1 SEMUEL 12:3 - Nanduk Ngget Tul Pidnak Wene

³ Nde, yawo an-e kit kenlengen pem mendak worasu-o. An-nen nde meya mbi kwaridnak worala-ge, Nagawan Indo min at-nen nagawan lenak pidnak nap min enlengen pem-et: ’Kar-e iri kwarigen nar-o’ luk nimbiri parer-o. An-e ap erep enarengge sapi ala na, kelerai wam ala na mbi wanoso, lak? Are, kenmberam lasolat namawi bem kenarengge mengga wanosolat, onggo wok norogola lesa wanosolat kwaroso-a? Iri nde yoso ala-ge, tuguruk uwi yageyek-nen ndak yak nerer-o” yak ondosoloma,

1 SEMUEL 12:3 ပူးပေါင်းရင်းမြစ်များ

2 SEMUEL 22:22

An-e Nagawan Indo-nen nebem pidnak nak kwarosolat, Mbal Pem Nagawan keya buruk mboroso bug-o.

NDAWI ENGGA 15:5

At uang na lesa waneyekluk luru wok ondoso buk, meya kwarugwi buk nap na enare peyekluk onggo wanoso bug-o. Iri nggal kwaroso nap perak nde mondok tugup lak irit wolma-o.

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

MBIRIGA WENE 23:8

No bem-nen nggok yimin?’ luk, uang lesa wanurak pug-o. Lesa wanugwi iri-ge mot mot kwarurak na-t nde, enlengen ngguru rak posolat, meya kwarigit lak nab-et nde, meya enpem poso-nen yusu-o.

NGGOMO WENE 15:27

Ta-nen nde ukwe ukwe iri bem lesa wanugwi mende nde kwarurak pug-o luk yidnak ereba na kwarosolar-e, at ambik ogwela inmin enlengenwak lak tak posolat-nen kwarusu-o. Ukwe-nen ndowaga uang lesa wanugwi isili rak pusu nab-e konak alen pem-et wolma-o.

MATIUS 22:21

Yosoloma-ge, it-nen yogolar-e: ”Kaisat-nen idnak-nen yusu-o” luk yiga-o. Yogolikma-ge, Yesus-nen it yak ondosolar-e: ”Iri ala-ge, Kaisat arengge iri-ge Kaisar-et wok turag-o. Nde, Mbal Pem Nagawan arengge iri-ge Mbal Pem Nagawan-et wok turag-o” luk yak indij-o.

LUKAS 19:8

Nde, Sakius ama nggwigarik woragolar-e, Sakius na men luk, Nagawan Indo yak tosolar-e: ”Nagawan Indo wa-e. An narengge pidsa erep menggesa ereb-e insilobulo lak nap tembesa wok indimin-o. Nde, an-nen onmbol pem laruk enarengge wanidnak nap na enarengge uwi yak ondosolar-e, ondolmasa empat pem wok indimin-o” luk yij-o.

YIDNAK YIDNAK WENE 20:33

Ap misik ebem-o luk tet perak tol ala na, emas tol ala na, yurugwi sum ala na an-e ukwe ukwe yigit lag-o.

2 KORINTUS 12:14

Yawo kenan pem tak posolar-e, an-e kit kendam lobok yurak pem lid lud tak puruk worasu-o. Nde, kit kenarengge wanosolat, angin tak kinpimin pug-o. An-e kit kenarengge ukwe-nen yusu-ge lag-o. Kenpe perak nde nindingen keneyasu-o. Nde, li marik-nen it ineid iniya enmanggim silobulo ndok wurugwi bug-o. Are, ineid iniya-nen perak nde inlirak enmanggim silobulo ndok wurugwi-o.

1 TESALONIKA 2:10

Kit-nen na irit, Mbal Pem Nagawan-nen na irit, wene yu-ge ndemeret wene-o luk kunggurugub-o. Nir-e kit kinndi angin tubu yidnak nap kwat konpogolar-e, marak nak, lud tak nak, siyak lugud tak pigit lak irit kwat kinpige nar-o.

