1 SEMUEL 12:11 - Nanduk Ngget Tul Pidnak Wene

¹¹ Nde, imbirik-nen-e Nagawan Indo-nen Nggireyon lenak puruk, imbirig-e Mbarak lenak puruk, imbirig-e Yepta lenak puruk, nde, erep yoboksa-ge an lenak nibij-o. Iri yamu nit nenariktak lombok-net wim nap ininggem-nen Weserak kinpige-o. Iri yikma-ge, kir-e kona yamuksa woraigeb-o.

1 SEMUEL 12:11 ပူးပေါင်းရင်းမြစ်များ

WENE MBENARUGWI NAP-NEN KWARIDNAK WENE 4:6

Nde, misik tarem-e Ndebora-nen-e ab-e Abinoam ambara Mbarak iri na eram yonggo Naptali nggweyak pem o siri Kendes-nen wirik inpij-o. Iri yamu, Mbarak na lobok yamu yak tosolar-e: ”Nagawan Indo Isarael nap Enmbal Pem Nagawan kat kebem pid wene-ge yu-o: ’Naptali nap min Sebulon nap min ap nak enpe sepulu ribu (10.000) kamarak puruk Tabot Ndobo bem inmin mbiri-o.

WENE MBENARUGWI NAP-NEN KWARIDNAK WENE 6:14

Yosoloma, Nagawan Indo-nen wene yu-ge Nggireyon ebem pij-o: ”Kar-e mondok kamawi kunduruk mburugundik, Mirian nap ininggiyapma-nen Isarael nap wisirik inpi-o. Mondok an-net wirik kubusu-o” luk yak tij-o.

WENE MBENARUGWI NAP-NEN KWARIDNAK WENE 6:31

Iri yogola karuk, Yoas-nen at ebem kore yili nap ereba na yak ondosolar-e: ”Kir-e Mbaal kugwi ambigit yogolat imiri yili-a? Ta-nen nde Mbaal kugwi ambigit yusu ala-ge, yawo-t wat ma-o. Mbaal iri nde ndemeret mbal pem nagawan-nen-e at amanggim pugwi ondoro iri-ge ndemeret at arengge-t mijaridnak me, imiri yosolar-e, at ondomok-net onggo buwa-o” luk yak indij-o.

WENE MBENARUGWI NAP-NEN KWARIDNAK WENE 6:32

Yosoluk, Yoas-nen yosolar-e; ”Nggireyon iri-ge Mbaal amanggim wosa kan pugwi ondoro ndamera keya bidnak me, kugwi Mbaal ondomok-net wuruwag-o” yij-o. Iri yidnak ombol nggwe-nen Nggireyon unu yarogolar-e, Serumbaal yariga-o.

WENE MBENARUGWI NAP-NEN KWARIDNAK WENE 7:1

Nde, misik tarem-e Nggireyon min at imin nugwi nap inmin-e kubu kabu men lug-e, mbirigarik Yi Asot pilana pil waso sa ulusu koroga iri na me o lije witulu woraiga-o. Nde, Mirian nab-e ndobo More koroga mbirikmu ereba abare abam (utara) nggwe woraiga-o.

WENE MBENARUGWI NAP-NEN KWARIDNAK WENE 8:29

Wim iri na nggurug-e, Nggireyon na-ge ama mberarik, iri me woragij-o.

WENE MBENARUGWI NAP-NEN KWARIDNAK WENE 8:35

Iri-nen Nggireyon-nen Isarael nap konak nak kwat onposolat woragid ereba na onggo-ge Nggireyon ama woragwi nab-e konak nak kwat inpigit lag-et yiga-o.

1 SEMUEL 3:20

Iri kwat yosola karug-e, Isarael nap o iri woragwi oboksa-nen-e: ”Semuel yu-ge ndemeret Mbal Pem Nagawan ene lomboksa yoso nab-er-o” luk yogolat woraiga-o. Nde, pempa Semuel-nen nde wene yosola-ge, Isarael nap oboksa-nen kologolat woraiga-o. Nde, Nagawan Indo-ge at-nen nandug-et Semuel imbiri bem nam yosolat wene yak tosolat yid sa o Silo iri na me-t nam yosolat woragij-o.

1 SEMUEL 7:13

Iri nggal kwasa Pilisin nab-e urugwe nggwe rak inpiga-o. Iri rak inpikma, it-nen Isarael nap-nen tenagid nggweyak arem-e Semuel uruk worala-ge, Pilisin nap-nen tuguruk nggumomtag-e meya irit woraiga-o.