1 PETERUS 3:19 - Nanduk Ngget Tul Pidnak Wene

¹⁹ At abage iri nggal kwarak-net at na mberarig-e, wat yidnak nap inndi o kubu we woraidnak pidsa aid wene yak indil waring kagaij-o.

1 PETERUS 3:19 ပူးပေါင်းရင်းမြစ်များ

NEMIA 9:30

Iri kwarogola-t nde, kat-nen mamak puruk worasolar-e, nggomo ondosolar-e, yi olengen ndi olengen lak tak pigenma-o. Iri kwarosolar-e, kat kindi-nen it yak ondosolat-nen kat kene lomboksa yugwi nap enemndam tak posolar-e, nggomo kwarat yak indiga-t nde, kilirak iri-ge eneyanggo nggitlik puruk kwarogola-ge, ap enlem lombok yi wi ndi wi worali nap ereba na ininggem kegera keya inpigen-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

YESAYA 49:9

Nde, an-nen-e o kubu me inpidnak nab-e wesera wirik onposolat, nde, ndamuk arem woragwi nab-e yaya bem inpil mborosolat kwarimin-o. Iri-nen ndobo mondok usu nggwarak pem wolma-t nde, ndak irit woragolat, tula ereba mborogolat na nunggwi mende-ge nil nal nak mburuwa-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 PETERUS 3:20

Inndi aid wene yak indid iri-ge Nu woragaid tarem-nen Mbal Pem Nagawan-nen yidnak yidnak kwarigit lak yiga inndi-o. Nde, Nu-nen e koma na worosola, Mbal Pem Nagawan-e indi luruk puruk woragaij-o. Yi kobong yil lagaij-et nde, e koma na arem-e enpe wonarak delapan nak inmiri yij-o.

1 PETERUS 4:6

Iri yuwa bem-e, wat yidnak nap na irit aid wene yak indij-o. Ap pidsa enpem wene mbarugwi nggal, wat yidnak nap iri na-ge enpe unluk woragola, it enpem na wene mbarij-o. Nde, aid wene yak indid iri-ge, Mbal Pem Nagawan-e urug-et worasu nggal it inndi unluk wolmomtak pem yak indij-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 20:7

Nde, olengen seribu (1,000) na woroksa lak yosola-ge, Sere iri-ge o kubu me ibil nggwid na wesera keya ubuwama,