1 PETERUS 1:22 - Nanduk Ngget Tul Pidnak Wene

²² Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 1:22 ပူးပေါင်းရင်းမြစ်များ

YOANES 15:17

An-nen kenpem pusu wene-ge yu-o: ’Nabuwa kabuwa nak kagolat wolmer-o’ luk yak kundusu-o.

YOANES 15:3

An-nen yak kondoso wene iri na bem kir-e mbek tak kinpidnak worali-o.

YOANES 17:17

Ndemeret wene bem-net ir-e lena kat karengge rak inpi-o. Kat-nen yidnak wene-ge ndemeret wene-nen yusu-o.

YOANES 17:19

Ir-e ndemeret wene bem lena kat karengge makluk, it enmanggim an-e kat karengge teyek-nen an-e an-net len yigi-o.

YIDNAK YIDNAK WENE 15:9

Mbal Pem Nagawan-nen-e it min nit min neneyasolar-e, arik tak nggal-e mondok lag-o. It inndi angin tubu yidnak pem-et it inndi mbek tak inpidj-o.

YIDNAK YIDNAK WENE 6:7

Nde, Mbal Pem Nagawan-nen yidnak wene iri-ge wigak yosolar-e, o Yerusalem-nen aid wene wanidnak nab-e misik nambek misik nambek irit kwarat yogolat, tepan omborak kwarat-nen na inndi Yesus ebem angin tubu yogolat kwariga-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 2:8

Alat nde, ap erep-nen-e it enambik enambigit nak kek tak pogolar-e, Mbal Pem Nagawan-nen yidnak yidnak keya buruk, meya kwarugwi mende langgal luk mbitli nab-e Mbal Pem Nagawan isilepma-ge iri kwatli nap enpem puwa-o.

OROMA 8:13

Kir-e ki nap-nen kwarugwi mende nak kwarugup nde ala-ge, wat yugub-o. Alat nde, Konak Indi bem-nen kit kenpe-nen kwarugwi mende worak pugup nde ala-ge, kunlug-et woragub-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

NGGALATIA 5:5

Nde, Konak Indi bem-nen nit ninndi angin tubu yidnak pem lud tak nak nunpuwa-o luk ninndi mbung mbung tak worali iri kwat nunpuwakluk yik karok worali-o.

NGGALATIA 5:7

Nde, nanduk kir-e konak nak kenmawi kundigeb-et nde, ndemeret wene iri na-nen yidnak yidnak nak kwarugwi-ge ta-nen nde larok tak kinpij-o?

EPESUS 4:3

Konak Indi-nen misiget tak kinpidnak iri-ge, lambuk tak kinpidnak elem pem-et kwara tena wolmer-o.

PILIPI 1:9

An-nen kenmanggim tepan yoso-ge yu nggal kwarobokluk-nen yoso-o: Kit-nen ap enabuwa kagwi min kenaru yugwi min yebet kagwi mende pidsa min iri-ge irit tit, irit tit kwarat mag-o luk yoso-o.

1 TESALONIKA 3:12

Nit-nen kenabuwa kali iri nggal-et kit na kit-net nabuwa kabuwa wolmomtak elem min nin nap enabuwa kudtak elem min-e Nagawan Indo-nen-e utlud lombok kwarat tak kunpuwag-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 5:2

kweyap inndi worak inmin-e kiyarak nggal tak unpurag-o. Nde, kweyap ndugum inmin-e kindi mondok mbek tak pem-net kiridtak nggal tak unpurag-o.

2 TIMOTIUS 1:14

Nit nenarem worasu Konak Indi amawi bem-nen kat kebem pidnak konak mende iri-ge kwara parugu wolmin-o.

IBERANI 11:8

Nde, Abaram na indi angin tubu yidnak pem-net Mbal Pem Nagawan-nen yonggo obosola, at-nen-e Mbal Pem Nagawan-nen yidnak yidnak nak kwarosolar-e, Mbal Pem Nagawan-nen: ”O iri me wok kirimin-o” luk urul yak tidnak sa iri na mo-t mbirij-o. Nde, at ama keya buruk mborosolar-e, an-e o iri na me-t mburusu-o luk peragit lak, indi kabak irit mbirij-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

YAKOBUS 1:21

Iri bem-e kop kap tobok tak poso mende pidsa min meya kwarat kwarugwi mende oboksa min mbo buruk, Mbal Pem Nagawan-nen kit kinndi arem aid wene yagaid na-ge kinndi teberak pem-nen wanogolat wolmer-o. Aid wene na-ge kit kinmiri yurak pem amawi mondok ndak-nen yusu-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

1 PETERUS 3:1

Kununtak worak kwami wa-e. Iri nggal-et kir-e kununtak enne nak kologolat wolmer-o. Iri kwarogola-ge, it erep-nen-e Mbal Pem Nagawan-nen yidnak yidnak wene bem inndi angin tubu yigit lak mbi woragola-ge, kit-nen konak kwarogola karuk, inndi angin tubu yuwa-o. It-nen yik kiniyujwa nggal, kenpage marak, mot mot nak kwarugwi me, kit-nen wene mbi yak undugup pug-o.

1 PETERUS 3:20

Inndi aid wene yak indid iri-ge Nu woragaid tarem-nen Mbal Pem Nagawan-nen yidnak yidnak kwarigit lak yiga inndi-o. Nde, Nu-nen e koma na worosola, Mbal Pem Nagawan-e indi luruk puruk woragaij-o. Yi kobong yil lagaij-et nde, e koma na arem-e enpe wonarak delapan nak inmiri yij-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 4:17

Ap enpem wene mbarurak tarem-e pi wok yij-o. Nde, nanduk nandug-er-e Mbal Pem Nagawan ilirak nit nenpem nandug-et wene mbaruwa-o. Nde, nandug-er-e nit nenpem wene mbarosolug-e, abog-e Mbal Pem Nagawan-nen idnak aid wene keya bugwi nap enpem wene mbarosola, ngge nggal kwat ma-o?

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 3:11

Nanduk nandug-et kuligep wene-ge yu-o: Nit na nit-net mondok nabuwa kabuwa yogolat wolmomtag-o.

1 YOANES 3:23

Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

1 YOANES 4:12

Ap misiger-o luk tet Mbal Pem Nagawan mondok kagwi bug-o. Nde, Nit-nen nde nabuwa kabuwa yogola-ge, Mbal Pem Nagawan-e nit nenarem woralat, nit nenarem-e at-nen enabuwa kaso elem na-ge iminep mbarak irit wolma-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.

1 YOANES 4:7

Nanggamirak kenabuwa worak wa-e, Enabuwa kagwi elem-e Mbal Pem Nagawan eram-nen lobok yusu me, nabuwa kabuwa yogolat wolmog-o. Enabuwa kagwi nab-e Mbal Pem Nagawan ilirak, Mbal Pem Nagawan enaru nap-nen yili-o.

NAM PARA WENE 2:4

Worali-t nde, an kit kenpem nindi angin nggal worasu-ge yu-o: Kit-nen nanduk an nabuwa kaigep nggal kali buk iri perak kenpem nindi angin kasu-o.