1 TESALONIKA 2:5

Nde, nit-nen-e kit kinndi wanuwokluk wene konak nak yak kondogolat, kinsilobulo luruwokluk-nen wene konak nak yak kondogolat yige-ge lag-o luk kir-e mondok kenaru nar-o. Nde, Mbal Pem Nagawan-nen na aru-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.

1 SEMUEL 10:1

Iri luk Semuel-nen saitun engen amburu kenanggo mbi wanosolar-e, amburu iri na-ge Saul anggul pem kilik pij-o. Iri rak puruk Saul erabengen porok nasolat-nen yak tosolar-e: ’Kar-e Nagawan Indo-nen at ilirak ennggendumu nagawan woranokluk amburu kanggul pem kilik puruk mendak kubusu-o. Kar-e Nagawan Indo ilirak tena unpuruk woralat, it unuwim nap oboksa ininggem-nen inmiri yosolat woragun-o. Nde, kat-nen: ’An-e ndemeret Nagawan Indo-net at ilirak tena unpuruk wolmakluk mendak nebamu-o’ luk yenggerak pugun-e yu bem-nen-o:

1 SEMUEL 12:4

ap ereba na-nen onggo yogolar-e: ”Nonmbo kar-e nenmberam lasolat, kamawi bem nenarengge lesa wanosolat iri nggal-e kwaroso bug-er-o. Ap misik arengge misik mesag-er-o tet mondok wanoso bug-er-o” luk yak tiga-o.

1 SEMUEL 12:5

Yogoloma, Semuel-nen yosolar-e: ”Yawo-ge Nagawan Indo min at-nen nagawan lenak pidnak min enlengen pem-et yak kundusu-o. An-nen-e meya-ge mariget mbi-ret mondok kwarigit lak irir-o” luk yij-o. Yosoloma, it-nen yogolar-e: ”Nagawan Indo erengen pem ndemeret yigen-o” luk yiga-o.

1 SEMUEL 2:35

Iri luk ombol nggwe-ge an-nen tepan ombo mondok tugup lak, an-nen yidnak yidnak oboksa kwaruwa nap misik lenak pimin-o. At-nen wigarag-e tepan omborak unpumu, tepan ombo-nen wanugwi yabu wanogolar-e, nagawan an-nen lenak inpimin ereba na endam yabu pempa wanogolat wolma-o.

1 SEMUEL 24:11

Neid wa-e. Yik ki-o. Nagawan kusum leyok sum erep mbarak an ninggem yu ki-o. Ndemeret nagawan kar-e an-nen ketleb-et nde, we kusum erep mariget nak mbara wanigirik, ninggem yu ki-o. Iri ala-ge, an-e kat kimin meya kwarurak na perasu buk, iri-nen nden karuk kat kimin meya rak kuburak na perasu bug-o. An-e nagawan kat kimin-e meya mariget ter-o luk kwarigit lag-et nde, nagawan kar-e an nereyekluk an langgal nuburuk waring kasu-o.

1 SEMUEL 24:6

Yebet karuk-nen at imin nugwi nap ereba na yak ondosolar-e: ”An-nen idnak Nagawan Indo-nen lenak pidnak nap yu an-nen wirimin naru Nagawan Indo-nen yik neyarok wolmag-o. At iri-ge Nagawan Indo-nen lenak pidnak me, an-nen-e mariger-o luk andi bandi rak ibimin pug-o” yak indij-o.

1 SEMUEL 24:7

Iri nggal kwasa Ndaut-nen-e: ”Saul iri-ge wururag-e lag-o” luk at imin nugwi nap ereba na inndi yangunij-o. Nde, Saul na-ge kerep yanggoma iri me-nen at mbururak peragid nggwe-t mbirij-o.