1 SEMUEL 12:20 - Nanduk Ngget Tul Pidnak Wene

²⁰ Yogola karuk, Semuel-nen onggo yosolar-e: ”Meya kwarigeb-et nde, kwiye yili-ge meyog-o. Nagawan Indo eram-nen nden karuk mbururak pug-o. Alat nde, kinndi misiget tak puruk, Nagawan Indo nak ndegel tenak wolmer-o.

1 SEMUEL 12:20 ပူးပေါင်းရင်းမြစ်များ

NDAWI ENGGA 101:3

Nde, meya elem iri-ge an-e mondok lak tak pimin-o. Indi angin tubu yidnak mbo bidnak nap-nen kwarugwi iri-ge an-e nisili-nen yusu-o. An-e it inmin kundimin pug-o.

NDAWI ENGGA 40:4

Nagawan Indo ebem inndi wat tak puruk woralat, kugwiwak erembel wanugwi buk nap min inndi-nen kek yugwi nap inmin ”Yongga nender-o” yugwi buk nap min-e enalen kagolat wolmag-o.

MBIRIGA WENE 23:25

Kit-nen nde Nagawan Indo Mbal Pem Nagawan an nerembel wanogola-ge, yi min nunggwi mende min-e wog-et kindimin-o. Kugwi na kunduwa naru, oboksa lak tak pimin-o.

MBIRIGA WENE 32:30

Nene luk kub-e Musa-nen Isarael nap yak ondosolar-e: Kir-e mondok meya nggok kwarigeb-et nde, an-e Nagawan Indo eram tuguruk ndobo bem lamin-o. Lamindig-e, kit-nen meya kwarigep iri-ge amberam tak kunpuwa nde ma-o” yak indij-o.

TUGURUK YIDNAK WENE 10:12

Musa-nen yosolar-e: ”Nanggamirak Isarael nap wa-e. Nagawan Indo Kenmbal Pem Nagawan-nen kwarurak wene kenpem pusu yu kwara yebet ker-o. Nagawan Indo Kenmbal Pem Nagawan nak kek tak pogolat, at-nen yidnak yidnak oboksa kwarogolat, ndemeret kinndi-net at nak abuwa karuk, ndegel uburag-o.

TUGURUK YIDNAK WENE 31:29

An nde wat yumu-ge, it yu-ge meya kwat yogolat an-nen mul undusu wene yeba-ge mondok keya buwa-o luk an-e naru-o. Nagawan Indo-nen ’Kwarurak pug-o’ yak indidnak iri na kwarogola, Nagawan Indo isilepma yosolar-e, ir-e lak tak unpurak mende enpem mberak puwa-o” luk yij-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

1 SEMUEL 12:19

Kwiye luk it-nen Semuel yak togolar-e: ”Nonmbo wa-e. Nit wat mul-o luk kat-nen yongga nondosolat Nagawan Indo Kembal Pem Nagawan emengen mbari-o. Nde, nir-e nanduk mondok meya kwarugwi-t nde, yawo tugurug-et nagawan nit nennggendumu mendak purak nggi yige iri-ge mondok meya-t kwarige-o” luk yiga-o.