agia-nen waruk mbirij-o. Agitup iri-ge Pineas ambara Ikabot owe-o. Nde, Pineas iri-ge Nagawan Indo-nen idnak tepan ombo Eli o Silo woraso iri na ambara-o.) Nde, ap ereba na-ge Yonatan iri me-nen mbirid na-ge kabag-et woraiga-o.