1 PETERUS 2:17 - Nanduk Ngget Tul Pidnak Wene

¹⁷ Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

1 PETERUS 2:17 ပူးပေါင်းရင်းမြစ်များ

NDAK WIRIDNAK WENE 20:11

Yosoloma, Abarakam-nen onggo yosolar-e: ”O yu me-ge Mbal Pem Nagawan indi aye kagwi buk nap ennggendumu me, an nogwe wanurak puruk nuruwa yur-a? peraruk-nen iri nggal yigirig-o.

NDAK WIRIDNAK WENE 22:12

Yosoloma-ge, Nagawan Indo-nen aid nap yak tamu, Abarakam yak tosolar-e: ”La iri andi bandi rak posolat, ebem yi kwatlik ndi kwatlik kwarurak pug-o. Kar-e kambara misiget nderag-et nde, kar-e an-nen yidnak iri na-t kek tak posolat, an-nen yidnak yidnag-et kwarosolar-e, kambara kindi angin lag-et wosa an namanggim peyekluk yusu keyagi-o” luk yak tij-o.

NDAK WIRIDNAK WENE 42:18

Nde, mberen pem woraruk kenan tak pogolat tarem-e Yusup-nen it yak ondosolar-e: ”An-e Mbal Pem Nagawan indi aye worak, at-nen yidnak yidnak kwaroso nab-er-o. Kit-nen nde kunluk wolmomtak peragolar-e, wene misik yu nak kwarer-o.

NDAWI ENGGA 111:10

Ta-nen nde indi nggat nggat worak kwat momtak perasolar-e, Nagawan Indo nak kek tak uburag-o. At iri-ge at-nen yidnak yidnak kwarugwi nap oboksa inndi tenggerak paga wok ondoso-nen yusu-o. Mondok pem irit woragolat Nagawan Indo nak kek tak pogolat wolmomtag-o!

MBIRIGA WENE 20:12

An-nen wok kindimin o iri me woragolat, kunluk mot pem-et woraboklug-e, kineid kiniya kek tak onpogolat wolmomtag-o.

NGGOMO WENE 1:7

Enaru yugwi mende enaru yurak pem-e mondok nanduk tak posolar-e, mondok tebe luk Mbal Pem Nagawan indi aye worak irit wolmomtag-o. Nde, ap wid-nen-e inndi nggat nggat elem iri na-ge nggok tak pigit lak, it mul undurak na insili yugwi-o.

NGGOMO WENE 23:17

Meya yugwi nap-nen kwarugwi ereba na ”An nggal kwatleb-a!” luk yurak pug-o. Pempa Nagawan Indo-nen yidnak yidnak nak kwarosolat woragun ala-ge,

NGGOMO WENE 24:21

Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

TEPAN OMBO-NEN KWARURAK WENE 19:32

Kir-e ap indi worak endam tebe luk, it-nen yidnak yidnag-et kwarogolat wolmer-o. Kenmbal Pem Nagawan an naye worak wolmer-o. An-e Nagawan Indo-nen yusu-o.

MATIUS 22:21

Yosoloma-ge, it-nen yogolar-e: ”Kaisat-nen idnak-nen yusu-o” luk yiga-o. Yogolikma-ge, Yesus-nen it yak ondosolar-e: ”Iri ala-ge, Kaisat arengge iri-ge Kaisar-et wok turag-o. Nde, Mbal Pem Nagawan arengge iri-ge Mbal Pem Nagawan-et wok turag-o” luk yak indij-o.

YOANES 13:35

Kit-nen-e nabuwa kabuwa nak kagola-ge, ap pidsa-nen-e kir-e an nowosirak-nen yili-o luk yenggerak kiniyujwa-o” luk yij-o.

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

OROMA 13:7

Pemerinta onggo wok undurak iri-ge mondog-et wok undurag-o. O onggo wanurak nap iri-ge o onggo wok undurag-o. Terak mena pidnak iri-ge wanurak nap irit wok undurag-o. Nggok tak unpurak nap ala-ge, nggok tak unpurag-o. Nde, entembel wanurak nap ala-ge, entembel wanurag-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

EPESUS 5:21

Kerisut indi aye woragolar-e, kit na kit-net kenggam urugom tebe yogolat wolmer-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

1 TIMOTIUS 6:1

Mbal Pem Nagawan unu min nit-nen mul undugwi aid wene min nggwiyuruwa naru, it mumnggup manggi onnggo pidnak nap pidsa-nen-e it onmborak na kek tak onpogolat wolmag-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:13

Nagawan Indo ebem me, nggweyak ma worali pemerinta pidsa-nen yidnak yidnak nak kwarer-o. Yi nap ndi nap pidsa onmbol pem kek tak Kaisat na irit,

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.