1 SEMUEL 14:1 - Nanduk Ngget Tul Pidnak Wene

¹ Nde, misik tarem-e Yonatan-nen ap sujwe at esan waruk naso iri na yak tosolar-e: ”Nir-e Pilisin nap-nen tu pakta worali sa ele me ndil log-o” yak tij-et nde, ar-e eid yak tigit lak irit yij-o.

1 SEMUEL 14:1 ပူးပေါင်းရင်းမြစ်များ

MIKA 7:5

Kat keralu woragwi nap ereba na-nen yidnak wene-ge ndemerer-o luk yebet kudtak pug-o. Kat kanggam iri na ebem na kindi wat tak puruk wolmomtak pug-o. Kat-nen wene yugun iri-ge kambik kogwe iri na imbiri bem-et nde, kat-nen wene yosolar-e, kindi kwara yebet karuk-nen yurag-o.

WENE MBENARUGWI NAP-NEN KWARIDNAK WENE 14:6

Ereya na-net Nagawan Indo-nen amawi rak posola-ge, ap-nen kambing amarik lebena keya bugwi nggal singa iri na-ge inggi bem-nen nak lebena keya bij-o. Nde, iri kwarid iri na wene-ge eid ija-ge mondok yak indigit lak yij-o.

WENE MBENARUGWI NAP-NEN KWARIDNAK WENE 14:9

inggi pil nggwarik, amburu iri na wanurug-e, nil nil mberarik, eid ija endam wok yosolar-e, mak endamu, ningga-o. Nde, Simson-nen-e: ”Amburu yu-ge singa orogak arem-nen wanigirig-o” luk iri na mondok yak indigit lag-o.

WENE MBENARUGWI NAP-NEN KWARIDNAK WENE 6:27

Yosoloma-ge, Nggireyon-nen-e at ndegel ubugwi nap enpe sepulu inmin tak puruk, Nagawan Indo-nen ebem pidnak iri na-t kwarurak mbirij-o. Alat nde, eidtak min owe owot min o iri me woragwi nap min enaye-nen-e lengge-nen kwarurag-e keya buruk, ar-e kubu-nen nde kwarij-o.

1 SEMUEL 13:2

Israel nap ennggendumu-nen ab-e tiga ribu (3.000) irit len unpurug-e, dua ribu-ge (2.000) at imin o Mikmas ndobo worak o Mbetel iri me woraiga-o. Nde, ap seribu-ge (1.000) at ambara Yonatan min Mbenyamin nap unuwi nggweyak pem o Nggibea mbiriga-o. Nde, ap erep terak ereba na-ge ”Kenma lombok ndi yer-o” luk yak indij-o.

1 SEMUEL 13:22

Iri kwarugwi iri-nen ndowaga o Mikmas iri me-nen wim nggwiga tarem-e Isarael nap ennggendumu-ge ap misiger-o luk mbi-nen yalawi ala na posid wuru ala na mondok ininggem lak irit woraiga-o. Alat nde Saul ambara Yonatan enmberek nak perak ininggem woraiga-o.

1 SEMUEL 13:23

Nde, Pilisin nab-e tu paktag-e ndobo kaluruk Mikmas mburugwi sa yengenma iri na me o worak puruk, o paktak woraiga-o.

1 SEMUEL 14:2

Nde iri tarem-e Saul na-ge o Nggibea koroga Migoron iri me e ndelima indipma woragij-o. Nde, ap at imin woraiga nab-e enpe wonarag-e enam ratus (600) irit woraiga-o.

1 SEMUEL 25:19

at ndegel ubugwi nap ereba na yak ondosolar-e: ”Kir-e nanduk tak per-o. Nde, an-e kinmbirik tak pimin-o” luk yak indij-o. Alat nde, wene iri na-ge un iri na-ge yak tigit lak irit yij-o.