1 SEMUEL 12:12 - Nanduk Ngget Tul Pidnak Wene

¹² Alat nde Amon nap nagawan Nas-nen kit kenpem kore yurak iri-ge karug-et nde, kir-e kit tena kunpuruk woraso Nagawan Indo iri na keya buruk, kit-nen yak norogolar-e: ’Nir-e nagawan-nen tena nunpuruk wolmomtak perak nindingen-o’ luk yigeb-o.

1 SEMUEL 12:12 ပူးပေါင်းရင်းမြစ်များ

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

OSEA 13:10

Kit-nen-e nagawan min enne kulugwi nap min wok kunduwakluk nggi yigeb-et nde, it ereba oboksa-ge yawo-ge ngge me worali-o? It-nen-e kit kenlen nab-e ndak inmiri yuwa-a?

WONARIDNAK WENE 23:21

Yakup ebem-e meya mbi kagit lag-o. Isarael ebem-e anggun worak mbi ebem kasu bug-o. Nagawan Indo Enmbal Pem Nagawan-e it inmin worasu-o. It-nen enne nggok pem yogolar-e: ’Ar-e nit nennggendumu Nagawan-net yusu-o’ luk yili-o.

WENE MBENARUGWI NAP-NEN KWARIDNAK WENE 8:23

Yogoloma, Nggireyon-nen yosolar-e: ”An-nen kit kennggendumu nagawan wolmomtag-e lag-o. An nambara-nen na mondok lag-er-o. Kit kennggendumu nagawan-e Mbal Pem Nagawan arig-et nak worasu-o” luk yak indij-o.

WENE MBENARUGWI NAP-NEN KWARIDNAK WENE 9:18

Alat nde, kir-e nden karuk an neid ama woragwi nap inmin eyak worogolar-e, ambararag-e misik tarem-et enpe tuju pulu (70) ondoro kerep misiget iri na bem nak indigeb-o. Nde, Abimelek iri-ge an neid ambara-t nde, ndegel oboso kwe-nen nderak yu na-t nde, kit-nen-e kenmbara kenenggetma iri bem nak-nen Sikem nagawan tak ibigeb-o.

1 SEMUEL 10:19

An-nen-e kit yane wurugwi min andi bandi kagwi min oboksa arem-nen wisirik konposo-t nde, kit yawo-ge an-nen nagawan misik kennggendumu lenak purak nggi yak norogolat, Kenmbal Pem Nagawan an-e keya nibili-o. Iri ala ge, ob-o. Yawo-ge kit-nen idnak Nagawan Indo an neram kenlem lombok ndok werer-o’ yij-o” luk yak indij-o.

1 SEMUEL 8:3

Alat nde, it mberen ya na-ge ineid-nen kwaroso nggal-e kwarigit lag-o. Are, it ondomok enmanggim nak uang ndok wuruwaklug-e ap enpem wene mbenarogolar-e, onggo lesa wanogolat, ap enpem wene mot mot mbarugwi iri na-ge lugud tak pogolat woraiga-o.