1 SEMUEL 11:15 - Nanduk Ngget Tul Pidnak Wene

¹⁵ Iri luk it oboksa Nggilnggal mbirigarik, Nagawan Indo erembel wanugwi sa iri me-nen-e Saul na tuguruk ar-er-o luk watsa nagawan mendak ibiga-o. Iri lug-e, it lambuk yogolat-nen Nagawan Indo amanggim wam wosa kan purug-e, Saul min Isarael nap oboksa min-e enalin enalen yogolat nggok saiga-o.

1 SEMUEL 11:15 ပူးပေါင်းရင်းမြစ်များ

2 SEMUEL 19:15

Yogoloma, Ndaut na-ge mberarik Yi Yareren arem wok yosola-ge, Yewura nab-e at abuwok Nggilnggal wok yogolat, Yi Yareren mbarosola-ge, ndil laigarik, nduguluk yi mbara ndil waiga-o.

MBIRIGA WENE 24:5

Iri luk, Musa-nen-e ap sujwe erep wirik enpamu, it-nen-e Nagawan Indo amanggim wosa kan pugwi mende kan puruk, sapi wam erep wosa Mbal Pem Nagawan imin kondogolat kan piga-o.

YAKOBUS 4:16

Alat nde, yawo kir-e kondomok kentembel wanogolat, kinndi kek yili-o. Inndi-nen kek yugwi iri nggal iri-ge lugud tak kwatli-o.

1 SEMUEL 10:17

Nde, Semuel-nen Isarael nap oboksa o Mispa iri me nak ndok wuruwakluk yonggo unpuruk-nen

1 SEMUEL 10:24

Iri luk, Semuel-nen ap ereba na yak ondosolar-e: ”Nagawan Indo-nen lenak pidnak nab-e yur-o. At yu nggal-e nit oboksa nennggendumu mbi worasu bug-o” luk yosoloma-ge, ap oboksa-nen enne nggoksa leksa yogolar-e; ”Nagawan irit wolmag-o!” luk yiga-o.

1 SEMUEL 10:8

Iri lug-e, kar-e Nggilnggal mburugundik, kar-e an yik neyarok tuju bem woragun-o. Nde, Mbal Pem Nagawan amanggim wam wosa kan posolat, at imin kundurak pem wam wosa posolat kwarurak an lobok yimindik-nen-e kat-nen mondok kwarosolat wolmomtak wene-ge mirik kibimin-o” luk yak tij-o.

1 SEMUEL 12:1

Iri luk, Semuel-nen Isarael nap oboksa yak ondosolar-e: ”An-e kit-nen nebem nggi yigep iri na ndak ndag-et kwarosolat, kit kenanggul pem nagawan misik lenak pigi-o.

1 SEMUEL 12:17

Yawo-ge o kibi mbud yarik worasu-t nde, an-nen Nagawan Indo eram wene pil lasola-ge, at-nen erep nggarosolar-e, o nggu ngak yosolat, talme mberak pil mbuwasola, kagub-o. Iri ala, kit-nen yebet kagolar-e: ’Nit-nen nagawan misik nggi yige bem-e Nagawan Indo imin meya nggok irit kwarige-o’ luk yebet kagub-o” yak indij-o.

1 SEMUEL 8:19

Yak indij-et nde, Isarael nab-e Semuel-nen wene yak indid iri na-ge ndemerer-o luk peragit lak unsubem mbo biga-o. Iri yogolat-nen yogolar-e: ”Ereba-ge ereba-t mag-o. Nir-e nennggendumu nagawan-et mendak purag-o.