1 SEMUEL 1:19 - Nanduk Ngget Tul Pidnak Wene

¹⁹ Nde, kub-e Elkana ogwela inmin-e kuplila men yogolar-e, Nagawan Indo erembel wanurug-e, tuguruk enma Arama mbiriga-o. Mbirigarik woragolar-e, Elkana-nen ogwe Ana iri na imin nene yosola-ge, Ana-nen tepan yid iri na Nagawan Indo-nen ene erep nggarosolar-e,

1 SEMUEL 1:19 ပူးပေါင်းရင်းမြစ်များ

NDAK WIRIDNAK WENE 21:1

Nagawan Indo-nen-e: ”Kimbiringgat tak pimin-o” luk Sara yak tid iri na ndak ndag-et Sara na-ge imbiringgat tak pij-o.

NDAK WIRIDNAK WENE 30:22

Nde, Arakel na Mbal Pem Nagawan-nen indi yebet karug-e, at-nen tepan yoso iri na kulurug-e, la ndaguwakluk la wi tu kuwarak pamu,

NDAK WIRIDNAK WENE 4:1

Aram na ogwe Awa na imin nene yosolar-e, kwe na abila lug-e, la li ap mbi ndagij-o. Ndaguruk-nen yosolar-e: ”Nagawan Indo-nen yongga norosola, an-e li ap mbi ndaki-o” yij-o. Yuruk unu-ge Kain yarij-o.

NDAK WIRIDNAK WENE 8:1

Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

2 NAGAWAN NAGAWAN-NEN KWARIDNAK WENE 4:17

Alat nde, Elisa-nen yid iri na ndak ndag-et kwat yosolar-e, olengen misik iri na bem Elisa-nen yak tid iri na tarem ndak ndak nggal pem-et liap misik ndagij-o.

NDAWI ENGGA 136:23

Nit urugwe nggwe rak nonpogola-ge, at-nen-e meme rak nunpuruk keya ninpigit lag-o. At-nen-e pem kundugu irit enabuwa yoso-nen yusu-o.

MARAKUS 1:35

Kuplilasa, o kil posola, Yesus-e men luk yarik, tepan yekluk ap lak ma irit mbirij-o.

LUKAS 23:42

Yuruk, at-nen Yesus yak tosolar-e: ”Yesus wa-e. Kat-nen tenagaidnak wi iri na me wok yosolar-e, an-e meme rak nuburak pug-o!” luk yak tij-o.

1 SEMUEL 1:1

Elem ”Eperaim nap ap misik” unu-ge Elkana woragij-o. Ndobo worak Eperaim iri me o Arama iri me-t woragij-o. Nde, Elkana iri-ge ap Sup-nen wigarak, Tou-nen ndagid, Eliu iri na ambara Yeroam iri na ambara-o.

1 SEMUEL 1:11

Iri yosolat-nen Ana-nen urul posolar-e: ”Nagawan Indo Kamawi Worak wa-e. Ndegel koboso kwe an-e kwara yebet niyi-o. Ndegel koboso kwe an-e meme rak nuburak pug-o. An-nen nindi andi kasu-ge kat-nen ki-o. Kat-nen nde liap misik wok nurugunmu-ge, mondok abu abu wok kurumu kat kimin-et pempa wolma-o. Nde, anggulsu-ge mbarigit lak irit wolma-o” lul urul yak tij-o.

1 SEMUEL 15:34

Iri rak purug-e, Semuel na-ge ama Arama mborosola-ge, nagawan Saul na-ge ama Nggibea mbirij-o.

1 SEMUEL 16:13

Yosoloma, Semuel-nen-e saitun amburu kenanggo iri na wanosolar-e, owerak ereba na enlengen pem-et nagawan tak obosolat Ndaut anggul pem amburu kilik pij-o. Iri yosola-ge, iri na tarem-et Nagawan Indo Indi-ge Ndaut ebem mbij-o. Iri tarem-nen tel korarik, Nagawan Indo Indi-ge pem irit Ndaut imin woragij-o. Iri lug-e, Semuel na-ge tuguruk ama Arama mbirij-o.

1 SEMUEL 19:18

Ndaut iri na wirigit lak agap nggarik mberarig-e, Samuel eram o Arama mbirij-o. Mberarig-e, Saul-nen kwat ibidnak ereba na pendega yak tij-o. Yak turug-e, Semuel min Ndaut min-e o Nayot mbirigarik iri me woraiga-o.

1 SEMUEL 2:11

Iri lug-e Elkana ogwela inmin-e enma Arama mbiriga-o. Alat nde, la Semuel iri na-ge o Silo woralat Nagawan Indo ndegel obosolar-e, tepan ombo Eli iri na-nen yidnak yidnak kwarosolat woragij-o.

1 SEMUEL 7:17

Pempa iri nggal kwatlug-e, ama Arama mborosolat woragij-o. Nde, at nen Isarael nap ennggendumu wene mbenaroso nap irit woralat, iri-nen Arama iri me-nen Nagawan Indo amanggim wosa kan purak ondoro kona mendaga pil lagaij-o.

1 SEMUEL 8:4

Iri kwarogola karug-e, Isarael nap ennggendumu enne kulugwi nab-e ndok wutluk Semuel eram Arama iri me mbirigarik-nen