1 PETERUS 2:19 - Nanduk Ngget Tul Pidnak Wene

¹⁹ Elem lak ma-t nde, ap-nen kondogola-ge, kir-e andi kagir-et ”Mbal Pem Nagawan indi-n pidnak pem-net yu kwat nibili-o” luk mamak puruk woragup pem-e Mbal Pem Nagawan-nen-e imbiringgat tak kunpuwa-o.

1 PETERUS 2:19 ပူးပေါင်းရင်းမြစ်များ

NDAWI ENGGA 69:4

Erem lakma insili rak nibili nab-e enpe-ge an nanggulsu nggal-e lag-o. Terak minik kwarat-net yili-o. Ap enmawi worak an lak tak nuburak pem ennesiget wene nebem pili-o. Yariya wanigit lag-et nde, enne amawi bem watsa ”Uwi yagi-o” yak norogola, narengge poso-o.

LUKAS 6:32

Nde, kit-nen kit kenabuwa kagwi nap nak enabuwa kagola-ge, kit-nen konak kwarugwi-ge ngge-o? Meya yugwi nap-nen na irit it enabuwa kagwi nap na enabuwa-t kagwi-o!

YOANES 15:21

Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

OROMA 13:5

Iri bem-e, pemerinta-nen yidnak yidnak mondok kwarurak iri-ge Mbal Pem Nagawan isilepma kenpem puwa iri kunmud nak-nen kwarurag-e lag-o. Are, kinndi-nen ”Irit kwareyeg-o” luk kwarurag-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 8:1

Nanggamirak wa-e. Makeronia woragwi lambuk tak inpidnak nap ennggendumu-ge Mbal Pem Nagawan-nen we wok ondoso elem wok indidnak wene-ge kenaru rak pul-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

IBERANI 10:2

Nde, eyabi pidnak iri-nen-e iri pogolat woraidnak nap ereya-nen meya yogolat woraidnag-e ndemeret marak inpidnggal-e, it-nen-e an-e meya yoso nap kagi-o luk peragit lak woralar-e, Mbal Pem Nagawan amanggim wam wosa eyabi-ge perenak woragit lak yeleb-o.

1 PETERUS 2:20

Nde, kit-nen meya yidnak pem-net kondogola, andi bandi kagolat mamak puruk woragup iri-ge kentembel wanuwa? Alat nde, kit-nen konak nak kwarugup pem-net kondogola, andi bandi kagolat mamak puruk woragup pem-e Mbal Pem Nagawan-nen imbiringgat tak kunpuwa-o.

1 PETERUS 4:15

Kit kennggendumu ap misiger-o luk tet ap wiridnak pem ala na, yariya wanidnak pem ala na, meya kwaridnak pem ala na, ap onowene abare lombok tidnak pem ala na, andi bandi kudtag-e meya-o.