1 PETERUS 1:19 - Nanduk Ngget Tul Pidnak Wene

¹⁹ Alat nde, konnggo posolar-e, lomba wam marik ambut lak, ebem kop kap lak woraso lomba Mbal Pem Nagawan amanggim wosa pidnak nggal Kerisut eyabi onggo nggok iri-nen konnggo pij-o.

1 PETERUS 1:19 ပူးပေါင်းရင်းမြစ်များ

MBIRIGA WENE 12:5

Iri worogolar-e, lomba wam ala na, kambing wam ala na wururag-o. Alat nde, kusi olengen misiget woraidnak mondok ebem kopkap lak iri nak wururag-o.

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

YESAYA 53:7

Ar-e insilepma min lel mberel ibiga-t nde, eyak linggirik puruk, andi bandi kasolar-et nde, ene lak woragij-o. Lomba amarik ene lak worasola, urusu mbarugwi sa waruk mburugwi nggal, lomba ija usu mbarogola, ene lak woraso nggal, ene lak irit woragij-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 1:36

Yesus na wasola karuk, Yoanes-nen yosolar-e: ”Mbal Pem Nagawan olomba wam marik iri nde ker-o!” luk yij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

OROMA 3:25

Mbal Pem Nagawan-nen-e Yesus iri-ge wam wosa eyabi at amanggim pidnak nggal pid iri-ge, at eyabi mbiridnak pem at ebem inndi angin tubu yidnak nap-nen meya yidnak lak tak peyekluk pij-o. Mbal Pem Nagawan-nen Yesus pid iri-ge at lud tak nak kwaroso na mirik nenpeyekluk-nen pij-o. Nandug-e ap-nen meya kwarogola, eneyasolar-et nde, Mbal Pem Nagawan-nen at indi luruk puruk, indisem woragaij-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

KOLOSE 1:14

At Ambara ebem-nen nit nonnggo posolar-e, nit meya yidnak amberam tak pij-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.

NAM PARA WENE 14:1

Iri luk, yik kaginggal-e, Lomba Wam Marik na-ge Sion ndobo bem mendak worala kagi-o. Nde, at imin-e at unu nde at Eid unu nde it inmbiriwak pem mbarak nab-e seratus empat pulu empat ribu (144,000) irit woraiga-o.

NAM PARA WENE 14:5

It iri enmende nggwe-nen-e enesiget wene mariget tet wirik pugwi bug-o. Nde, meya mariger-o luk tet it enpem-e mondok lag-o.

NAM PARA WENE 5:6

Iri yosola, an yik kaginggal-e, nagawan koreyak woraso ondoro iri na bem enggendumu-ge Lomba Wam Marik mendak kagi-o. Nde, mendak worala, untugup worak mende empat ereya na min enne kulugwi nap ereya na min-nen at iri na lop lop worak kagi-o. Nde, Lomba Wam Marik iri-ge abu wiridnak nggal irit kagi-o. Nde, at iri anggul ambo na tuju, erengen na tuju-nen yusu-o. Nde, anggul ambo tuju min erengen tuju min iri-ge Mbal Pem Nagawan indi tuju yi wi ndi wi oboksa wirik pidnak indi iri-net yusu-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.