1 PETERUS 2:2 - Nanduk Ngget Tul Pidnak Wene

² Nde, kamo nonggolar-e, kenpe nggok yogolat, kinmiri yuwaklug-e, li nggisiya ngget nderak-nen ndemeret kamo nere yili nggal, iri nggal-et kit na ndemeret kamo Mbal Pem Nagawan-nen yidnak wene iri nere kagolat wolmer-o.

1 PETERUS 2:2 ပူးပေါင်းရင်းမြစ်များ

2 SEMUEL 23:5

Iri nggal kwasa an-nen wigarag-e Mbal Pem Nagawan-nen-e inmbiringgat tak unpuwa-o. At-nen an nimin urul yak niridnak wene-ge nden kujwa bug-o. Yi wene ndi wene bem-e mondok ndak ndak nak kwaroso-o. An-nen ombol nggwe yigi-ge Mbal Pem Nagawan-nen kwara tena woralat, an nindi-nen ukwe pidnak ndak tak nobosolat wolma-o.

OSEA 14:5

Nagawan Indo-nen yosolar-e: ”An nilirak lugud tak nggwe mbitli ereba na-ge tuguruk neram tak inpimin-o. It enabuwa mondok kwarat kamin-o. Tuguruk nisilepma inpimin pug-o.

OSEA 14:7

Nde, it iri-ge yak yoso mende isit pud arem mborosolat worasu ereba na nggal wigak yogolat, it enpage konag-e e saitun nggal woragolat, unpubu emben-e e libe ububu emben nggal-nen yusu-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MATIUS 18:3

at-nen yosolar-e: ”Wene yu yak kendeyeg-o: Kit kenpage nden yaga la marik yu abage nggal kwat yigit lak yugup ala-ge, Mbal Pem Nagawan-nen tenagaidnak wi-ge mondok nggugup pug-o.

MATIUS 19:14

Alat nde, Yesus-nen yosolar-e: ”Mbal Pem Nagawan-nen tenagaidnak wi iri-ge li marik yu nggal woragwi nap-nen winde yili me, li marik marik iri-ge an neram lobok yuwag-o. Langgal eneyali-ge meyog-o” luk yij-o.

MARAKUS 10:15

An-e ndemeret yak kundusu-o. Ta-nen nde Mbal Pem Nagawan-nen tenagaidnak wi na li marik-nen wanugwi nggal wanili buk nab-e ar-e iri me mondok ngguwa bug-o” luk yij-o.

LUKAS 18:17

An ndemeret yak kendeyeg-o. Ta-nen nde li marik nggal luk Mbal Pem Nagawan-nen tenagaidnak wi wanigit lak ala-ge, Mbal Pem Nagawan-nen tenagaidnak wi iri-ge ngguwa bug-o” luk yij-o.

OROMA 6:4

Nde, nit yi ma ninpiga iri-ge at imin totno wat luk, at imin totno yapma nonpogolat-nen yi ma ninpiga-o. Nde, Nineid kek tak woraso amawi-nen-e wat yidnak nap ennggendumu-nen Kerisut uruk tak pid nggal, iri nggal-et nit-nen na ngget mende bem-et waring kujwakluk nunluk tak pij-o.

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

EPESUS 2:21

Kerisut ebem-nen o iri oboksa-ge obo nesa worosolar-e, obo ndege ndege irit wirik lasolar-e, Nagawan Indo ebem-nen Mbal Pem Nagawan uwi marak irit kwat yusu-o.

EPESUS 4:15

Alat nde, ap enabuwa kagwi elem pem nir-e ndemeret wene puksa tena woragolar-e, yi mende ndi mende bem nir-e Kerisut na ebem iminep mbal mog-o. Nde, anggul-e at-nen yusu-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

1 PETERUS 1:23

Mbal Pem Nagawan-nen yidnak wene, urug-et woralik nalik woraso wene iri-nen-e mberen pem ndet konposolar-e, ki nap-nen ndet unpugwi nggal ndet kinpigit lag-o. Are, Nineid pem-et woralik nalik woraso-nen ndet kinpij-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.