1 SEMUEL 11:4 - Nanduk Ngget Tul Pidnak Wene

⁴ Iri nggal kwasa ap wirik inpikma mbirigarik, Saul woraso sa Nggibea wok yiga-o. Wok yogolat enlengen kulurak wene iri na yak ondogola-ge, inndi kabak yogolar-e, yip sa nggwa mbiga-o.

1 SEMUEL 11:4 ပူးပေါင်းရင်းမြစ်များ

NDAK WIRIDNAK WENE 27:38

Nde, Esau na-ge at eid emengen mbal tenak worasolat-nen yosolar-e: ”Neid wa-e. Kar-e imbiringgar-e misiget iri nag-et tena woraigen, lak? Neid wa-e. An na nimbiringgat tag-et nibi-o” yosoluk, tuguruk yip kundugu bij-o.

OROMA 12:15

Enalin enalen kali nap inmin-e kit-nen na kenalin kenalen ker-o. Nde, yip tili nap inmin-e kit-nen na yib-et turag-o.

1 KORINTUS 12:26

Ininggi unuwok misik nde andi ala-ge, ininggi unuwok erep pidsa-t andi yoso-o. Nde, ininggi unuwok misik nde kek tak obogola-ge, ininggi unuwok erep pidsa-nen enalin enalen kagwi-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

IBERANI 13:3

Nde, ap o kubu me inpil nggwidnak enperagolar-e, kit kenmberek o kubu me kinpidnak nggal yebet eneyudtag-o. Nde, meya sa lel mberel inpidnak nap enperagolar-e, kit kenmbereg-et lel mberel kinpidnak nggal-et yebet eneyudtag-o.

WENE MBENARUGWI NAP-NEN KWARIDNAK WENE 2:4

Nde, aid nap iri na-nen wene iri na yak ondosola-ge, Isarael nap oboksa-nen yip sa nggwa mbiga-o.

1 SEMUEL 10:26

Iri yogola, Saul na ama Nggibea mborosola-ge, ap Nagawan Indo-nen enarem yabu wanosola, kwiye lak nap enmawi worak nap erep-nen inmin tak puruk mbiriga-o.

1 SEMUEL 14:2

Nde iri tarem-e Saul na-ge o Nggibea koroga Migoron iri me e ndelima indipma woragij-o. Nde, ap at imin woraiga nab-e enpe wonarag-e enam ratus (600) irit woraiga-o.

1 SEMUEL 15:34

Iri rak purug-e, Semuel na-ge ama Arama mborosola-ge, nagawan Saul na-ge ama Nggibea mbirij-o.