1 PETERUS 3:18 - Nanduk Ngget Tul Pidnak Wene

¹⁸ Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 PETERUS 3:18 ပူးပေါင်းရင်းမြစ်များ

NDANIEL 9:26

Angin worak tarem ereya woraruk, worok yosola-ge, Mbal Pem Nagawan-nen lena pil lobok yidnak ap lit unpuruk noso nap iri na-ge ar-e meya kwarigit lag-et nde, wuruwa-o. Worogola-ge, nagawan misik-nen idnak esan ombo lobok yogolar-e, Yerusalem iri na min Nagawan Indo wi iri na min-e mondok ondoro min abu lak tak puwa-o. Iri kwatluk ombol nggwe-ge Mbal Pem Nagawan-nen ’Iri nggal-et kwaruwa-o’ luk lud tak pid iri na ndak ndag-et wim nab-e yi ebe nggal irit lobok yogolat inmin wim mborogolat, yigisa lak tak unpuwa-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 27:19

Nde, Pilatus na ap enpem wene mbarugwi sa koreyak worasoma-ge, at ogwe-nen wene wosa at yak tosolar-e: ”Kar-e lud tak nak yoso nap iri ebem owene erep tenagurak pug-o. Yawo kubu nabi at imin kagirik me, kwiye kwarat kagi-o” luk yak tij-o.

MATIUS 27:24

Iri yogola karuk, Pilatus-nen yik kasolar-e, wene yurag-e meya ala karuk, nde it nari wari mburak ala karuk, at-nen-e yi waga ap kwarat ereba na inmbiri bem at inggi yi marosolat-nen yosolar-e: ”Ap yu na eyabi-ge an nebem-e lag-o. Kit kenpem-o” luk yak indij-o.

YOANES 16:10

An-e Neid eram mburumu-ge, kir-e an neyagit lak yugup me, an-e lud tak nak kwarugwi elem-nen yusu-o luk mirik unpuwa-o.

YIDNAK YIDNAK WENE 22:14

Yik kasoma-ge, at-nen yosolar-e: ’Nit nenlawingga Enmbal Pem Nagawan-nen-e at indi-n pidnak mende karu yonokluk, Mot Mot Yoso Nap kanokluk, at emendam-nen mbiridnak wene kolonokluk, len kibij-o.

YIDNAK YIDNAK WENE 3:14

Nde, kir-e Konak Nap, Lud tak nak Kwaroso Nap na-ge wesera keya bogolar-e, ’Ap woroso nap irit wesera wok nindi-o’ yigeb-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

OROMA 4:25

Yesus na-ge nit meya yidnak pem wat makluk, weserak uburuk, nit lud tak nak nunpuwakluk uruk tak pij-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

OROMA 8:11

Wat yidnak nap ennggendumu-nen Yesus uruk tak pid Indi iri na nde kit kenarem worala-ge, Kerisut Yesus wat yidnak nap ennggendumu-nen uruk tak pid nap at-nen-e kit kenpe wat momtak iri na irit uruk tak puwa-o. Iri kwat kunpuwa iri-ge at Indi kit kenarem worasu iri bem-net kwat kunpuwa-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

EPESUS 3:12

At ebem-nen nir-e Mbal Pem Nagawan eram nggogolar-e, at ebem ninndi angin tubu yidnak pem kwiye lag-et ninndi embem min-et nggwili-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 10:10

Nde, Yesus Kerisut-nen Mbal Pem Nagawan indi-n pidnak nak kwaridnak pem-e, nit pidsa-nen meya yogolat woraidnak iri mbek tak ninpid iri-ge, at na at-net ondomok ebe posolar-e, pem-et woralik nalik wolmomtak amanggim misiget pem nak pij-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

YAKOBUS 5:6

Kir-e meya kwarigit lak nap enpem wene mbarogolat, ondogolat yigeb-et nde, ir-e onggo kindigit lag-o.

1 PETERUS 3:19

At abage iri nggal kwarak-net at na mberarig-e, wat yidnak nap inndi o kubu we woraidnak pidsa aid wene yak indil waring kagaij-o.

1 PETERUS 4:1

Nde, Kerisut-e ki nap enaboro worak luk andi bandi kaidnak me, kat-nen na iri nggal-et kamin-o luk purag-o. Ta-nen nde enaboro-nen andi bandi kaidnak ala-ge, at meya kwaroso na-ge keya bidnak worasu-o.

1 PETERUS 4:6

Iri yuwa bem-e, wat yidnak nap na irit aid wene yak indij-o. Ap pidsa enpem wene mbarugwi nggal, wat yidnak nap iri na-ge enpe unluk woragola, it enpem na wene mbarij-o. Nde, aid wene yak indid iri-ge, Mbal Pem Nagawan-e urug-et worasu nggal it inndi unluk wolmomtak pem yak indij-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.