1 SEMUEL 13:14 - Nanduk Ngget Tul Pidnak Wene

¹⁴ Kar-e Nagawan Indo-nen kebem pidnak wene iri na-ge kwid tidnak me, kat kebem pidnak yabu iri na-ge pem wolma bug-o. Nde, yawo-ge Nagawan Indo-nen at ilirak tena unpuruk wolmomtak at indi-n pidnak nap mbi mondok abu lenak pij-o” luk yak tij-o.

1 SEMUEL 13:14 ပူးပေါင်းရင်းမြစ်များ

2 SEMUEL 5:2

Nanduk-nen na irit, Saul-nen tena nunpuruk worala tarem-nen na irit, Isarael nap san ombo wim timbiril mborogola-ge, pempa kat-nen lit nunpuruk nosolat worasu iri nar-o. Iri-nen Nagawan Indo-nen kat yak korosolar-e: ’Kat-net an nilirak lit unpuruk nosolat, kar-et an nilirak ennggendumu nagawan men yugun-o’ luk yak kirid iri nar-o” luk yak tiga-o.

2 SEMUEL 6:21

Yosoloma, Ndaut-nen yosolar-e: ”Nagawan Indo-nen kat keid min owe owot min keya unpuruk, at ilirak Isarael nap lit unpuruk nuwakluk lenak nibid Nagawan Indo iri na abi wanosolat-net kot kagi-o. Iri bem-e, an-e Nagawan Indo irit abi wanosolat pem irit kot tenak woramin-o.

2 NAGAWAN NAGAWAN-NEN KWARIDNAK WENE 20:5

”Nagawan Indo an nilirak-nen idnak Nagawan Isikia iri eram mburugundik, wene yu yak ti-o: ’Nagawan Indo Kembal Pem Nagawan kombo Ndaut-nen kek tak poso Mbal Pem Nagawan an-nen-e kat-nen yip tigen kasolat, tepan yigen na kolosolat yusu-o. Nde, kar-e ki rak kibimin-o. Iri yumu, kup woraruk, kup iri-ge an nama mburugun-o.

NGGOMO WENE 27:24

Kek tak onposo yi mende ndi mende iri-ge mondok pem-e wolma bug-o. Iri-nen nagawan-nen o tena woragwi na pem irit o tena wolma bug-o.

YIDNAK YIDNAK WENE 13:22

Iri luk, Mbal Pem Nagawan-nen Saul na kona waburuk, Ndaud na it enmanggim nagawan mendak puruk, Mbal Pem Nagawan-nen Ndaud owene konggorosolar-e: ’Isai ambara Ndaud iri-ge an nindi kumburak-nen yusu-o. An nindi-n pidnak nak kwaruwa ala-nen wanigi-o’ luk yij-o.

YIDNAK YIDNAK WENE 7:46

Mbal Pem Nagawan-nen Ndaud na indingen tak posola-ge, ’Yakup Ambal Pem Nagawan amanggim o wereyeg-o’ luk at-nen Mbal Pem Nagawan emengen mbarosolat woragaij-o.

IBERANI 2:10

At ondomok amanggim at-nen yi mende ndi mende oboksa ndak worak pid Mbal Pem Nagawan iri na-nen Yesus-e at andi bandi kagaid iri bem-net iminep mbarak ibid iri-ge yurag-et kwarij-o. Iri bem-nen-e at ilirak kwarar-e at unu kek tak pidnak na erep wanuwakluk andi bandi kagaij-o. Nde, iri yid nap Yesus iri-ge ap inmiri yurak tula nggwe lit eneyaruk mboroso nap-net yusu-o.

1 SEMUEL 15:23

Nagawan Indo imin eyak wurugwi iri-ge kugwi tu mbarugwi ndak ndak-net yusu-o. Nde, inndi kek yugwi iri-ge kugwiwak erembel wanugwi ndak ndak-net yusu-o. Kar-e Nagawan Indo ene tarigendik me, Nagawan Indo-nen-e kat-nen nagawan woraso iri na-ge lak tak kibij-o” luk yak tij-o.

1 SEMUEL 15:26

Alat nde, Semuel-nen onggo yosolar-e: ”An-e tuguruk nagawan kat kimin mbururag-e nimbir-o. Kar-e Nagawan Indo-nen yidnak wene taridnak me, Nagawan Indo-nen-e kat-nen nagawan woraso lak tak kibij-o” luk yak tij-o.

1 SEMUEL 15:28

Iri ala karuk, Semuel-nen Saul yak tosolar-e; ”O yawo-net kat-nen Isaraei nap ennggendumu nagawan woraso iri na-ge Nagawan Indo-nen kat kinggem-nen lit yaga kat nggal-e lag-o. Are, konak mot mot nak kwaroso nap misik wok tij-o.

1 SEMUEL 16:1

Nde, siyak woraruk misik tarem-e Nagawan Indo-nen Semuel yak tosolar-e: ”Kar-e Saul yebet karuk, kindi andi kerenak worasu-a? Nde, Saul iri-ge Isarael nap ennggendumu nagawan woraso iri na-ge lak tak pigi nar-o. Kar-e saitun engen amburu kenanggo waruk Mbetleyem ap misik unu-ge Isai iri eram-et mbiri-o. At iri ambararak ennggendumu misig-e nagawan wolmakluk an-nen lenak pukmu-o” luk yak tij-o

1 SEMUEL 16:12

Yosoloma, Isai-nen-e la iri na wene mbo ubuwakluk ap yak endamu, yak tikma-ge, ap sujwe arare na konak, ebe na mbenak, erengen na konak irit lobok yosola, Nagawan Indo-nen Semuel yak tosolar-e: ”An nindi peragi-ge yur-o. Irit anggul pem amburu kilik pi-o” luk yak tij-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.

1 SEMUEL 24:20

Nde, an-nen-e kar-e Isarael nap ennggendumu nagawan yugun-o luk keberasu-o. Iri yosolar-e, Isarael yu me kat-nen tenakun uwi-ge mondok tugup lak irit wolma-o luk perasu-o.

1 SEMUEL 25:30

Nde, Nagawan Indo-nen-e at-nen konak kwat onposo elem iri na bem ’Kwat kibimin-o’ luk urul yak kirid iri na-ge kwat kobosolar-e, nap kar-e Isarael nap enanggul pem nagawan tak kubuwa-o.

1 SEMUEL 9:16

”Kub-e yanem nggal kuplila an-nen elem Mbenyamin nap misik kat keram pil lobok yimin-o. Iri yosola-ge, amburu anggul pem kilik posolar-e, Isarael nap ennggendumu nagawan tak ibi-o. Iri rak ubugunmu-ge, at-nen-e an nilirag-e Pilisin nap ininggiyapma-nen inmiri yuwa-o. Nde, an-e an nilirak-nen yane worogolat, ’Yongga nindi-o’ luk yip togolat yili ereba-ge eneyasolat, kolosolat kwarusu-o” yak tij-o.