1 SEMUEL 1:11 - Nanduk Ngget Tul Pidnak Wene

¹¹ Iri yosolat-nen Ana-nen urul posolar-e: ”Nagawan Indo Kamawi Worak wa-e. Ndegel koboso kwe an-e kwara yebet niyi-o. Ndegel koboso kwe an-e meme rak nuburak pug-o. An-nen nindi andi kasu-ge kat-nen ki-o. Kat-nen nde liap misik wok nurugunmu-ge, mondok abu abu wok kurumu kat kimin-et pempa wolma-o. Nde, anggulsu-ge mbarigit lak irit wolma-o” lul urul yak tij-o.

1 SEMUEL 1:11 ပူးပေါင်းရင်းမြစ်များ

NDAK WIRIDNAK WENE 28:20

Iri luk Yakup-nen owak mbarosolar-e: ”Nagawan Indo-nen nde an tu yu mborosola, yongga norosolat, kurak nuburuk mborosolat, nunggwi mende min an yururak nusum min yongga norosola,

NDAK WIRIDNAK WENE 29:32

Lea na abila luk, li ap misik ndaguruk-nen yosolar-e: ”Nagawan Indo-ge an-nen anggun worasu-ge neyagij-o. Nde, yawo-ge an nun-nen-e an nabuwa kujwa-o” luk, la na unu-ge Uruben yarij-o.

NDAK WIRIDNAK WENE 30:22

Nde, Arakel na Mbal Pem Nagawan-nen indi yebet karug-e, at-nen tepan yoso iri na kulurug-e, la ndaguwakluk la wi tu kuwarak pamu,

NDAK WIRIDNAK WENE 8:1

Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

2 SEMUEL 16:12

Erep-nen-e Nagawan Indo-nen an-nen andi bandi kasu yu neyaruk, imbiri lamut tak nubusu onggo imbiringgat tak nubuwa nde ma-o” luk yak indij-o.

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

NGGOMO WENE 31:2

”An-nen tepan yigi bem-nen wok niridnak nambara nindi pungen wa-e. An-e no nggal nde yak kirimin-o?

WONARIDNAK WENE 21:2

Nde, Isarael nap-nen Nagawan Indo imin owak mbarogolat-nen watsa yogolar-e: ”Kat-nen nde ap enlem yu nit nininggem kegera pugunmu-ge, mondok unuwi siri min lak yaga keya unpul-o” yiga-o.

WONARIDNAK WENE 6:11

Nde, towe ereya na-ge misig-e at iri meya yidnak korak purak pem wosa kan purag-o. Nde, misig-e at mbilaro ngin yidnak iri na lak tak purak pem wosa kan purag-o. Iri rak puruk, iri na tarem-et anggulsu-ge tuguruk Nagawan Indo amanggim lenak purag-o.

WONARIDNAK WENE 6:5

At-nen: ’Nagawan Indo amanggim lenak woramin-o’ luk owak mbatluk woralar-e, anggulsu min ondoksu min mbarigit lak, mor-et keya burag-o. At-nen ’Irit kwarimin-o’ luk owak mbaridnak iri na bem-et woralar-e, anggulsu min ondoksu min-e mot makluk keya burag-o. Iri kwasa woraruk larok yurak yidnak iri na bem wok yosola-net larok yurag-o.

WONARIDNAK WENE 6:8

At iri-ge Nasit nap woralar-e, Nagawan Indo amanggim nak lenak wolmomtag-o.

WENE MBENARUGWI NAP-NEN KWARIDNAK WENE 11:30

Nde, Yepta-nen Nagawan Indo imin urul posolar-e yu nggal yij-o: ”Nagawan Indo wa-e. Kat kindi-n pidnak pem nde Amon nap nde urugwe nggwe rak inpimindik,

WENE MBENARUGWI NAP-NEN KWARIDNAK WENE 13:5

Nde, kambara iri nde ndakundig-e, la iri-ge mondok ndagidnak tarem-net Nagawan Indo amanggim nak lenak wolmomtak nap (Nasit nap) me, anggulsu-ge mondok mbarurak pug-o. At-nen-e Isarael naba-e Pilisin nap ininggiyapma-nen wisirik unpurak amawi kunduwa-o” luk yak tij-o.

1 SEMUEL 1:12

Iri nggal kwasa Ana-nen Nagawan Indo emengen mbarosolat tepan mondok lit karuk mborosola-ge, Eli-nen-e Ana emnde lombot posolat woragij-o.

1 SEMUEL 1:19

Nde, kub-e Elkana ogwela inmin-e kuplila men yogolar-e, Nagawan Indo erembel wanurug-e, tuguruk enma Arama mbiriga-o. Mbirigarik woragolar-e, Elkana-nen ogwe Ana iri na imin nene yosola-ge, Ana-nen tepan yid iri na Nagawan Indo-nen ene erep nggarosolar-e,

1 SEMUEL 1:22

Alat nde, iri tarem-e Ana na-ge inmin mbirigit lag-o. Iri yosolat-nen un yak tosolar-e: ”An-e la Semuel yu kamo mbarak puruk-nen perak la yu Nagawan Indo ama pem wolmakluk abu abu pil mborosolat iri-nen perak mbirimin-o” yak tij-o.

1 SEMUEL 1:27

Nagawan Indo ebem nggi yigi na-ge nene kuluruk, la wok nirij-e yur-o.

1 SEMUEL 1:28

Iri bem-e la yu-ge pempa Nagawan Indo amanggim nak lenak wolmakluk an-nen-e at eram kegera pusu-o” yak tij-o. Yak turug-e, it-nen Nagawan Indo erembel waniga-o.

1 SEMUEL 2:20

Iri yosola-ge, Eli-nen-e Elkana min ogwe min inmbiringgat tak onposolat-nen Elkana yak tosolar-e: ”Nagawan Indo-nen kogwe yu ebem-nen kilirag-e erep min-et kambara kegera Nagawan Indo amanggim pigen yu ondolma-ge wok kurugwag-o” yak tij-o. Yak tosola-ge, it na-ge enma Arama mburugwi-o.