1 SEMUEL 1:3 - Nanduk Ngget Tul Pidnak Wene

³ Elkana na-ge pempa olengen ndak wosa Nagawan Indo Amawi Worak iri na erembel wanosolat amanggim wam wosa purak pem Arama-nen o Silo mborosolat woraso-o. Nde, o Silo iri me-ge Nagawan Indo nen idnak tepan ombo-ge Eli ambararak Opni min Pineas min irit woraiga-o.

1 SEMUEL 1:3 ပူးပေါင်းရင်းမြစ်များ

MBIRIGA WENE 23:14

Nagawan Indo-nen yosolar-e: ”Pempa olengen ndak wosa an kek tak nobogolar-e, wene kenan yu yebet kagolat, sakolat wolmer-o.

MBIRIGA WENE 23:17

Olengen irit wosa wene kenan ereya yebet kagolar-e, kit ab-e oboksa Nagawan Indo Kenmbal Pem Nagawan an nak nerembel wil lobok yurag-o.

MBIRIGA WENE 34:23

Olengen misik arem kenan pem kit ap oboksa-ge Nagawan Indo Isarael Enmbal Pem Nagawan an nerembel wil lobok yogolat wolmomtag-o.

LUKAS 2:41

O Anggul Pandok Mbiridnak tarem na yebet kagolat saguwokluk-nen pempa olengen irit wosa Yesus eid ija-ge Yerusalem mborogolat woragwi-o.

1 SEMUEL 1:21

Woraruk olengen misik arem-e Elkana iri na ogwela inmin-nen Nagawan Indo amanggim wam wosa purak o Silo mbururak tarem panggo yosola-ge, nde, misig-e Elkana-nen Nagawan Indo amanggim purak urul pid iri na purak tarem iri na min-et panggo yij-o.

1 SEMUEL 1:9

Nde misik tarem-e Nagawan Indo ama o Silo iri me-nen nunggwi mende nurug-e, Ana iri na-ge nunggwi sa-nen men yij-o. Nde, iri tarem-e tepan ombo Eli na-ge at koreyak woraso ondoro iri na bem Nagawan Indo ama iri me tumende manda koreyak woragij-o. Worala-ge, Ana iri na-ge indi puru luk, yib-e kondok lud yosolat-nen Nagawan Indo eram tepan yij-o.

1 SEMUEL 14:3

(Nde, tepan ombo-nen yurugwi sum (epot) waruk mbirid tepan ombo-ge Agitup ambara Agia-nen waruk mbirij-o. Agitup iri-ge Pineas ambara Ikabot owe-o. Nde, Pineas iri-ge Nagawan Indo-nen idnak tepan ombo Eli o Silo woraso iri na ambara-o.) Nde, ap ereba na-ge Yonatan iri me-nen mbirid na-ge kabag-et woraiga-o.

1 SEMUEL 2:19

Nde, olengen wosa Nagawan Indo amanggim wam wosa purak tarem ndak yosola, un min Silo lobok yogolar-e, ija-nen-e usum-e leyok sum marik mbi amanggim yaguruk wok til lobok yosolat woragij-o.

1 SEMUEL 2:34

An-nen yak kirigi wene yu oboksa-ge ndemerer-o luk yenggerak pugun-e kat kambararak Opni min Pineas min ereya-ge misik pem nak wat yogola, iri-net yenggerak pugun-o.

1 SEMUEL 3:13

An-nen Eli yak tosolar-e: ’Kat kambararak-nen an-e enlengenma nggal tak nibili me, pempa kat kelirag-e angin worak mende enpem mberak pimin-o’ luk yak tigi-t nde, Eli-ge it-nen meya kwarugwi-ge aru-net nde, isilepma-ge enpem poso bug-o.

1 SEMUEL 4:11

Iri yogolar-e, Mbal Pem Nagawan-nen idnak urul pidnak wene labu mbarak iri na min-et mengga waniga-o. Iri tarem-et Opni min Pineas min na-ge indiga-o.

1 SEMUEL 4:4

Iri lug-e, Nagawan Indo-nen idnak urul pidnak wene labu mbarak iri na-ge Silo iri me wil mbururak ap enpem pikma, Nagawan Indo Kek tak Amawi Worak iri na koreyak woraso ondoro nggal kwasa o Silo-nen waruk lobok yogola-ge, Eli elirak Opni min Pineas min-e urul pidnak wene labu mbarak waruk lobok yili iri na inmin-et waruk lobok yiga-o.