1 SEMUEL 1:23 - Nanduk Ngget Tul Pidnak Wene

²³ Yosoloma, Elkana-nen onggo yosolar-e: ”Iri ala-ge ob-o. Kat-nen yik kasoma nde konak ala-ge kwarurak nag-o. Kar-e yeba-t worasoma, la kamo mbarak purak tarem ndak mag-o. Nde, Nagawan Indo-nen kat-nen urul pigen iri na-ge ebe kwarak puwag-o” yak tosoloma-ge, Ana na-ge o ma iri na-t worasoma, la iri na kamo mbarak purak panggo yij-o.

1 SEMUEL 1:23 ပူးပေါင်းရင်းမြစ်များ

2 SEMUEL 7:25

Nagawan Indo Mbal Pem Nagawan wa-e. An min an-nen wigarak min nonowene-ge kat kemndam nggwe-nen urul pigen iri-ge pem irit wolmakluk kat-nen wat tak purak kindi kwat min-o. Kat-nen kwarurak urul pigen iri-ge mondok kwarurak kindi irit wolmag-o.

1 NAGAWAN NAGAWAN-NEN KWARIDNAK WENE 3:21

Nde, kup o nda yosoloma, an-nen kamo mak teyekluk yosoma-ge, la na-ge lugwinik nde karug-e, la na kwarat limbit lombot posoma-ge, la na-ge an nera-ge lak, nin nde kagi-o” yij-o.

NDAWI ENGGA 22:9

Kat-nen niya arem-nen nibil wasolat, kat-nen an-e kona yamuksa-t niya abem nibigenma-o.

YESAYA 44:26

An ndegel noboso nap-nen yidnak wene-ge an-net amawi rak poso-o, Nde, an-nen wirik pimin nap iri na-nen ’Iri nggal kwarimin-o’ luk, nam tak pidnak iri na-ge an-nen kwarak poso-o. Nde, an-nen yosolar-e: ’O Yerusalem iri-ge tuguruk ap wolma-o. Nde, o Yewura siri iri-ge tuguruk mendak pil lobok yimin-o. Nde, o mijara tud yil lobok yid ereba-ge tuguruk nanduk woraso nggal tak pil lobok yimin-o’ yigi-o.

MATIUS 24:19

Iri tarem-e kwami enabila wolma min li kamo mak undugwi min-e enabuwa-o!

LUKAS 11:27

Nde, Yesus-nen wene iri na yosola karug-e, ap kwarat na ennggendumu-nen kwe mbi-nen Yesus yak tosolar-e: ”Kat ndet kuburuk, kamo mak kiridnak kwe-ge alen kasolat wolma-o” luk yij-et nde,

1 SEMUEL 1:17

Yosoloma, Eli-nen yak tosolar-e: ”Iri ala-ge, Isarael nap-nen erembel wanugwi Mbal Pam Nagawan-nen-e kat nggi yigen irit wok kuruwag-o. Nde, kar-e kindi yamuksa mbiri-o” yak tij-o.

1 SEMUEL 14:36

Iri luk Saul-nen at imin nugwi nap ereba na yak ondosolar-e: ”Yawo kubu yu-t Pilisin nap enpem kore yil mbogolar-e, enarengge ndena wanogolat enpe oboksa ondogolat worakmu o nda mag-o” yosoloma, it-nen erep nggarogolar-e: ”Nonowe nagawan kat-nen yigen irit kwaruwog-o” yiga-t nde, tepan ombo-nen yosolar-e; ”Nandug-er-e Nagawan Indo indi-n pidnak mirik nunpuwak-nen nggi yuwog-o” luk yij-o.

1 SEMUEL 14:40

Iri ala karuk Saul-nen Isarael nap yak ondosolar-e: ”Kit oboksa ponok yu nggwe men yil lobok yer-o. Nde, an nambara Yonatan nenmbereg-e ponok nggwe men yul-o” yak indij-o. Iri yosoloma, it-nen yogolar-e: ”Nonowe nagawan kat-nen nde kwarurak yosolar-e, kwarurak nag-o” luk yak tiga-o.