1 PETERUS 1:13 - Nanduk Ngget Tul Pidnak Wene

¹³ Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 1:13 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:46

Ereya na-net Nagawan Indo-nen Elia iri na amawi wok tosolar-e, usum leyok sum iri na yunggusa pesera abam nggwe pil lasolug-e, abare kamarak purug-e, at nanduk pong kid kid Yisiriel o pak tumende bem Akap abuwok nanduk wok yil mbirij-o.

2 NAGAWAN NAGAWAN-NEN KWARIDNAK WENE 4:29

Yosoloma, Elisa-nen nden kaga Nggekasi iri na yik karuk yak tosolar-e: ”Kar-e an nowangun iri wanuruk, nok mburugundik, kwe yu ama wok yosolar-e, la iri bem purag-o. Nde, tu ndumu ap-nen nde wa yak korogola-ge, onggo wa yak ondosolat ndag-et mburugun puk me, mondok wa yak undurak pug-o” luk yak tij-o.

AYUP 38:3

Kat nde kusi-nen-e yawo an neram lobok yugundik, an-nen kin wok kibimin wene yeba onggo yi-o.

AYUP 40:7

Iri luk, Nagawan Indo-nen Ayup yak tosolar-e: ”Kar-e ap kusi-nen-e an neram lobok yugundik, an-nen kin wok kibimin wene yeba oboksa onggo yi-o.

MBIRIGA WENE 12:11

Nde, uno ereba nonggolar-e, mbururak pem kunsum yutluk, kunuwok sum yutluk, konowangun-e kininggem-nen ndag-et ndag-et nak norag-o. Nde, iri-ge ”Ar-e Nagawan Indo-nen yusu-o” luk kek tak nobogolat-nen kwarugub-o.

YESAYA 11:5

Yi kwarugwi ndi kwarugwi bem-e at-nen kwarosolar-e, mondok tugup lak, mot mot irit kwat tenak wolma-o.

YEREMIA 1:17

Iri bem-e, Yeremia wa-e. An-nen kebem pusu wene yeba oboksa it yak indil mbururak pem lud tak wolmin-o. Kar-e it endam wok yosola, an-nen kwiye ijak wosa keya kibimin naru, kar-e it enaye-ge mondok yurak pug-o.

MATIUS 20:4

at-nen it yak ondosolar-e: ”Kit min-et an neyapmu iri me yabu wil mberer-o. Nde, yabu wanogola-ge, onggo ndak ndak wok kindimin-o” luk yak indij-o.

LUKAS 12:35

Yuruk, Yesus-nen yosolar-e: ”Kentani are logoksa pempa yirik woragolat, kental na pempa pago woragolat, lid ludsa wolmer-o.

LUKAS 17:30

Ap Ambara an lobok yimin tarem-e iri nggal-et kwat ma-o.

LUKAS 17:8

Mondok lag-o. Are, yu nggal yak tugub-o: ’An norak mende nanduk lid lud tak puruk, kusum konak yutluk, an mburu min yi min nasola-ge, ndegel nubugun-o. Nde, an namu-nen kar-e mburu min yi min nunggun-o’ luk yak tugub-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

OROMA 8:19

Ndak worak inpidnak mende oboksa-nen-e: ”Mbal Pem Nagawan ilirag-e mepme-n nam tak unpuwa-o!” luk yik karok inndi mbung mbung tak worali-o.

1 KORINTUS 1:7

nit Nenagawan Indo Yesus Kerisut nam tak purak tarem yik karok woragolar-e, Konak Indi-nen we tembet nundusu mende marig-et nggal wanigit lag-o, mondok ndak irit wanigeb-o.

1 KORINTUS 13:13

Nde, yawo-nen-e kenan yu worasu-o: Inndi angin tubu yugwi min inndi mbung mbung tak woragwi min ap enabuwa kagwi min worasu-t nde, ija lombog-e ap enabuwa kagwi irir-o.

EPESUS 6:14

Iri bem-e, kir-e tugup lak mendak wolmer-o. Ndemeret wene-ge tani are nggal kunpugulwak pem ngonoksa yutluk, lud tak nak kwarugwi-ge tagun nggal yutluk,

KOLOSE 3:4

Nit nunluk worali yu-ge Kerisut-nen yusu-o. Nde, at nam yosolar-e, kit na at imin totno nam yogolar-e, at unu kek tak pidnak pem-et nam yugub-o.

2 TESALONIKA 1:7

Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 10:35

Iri bem-e, kit kinndi kabak yili-ge meyog-o. Nde, kinndi angin tubu luk woragup pem-e onggo mondok nggulok wanugup nar-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

IBERANI 6:19

Nit ninndi ebem mbung mbung tak pige wene iri-nen-e e koma tugup lak tak poso posid nggal nit ninndi-ge pem tugup lak tak poso-o. Ninndi ebem mbung mbung tak pige wene iri-nen-e o mondok marak Mbal Pem Nagawan woraso sa iri na me sum kuri worak pidnak iri na kwidsa nggwij-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

1 PETERUS 1:10

Kit kinmiri yurak wene iri-ge Mbal Pem Nagawan ene lomboksa yugwi nap-nen-e wene na kwara mbenarogolat, kore yogolar-e: ”Mbal Pem Nagawan-nen we wok ondoso elem wok kunduwa-o” luk urul pogolat woraiga-o.

1 PETERUS 3:15

Are, kit kinndi arem-nen-e Kerisut na kek tak pogolat, kit-nen idnak Nagawan Indo rak pogolat wolmer-o. Ap-nen-e: ”Kir-e no bem kinndi mbung mbung tak worali-o?” luk kin wok konpogola, wene na onggo yak undurak pem kir-e lid lud tak puruk wolmer-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.