1 PETERUS 3:13 - Nanduk Ngget Tul Pidnak Wene

¹³ Kit-nen konak nak kwarurak kinndi worala-ge, ta-nen meya rak kunpuwa-o?

1 PETERUS 3:13 ပူးပေါင်းရင်းမြစ်များ

NGGOMO WENE 15:9

Wene tarugwi nap-nen kwarugwi iri-ge Nagawan Indo-nen-e isili kaso-o. Alat nde, Nagawan Indo indi-n pidnak kwatli nab-e enabuwa-t kaso-o.

OROMA 13:3

Nde, konak nak kwarugwi nap-nen-e pemerinta nap enaye kujwa bug-o. Alat nde, meya yugwi nap nak-nen mondok enaye kujwa-o. Pemerinta enaye kagit lak wolmomtak perasolar-e, kar-e mondok konak nak kwarosolat wolmin-o. Iri kwarosola-ge, kerembel wanuwa-o.

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

1 KORINTUS 14:1

Iri bem-e, ap enabuwa kagwi iri-ge muk ker-o. Konak Indi-nen tembet ondoso mende irit wanurak pem kit na kit-net kenmawi kondogolar-et nde, nggok lombog-e Mbal Pem Nagawan-nen yidnak wene lomboksa yurak iri wanurak kenmawi konder-o.

EPESUS 5:1

Nde, kir-e Mbal Pem Nagawan ilirak kenabuwa worak-nen yili me, at-nen kwaroso nggal-et kwarer-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.