1 PETERUS 4:14 - Nanduk Ngget Tul Pidnak Wene

¹⁴ Kir-e Kerisut wanigep pem nggweyel konpogola-ge, kir-e imbiringgat worak yili-o. Iri kwat kunpuwa iri-ge abinal worak Indi, Mbal Pem Nagawan Indi iri-ge kit kinmin woraso ala-nen kwat kunpuwa-o.

1 PETERUS 4:14 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 10:8

Kat kogwerag-e enalen worak worali-o! Kat keyabu wanugwi nab-e pempa ndegel keberenak woragolat, kat-nen idnak kindi nggat nggat elem iri bem-nen kat-nen wirik pusu wene iri enlengen-nen kali bem-e mondok konak lombok-nen yusu-o!

2 NAGAWAN NAGAWAN-NEN KWARIDNAK WENE 2:15

Nde, Mbal Pem Nagawan ene lomboksa yugwi nap enpe lima pulu Yeriko woragwi ereya na-nen Elisa karuk-nen yogolar-e: ”Elia amawi iri na-ge yawo-ge Elisa ebem mbij-o!” yogolug-e, Elisa eram mborogolar-e, Elisa eram yud tud mbogolat-nen

NDAWI ENGGA 146:5

”An yongga noroso-nen yusu-o” luk Yakup Embal Pem Nagawan iri na winde luk woralat, Nagawan Indo at Embal Pem Nagawan ebem indi wat tak puruk worasu nab-e mondok alen kasolat wolmag-o.

NDAWI ENGGA 89:51

Nagawan Indo wa-e. Kuwim nap-nen-e kat-nen lenak pigen nagawan iri na enlengenma nggal tak ibili-o. At mbiridnak sa-ge pesel nag-et ibil nili-o.

YESAYA 11:2

Nagawan Indo indi-ge at ebem woralat, indi ngarak, indi nggat nggat worak tak ubuwa-o. ”Yu nggal kwarurag-o” luk kwaroso abam irit kwarak puwa-o. Mbal Pem Nagawan indi-n pidnak aru yosolat, at indi aye worak irit wolma-o.

MATIUS 5:11

An nebem ala ap-nen insili rak konpogolat, lel mberel konpogolat, enesiget wene bem konpok pogola-ge, kir-e kenalen ker-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YOANES 15:21

Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

YOANES 9:28

Yak ondosoloma-ge, it-nen at nggweyel obogolat-nen yak togolar-e: ”Kat perak nde at ene wanoso nap-nen yusu-o. Nde, nir-e Musa ene wanugwi nap-nen yili-o.

YOANES 9:34

Yak ondosoloma-ge, it-nen at yak togolar-e: ”No yusu-o? Kar-e ndesa mbosolat-net meya kobong tag-et ndesa mbigen yu-net nde, nit nggomo nundusu-a?” yak turuk, ”Kar-e Mbal Pem Nagawan ama kar-e nggumomtag-e lag-o” luk langgara wirik piga-o.

YIDNAK YIDNAK WENE 13:45

Ndok worogola-ge, it Yawuri nap-nen ap kwarat ndok wiridnak karug-e, enlengen ale yogolat-nen Paulus-nen yidnak wene eyak worogolat, mbilaro ngin tak piga-o.

YIDNAK YIDNAK WENE 18:6

Yak ondosola-ge, it-nen-e at imin sirid mbarogolat, at obok pogolat ala karug-e, at-nen at usum pem mabe pil kasolat-nen it yak ondosolar-e: ”Kit keneyabi-ge kondomok kenpem-o! An meya-ge lag-o. Yawo kuri-net an-e enlem nin nap endam mbirimin-o” luk yak indij-o.

YIDNAK YIDNAK WENE 28:22

Alat nde, nin me nin me-nen wene yu wanugwi nap inmin-e wene eyak wat yugwi iri na nenaru me, kat kindi-nen pidnak wene irit kulul-o” luk yak tiga-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

2 KORINTUS 4:10

Yesus uruk yidnag-e nit nenpe bem nam maklug-e, Yesus worogola wat yid iri na nggal nondogola wat momtak irit nenpem puruk waring kali-o.

2 KORINTUS 4:16

Iri bem-e nit ninndi lele yili bug-o. Nit nenaboro yu-ge piri yusu-t nde, nit ninndi yu-ge pelin na pelin na ngget tak nak pusu-o.

NGGALATIA 1:24

Kulurug-e, an nebem ala, Mbal Pem Nagawan erembel wanogolat woraiga-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 3:14

Alat nde, kir-e konak nak kwaridnak pem andi bandi kagub-et nde, kir-e imbiringgat-nen yili-o! Nde, kit-nen-e ap enaye kagolat, kinndi kabak yogolat yurak pug-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

1 PETERUS 4:16

Alat nde, kir-e Kerisut wanidnak pem andi bandi kagolar-e, kinnggiri kudtak pug-o. Are, ”An-e Kerisut nap yigi bem-nen kwat nibili-o” luk Mbal Pem Nagawan wa yak turag-o.

2 PETERUS 2:2

Iri yili-t nde, ap kwarat-nen it enesiget siget ap mul undugwi nap-nen ukwe ukwe yugwi meya iri-nen yidnak yidnak kwarugwi na langgal luk mburuwa-o. Nde, it-nen kwarugwi-nen ndowaga ap kwarat-nen Lud tak nak Kwarugwi Tula iri nggweyara keya buwa-o.