1 PETERUS 3:14 - Nanduk Ngget Tul Pidnak Wene

¹⁴ Alat nde, kir-e konak nak kwaridnak pem andi bandi kagub-et nde, kir-e imbiringgat-nen yili-o! Nde, kit-nen-e ap enaye kagolat, kinndi kabak yogolat yurak pug-o.

1 PETERUS 3:14 ပူးပေါင်းရင်းမြစ်များ

NGGOMO WENE 3:25

Lak tak onposo mende-ge wijakni nggal mimo meya yugwi nap enpem mbud yoso ereba na ”Nebem mbuma-o” luk kat-nen kwiye yurag-e lag-o.

YEREMIA 1:8

An-e kat nggetlel kuburuk woramin me, kar-e it enaye yurak pug-o. An-e Nagawan Indo-net kimin wene yusu-o” luk yij-o.

YEREMIA 15:15

Yosoloma, an-nen yosolar-e: ”Nagawan Indo wa-e. Kar-e karu-o. Kindi yebet neyaruk, yongga niri-o. It an ininggiyapma rak nobogolat, muk neyagolat kwatli ereba-ge kat-nen kemnggo inpi-o. Kar-e it inmin-e kindi-nen tusuruk kwarosolat worala, it-nen an nururak iri-ge meya-o. Kat kebem-nen ndowaga an pesel nibili yu kindi yebet ki-o.

YESKIEL 3:9

An-nen kat kwarak kobosolar-e, tumbu nggal tugup lak tak kobosolat, tulurak puk kerep intan nggal tak kobosolat yimin-o. Kar-e eyak wurugwi nap ereba enaye yurak pug-o” luk yak nirij-o.

MATIUS 10:28

Kinndi-ge wirigit lak, we kenaboro nak wururak nap iri-ge enaye kudtak pug-o. Are, kan mare arem-nen kenpe min-et kinndi min-et lak tak kunpurak Mbal Pem Nagawan nak aye kudtag-o.

MATIUS 10:31

Iri bem-e, kwiye kali-ge meyog-o. Towe wamsa kwarat iri-ge te-t nde, kir-e ijar-o.”

MATIUS 10:39

Ta-nen nde at uruk wolmomtak iri na indi angin yusu nab-e, at uruk wolmomtak iri kabak ma-o. Nde, ta-nen nde an nebem ala at uruk wolmomtak na iminep wisirik puwa nab-e, uruk wolmomtak elem irit lesa wanuwa-o.”

MATIUS 16:25

Ta-nen nde at uruk wolmomtak iri na indi angin yuwa nab-e abok at uruk wolmomtag-e pul ma-o. Alat nde, ta-nen nde an nebem ala at uruk wolmomtak iri na indi angin lak yuwa nab-e abok urug-et wolma-o.

MATIUS 19:29

Nde, an nebem ala at uwi worak nde owe owot nde iridtak nde eid ija nde ilirak nde eyabu nde keya buruk nuwa nab-e, iri mende ondolmasa seratus pem wanosolat, pem-et uruk wolmomtak elem winde yosolat ma-o.

MARAKUS 10:29

Yak tosoloma-ge, Yesus-nen yosolar-e: ”An-e ndemeret yak kundusu-o. An nebem ala na, aid wene bem ala na ap-nen at uwi nde owe owot nde iridtak nde eid ija nde ilirak nde eyabu nde keya buwa nab-e,

MARAKUS 8:35

Ta-nen nde at indi abuwa nggok tak puwa nab-e uruk wolma bug-o. Alat nde, an nebem ala na, aid wene bem ala na, at indi abuwa lak tak puwa nab-e at ondomok imiri yaga wanuwa-o.

YOANES 14:1

Yuruk, Yesus-nen yosolar-e: ”Kit kinndi kabak yili-ge meyog-o. Kinndi-ge Mbal Pem Nagawan ebem angin tubu yogolar-e, an nebem na kinndi angin tubu yer-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

PILIPI 1:29

Nde, Mbal Pem Nagawan-nen wok kondosolar-e, we Kerisut ebem kinndi angin tubu yurak iri nak wok kindigit lag-o. Are, at amanggim andi bandi kudtak min-et wok kendamu-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

1 PETERUS 3:6

Iri nggal-et Sara-nen na Abaram-nen yidnak yidnak kwarosolat, at imin-e ”Nagawan wa-e” luk yak toso-o. Nde, kit-nen-e konak nak kwarogolat, yi aye ndi aye kagwi buk ala-ge, kir-e Sara iligwami-nen yili-o.