1 PETERUS 3:20 - Nanduk Ngget Tul Pidnak Wene

²⁰ Inndi aid wene yak indid iri-ge Nu woragaid tarem-nen Mbal Pem Nagawan-nen yidnak yidnak kwarigit lak yiga inndi-o. Nde, Nu-nen e koma na worosola, Mbal Pem Nagawan-e indi luruk puruk woragaij-o. Yi kobong yil lagaij-et nde, e koma na arem-e enpe wonarak delapan nak inmiri yij-o.

1 PETERUS 3:20 ပူးပေါင်းရင်းမြစ်များ

NDAK WIRIDNAK WENE 6:13

Iri ala karuk, Mbal Pem Nagawan-nen Nu yak tosolar-e: ”An-e nggweyak ma yu me worasu urugup worak oboksa mondok lak tak purak wene abu abu wat tak puruk worasu-o. O yu-ge it-nen meya kwarugwi nak-nen kobong tak me, o yu lak tak posolar-e, imin-et it na lak tak inpimin-o.

NDAK WIRIDNAK WENE 6:3

Iri kwarogola, Nagawan Indo-nen yosolar-e: ”Nggweyak ma nap yu-ge unluk nak woralik nalik wolmomtak iri-ge an-e mondok nisili-o. It yu-ge urugup worak mende mondok wat momtak mende-net nde yili-o. It yu-ge yawo kuri-nen it unluk woragolat olengen seratus dua pulu ombol nggwe nggal wolmomtag-e mondok lag-o” yij-o.

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

NDAK WIRIDNAK WENE 6:8

Alat nde, Nu arig-et nak Nagawan Indo alen tak posolat woragij-o.

NDAK WIRIDNAK WENE 7:13

Nde, iri tarem-e Nu ogwe min elirak kenan, Sem min Am min Yapet min it onkwela inmin-e e koma wi iri na arem ndegera nggwiga-o.

NDAK WIRIDNAK WENE 8:1

Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

NDAK WIRIDNAK WENE 8:18

Yak tosoloma-ge, Nu ogwe min at elirak onkwela inmin-e e koma wi iri na arem-nen kenangga mbiga-o.

YESAYA 30:18

Iri kwarugub-et nde, Nagawan Indo-ge kit kunpud kudtak tarem iri na towarak worasu-o. Nagawan Indo, Mbal Pem Nagawan iri-ge mondok ndak ndak nak kwaroso me, kit kenabuwa yurak iri-ge ar-e mondok lud tak puruk worasu-o. At ebem inndi mbung mbung tak worali nab-e enalen kagolat wolmag-o. 30:19-33 ayat yeba arem-e Mbal Pem Nagawan-nen at ilirak yane witli ereba na konak tak unpurak wene urul yak indidnak wene min Asiut nap enpem nggin yurak wene min mbarak worasu-o.

MATIUS 7:14

Nde, unluk nak wolmomtak tumende iri-ge mboronggo, nde, tula na marik me, tumende iri nggwe-ge ap wonarak nak-nen nggwili-o.”

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

YIDNAK YIDNAK WENE 2:41

Yak ondosoloma-ge, at-nen yidnak wene waniga nab-e yi ma inpiga-o. Iri tarem-et it inmin lambinil nggogolar-e, ab-e tigaribu (3,000) nggal yiga-o.

OROMA 9:22

Nde, iri nggal-et Mbal Pem Nagawan-nen kwaroso-o. At isilepma-ge nam tak posolat, at amawi na mirik onposolat eyekluk yij-et nde, at isilepma rak pili nab-e lak tak enpeyekluk lid lud tak pij-et nde, it inmin-e indi luruk puruk woragaij-o.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 1:9

Kit-nen Nagawan Indo ebem kinndi angin tubu yidnak iri na ebe kwat yosolar-e, kinmiri yuwa irir-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

1 PETERUS 3:19

At abage iri nggal kwarak-net at na mberarig-e, wat yidnak nap inndi o kubu we woraidnak pidsa aid wene yak indil waring kagaij-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.

2 PETERUS 2:5

Nde, nanduk woraiga nap na irit, Mbal Pem Nagawan-nen keya inpigit lak, are, yidnak yidnak kwarigit lak nap enpem wene mbarosolar-e, yi tu kuwarak pamu yi-nen nok inpij-o. Mbal Pem Nagawan-nen inmiri yosolar-e, lud tak kwarugwi wene tomboroso nap Nu min ap enpe tuju min nak inmiri yij-o.

2 PETERUS 3:15

Nenagawan Indo-nen mamak puruk worasu iri-ge nit ninmiri yuwakluk-nen kwarusu-o luk yebet ker-o. Nit nanggam abuwa worak Paulus-nen na wene iri nggal-et kit kenmanggim mbarid iri-ge Mbal Pem Nagawan-nen we wok tidnak indi nggat nggat iri na bem-net mbarij-o.