1 SEMUEL 14:27 - Nanduk Ngget Tul Pidnak Wene

²⁷ Alat nde Yonatan iri na-ge at eid Saul-nen ap ereba na-nen nasoma enpem imbiri lamut tak purak wene wirik pid iri na-ge kabak me, wangun inggem iri na wanosolar-e, tamuk amburu iri na ndowasa keya buruk, wanarik ninggij-o. Nurug-e, erengen kondok yosolat tuguruk amawi irit yij-o.

1 SEMUEL 14:27 ပူးပေါင်းရင်းမြစ်များ

NGGOMO WENE 24:13

Nambara wa-e. Tamuk amburu iri-ge mondok konak me, min-o. Tamuk amburu engen arem norak undu konak worasu iri nggal-et

NGGOMO WENE 25:26

Konak nap-nen meya kwarugwi nap enaye-nen tebek yili iri-ge yi ulusu min yi emnde mbaridnak min unggul kopkap tobok tak ereba na nggal-nen yili-o.

1 SEMUEL 14:28

Nuruk ombol nggwe san ombo ereba na ennggendumu ap misik-nen Yonatan yak tosolar-e: ”Kat keid-nen wene nit nenpem posolat-nen owak mbarosolar-e: ’Ta-nen nde o yawo yu-nen nunggwi mende nujwa ala-ge, mondok imbiri lamut ebem mberak purag-o’ luk yidnak me, nit oboksa ninggit lak me, nere-nen nenmawi lak yusu-o” luk yak tij-o.

1 SEMUEL 14:29

Yosoloma, Yonatan-nen onggo yosolar-e: ”An neid iri-ge nit nenlem nap inmin mondok meya-t kwarij-o. An-e tamuk amburu ningginggal-e yawo-ge namawi yid yu ki-o.

1 SEMUEL 14:43

Iri ala karuk Saul-nen Yonatan yak tosolar-e: ”Kar-e no kwarigen-o?” yak tosoloma, Yonatan-nen onggo yak tosolar-e: ”An-e tamuk amburu wangun abi bem-nen siyak ndowasa waga ninggi-o. Meya iri kwarigirik me, an wat yurak iri-ge ndak-nen yusu-o” luk yij-o.