1 SEMUEL 13:5 - Nanduk Ngget Tul Pidnak Wene

⁵ Nde, Pilisin nab-e Isarael nap undurak ap kamariga-o. Nde, Pilisin nap enarengge wim koma-ge tiga pulu ribu (30.000) irit lud tak piga-o. Nde, ap enam ratus (600) iri-ge kura wam ombol pem mbururak lud tak piga-o. Nde, san ombo-ge mondok yi sisiri nggal irit ndok wiriga-o. Iri rak purug-e, o sare-ge mo luwaso (timur) nggwe Mbet-Awen ambigit Mikmas iri me lit kil lobok yiga-o.

1 SEMUEL 13:5 ပူးပေါင်းရင်းမြစ်များ

NDAK WIRIDNAK WENE 22:17

an-nen-e kar-e imbiringgat kwarat kebem mberak posolar-e, kat-nen wigarag-e wonaru nggal, yi mbini nggal ligik lujwa-o. Nde, kat-nen wigarak-nen wim nggogolar-e, wim nab-e urugwe nggwe rak unpuwa-o.

2 SEMUEL 17:11

Iri bem-e an-nen perasu-ge yu nggal-o: Isarael nap oboksa enma lombok woragwi oboksa yi sisiri nggal ndok wat unpuruk, kat-net anggul tak unpuruk wim timbiril mbururag-o.

YEREMIA 15:8

Kit kenma-ge kweyap togwe nak kwarat, yi sisiri nggal mondok ligik lujwa-o. Ap oboksa unsujwe bem-et undumu, iniyarag-e yane worogolat wolma-o. Lengge irit an-nen-e lak tak onposo nap misik pil lobok yumu, ir-e kwiye-nen yane worogolat wolma-o.

OSEA 4:15

Isarael nap wa-e. Kir-e tugup lak an-nen yidnak yidnak kwatli bug-o! Alat nde, an-nen-e it enlem Yewura nab-e kit-nen lugud tak kwatli yeba nggal-e meya kwarigit lak mag-o luk perasu-o. Nggilnggal min Mbetel min ereba me-nen-e Nagawan Indo erembel wanogolat, iri me-nen na Nagawan Indo uruk nak woraso iri na unu bem-e owak mbarurak pug-o.

OSEA 5:8

Nggibea-nen ene pu yer-o! Wim nggurak pem yenggerak puwakluk lel kagwi iri na Arama-nen ene lo rak per-o! Mbetel-nen wim nggurak pem kek kok per-o! Mbenyamin nap wa-e. Ndak wim timbiril mberer-o!

OROMA 9:27

Nde, Yesaya-nen Isarael nap onowene ene amawi min yosolar-e: ”Isarael nap iri-ge yi sisiri nggal kwarar-et nde, marig-et nak nde inmiri yaga wok unduwa-o.

YOSUA 7:2

Nde, iri tarem-e Yosua-nen-e ap ereb-e Yeriko-nen Ai wi wirik inpij-o. Nde, Ai iri-ge Mbetel-nen-e mo luwaso (timur) ambigit nggwe-o. Mbet awen koroga-o. Nde, Yosua-nen-e o iri kwara lombot puwakluk ap ereb-e wirik inpij-o. Nde, it-nen-e yabu enpem pidnak iri na kwatlug-e,

WENE MBENARUGWI NAP-NEN KWARIDNAK WENE 7:12

Mbiganggal-e, Mirian nap min Amalek nap min ap erep nembaga nggwe-nen lobok yidnak nap min oboksa mbirikmu ereba na me mondok it nak tabuk tak worakmu eneyaiga-o. Mondok ubugwe nggal logo logo irit eneyaiga-o. Nde, onowam unta wam-e mondok wonarurak puk yi sisiri nggal irit kaiga-o.

1 SEMUEL 13:11

Alat nde, Semuel-nen kin wok obosolar-e: ”Kar-e no kwarigen-o?” luk yak tosola, Saul-nen yosolar-e: ”An-e kat-nen urul pigen iri na yik keyarok woragi-t nde, lobok na yigit lak. Iri-nen ap na an keya nuburuk mborogolat ondoro nak yogolat, iri-nen Pilisin nab-e Mikmas nak kamarogola karug-e,

1 SEMUEL 13:2

Israel nap ennggendumu-nen ab-e tiga ribu (3.000) irit len unpurug-e, dua ribu-ge (2.000) at imin o Mikmas ndobo worak o Mbetel iri me woraiga-o. Nde, ap seribu-ge (1.000) at ambara Yonatan min Mbenyamin nap unuwi nggweyak pem o Nggibea mbiriga-o. Nde, ap erep terak ereba na-ge ”Kenma lombok ndi yer-o” luk yak indij-o.

1 SEMUEL 14:23

Iri yogolat wim tomborogolar-e, tula irit timbiril timbiril mborogolar-e, o Mbet-Awen kwidsa irit mbiriga-o. Iri yogola-ge, iri tarem-e Nagawan Indo-nen Isarael nab-e inmiri yij-o.

1 SEMUEL 14:52

Saul uruk woralar-e, pempa Pilisin nap inmin mondok wim kwiye worak mbal tenak woraso me, Saul-nen yik kasoma nde ap nde enmawi worak, kwiye lak ala-ge, waga san ombo nggorak onposolat irit woragij-o.

1 SEMUEL 17:1

Nde, misik tarem-e Pilisin nap san ombo oboksa wim ngguwokluk Yewura nggweyak pem o Soko siri iri me obo nesa keya buruk, ndok wiriga-o. Iri lug-e, o lije-ge Suko wok Aseka wok o Epes Ndamim iri me wiril lobok yiga-o.

1 SEMUEL 7:13

Iri nggal kwasa Pilisin nab-e urugwe nggwe rak inpiga-o. Iri rak inpikma, it-nen Isarael nap-nen tenagid nggweyak arem-e Semuel uruk worala-ge, Pilisin nap-nen tuguruk nggumomtag-e meya irit woraiga-o.