1 PETERUS 3:17 - Nanduk Ngget Tul Pidnak Wene

¹⁷ Mbal Pem Nagawan indi-n pidnak pem kit-nen konak nak kwarogola-nen andi bandi kagup iri-ge ob-o. Nde, kit-nen meya yidnak pem andi bandi kudtak iri-ge meya-o.

1 PETERUS 3:17 ပူးပေါင်းရင်းမြစ်များ

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

MATIUS 26:42

Yak turuk, mberen pem tak posolar-e, Yesus na mberarik, tepan yosolar-e: ”Neid wa-e. An ninggit lak ma yimbe yu mengga wanurag-e meya nde ala-ge, kat kindi-n pidnak nak kwat mag-o” luk yij-o.

YIDNAK YIDNAK WENE 18:21

Are, it na keya unpuruk mbereyekluk-nen yosolar-e: ”Mbal Pem Nagawan indi-nen nde, ’Tuguruk mbiri-o’ yak norosola-ge, tuguruk kendam lobok yimin-o” luk, Epesus-nen e koma arem mbirij-o.

YIDNAK YIDNAK WENE 21:14

Yosoloma-ge, nit-nen yidnak wene ar-e kuligit lak ala-ge, nir-e larok yogolat-nen yogolar-e: ”Nagawan Indo indi-n pidnak irit kwat mag-o” luk yige-o.

1 PETERUS 1:6

Iri bem-e, kir-e kenalin kenalen wolmer-o. Kit luru ya woragola, inndi ngaroso mende nin tak nan tak kenpem mbosola, mondok kinndi puru pera min woragub-et nde, kenalin kenalen wolmer-o.

1 PETERUS 2:15

Kit-nen konak nak kwarugwi iri-nen kasa kasa wene yugwi nap enne pok tak purak iri-ge Mbal Pem Nagawan indingen-o.

1 PETERUS 2:20

Nde, kit-nen meya yidnak pem-net kondogola, andi bandi kagolat mamak puruk woragup iri-ge kentembel wanuwa? Alat nde, kit-nen konak nak kwarugup pem-net kondogola, andi bandi kagolat mamak puruk woragup pem-e Mbal Pem Nagawan-nen imbiringgat tak kunpuwa-o.

1 PETERUS 3:14

Alat nde, kir-e konak nak kwaridnak pem andi bandi kagub-et nde, kir-e imbiringgat-nen yili-o! Nde, kit-nen-e ap enaye kagolat, kinndi kabak yogolat yurak pug-o.

1 PETERUS 4:15

Kit kennggendumu ap misiger-o luk tet ap wiridnak pem ala na, yariya wanidnak pem ala na, meya kwaridnak pem ala na, ap onowene abare lombok tidnak pem ala na, andi bandi kudtag-e meya-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.