1 KORINTUS 9:5 - Nanduk Ngget Tul Pidnak Wene

⁵ Wirik inpidnak nap erep min Nagawan Indo owosirak min Peterus min-nen kwatli nggal, nit na irit nonkwe rak inndi angin tubu yidnak kwe na ninmin waring kudtag-e meya-a?

1 KORINTUS 9:5 ပူးပေါင်းရင်းမြစ်များ

MATIUS 13:55

At yu-ge o woroso nap ambara-t nde, at ija unu-ge Maria-t nde, at owottag-e Yakobus min Yusup min Simon min Yuras min yu-t nde,

MATIUS 8:14

Iri luk, Yesus na-ge Peterus ama nggwidnggal-e, Peterus owan na-ge kugi embem wuloksa wiridnak me, mbinggirik worasola, kagaij-o.

MARAKUS 1:30

Nggwiganggal-e, Simon owan na-ge embem wuloksa wiridnak me, mbinggirik worasoma karug-e, obog-e Yesus yak tiga-o.

MARAKUS 6:3

At yu-ge o woroso nap, Maria ambara, Yakobus min Yoses min Yuras min Simon min onowe, at owosirak li kwami na nit ninmin worali iri-ge lak kaigeb-a?” yogolug-e, Yesus na insili rak piga-o.

LUKAS 6:15

Matius min Tomas min Alpius ambara Yakobus min Simon uwi nggweyak imiri yoso nab-o luk yak tugwi na min

LUKAS 8:20

Alama-ge, ap mbi-nen Yesus yak tosolar-e: ”Kat kiya min kowosirak min-e kat kiyujwokluk lobok yiga-t nde, mbepme nde mendak worali-o” luk yak tij-o.

YOANES 1:42

Iri lug-e, Andereas-nen Simon na Yesus eram ibil lobok yosola-ge, Yesus-nen Simon na yak tosolar-e: ”Kar-e Yona ambara Simon-nen yusu-o. Nde, kat kunu-ge Kepas-o” luk yarij-o. (Nde, Kepas min Peterus min iri-ge Yunani wene bem-e Kerep Ndobo-o yogolar-o.)

YOANES 2:12

Iri lug-e, Yesus na-ge ija min owottak min at imin nugwi nap min inmin luk, Kaperenaum wi mbiriga-o. Mbirigarik, o iri me woragolar-e, kenan nggal ereba-t nene yiga-o.

YIDNAK YIDNAK WENE 1:14

It pidsa min kweyap erep min Yesus ija Maria min Yesus owottak min inndi misiget tak nak puruk, tepan-e lambuksa kundugu yogolat woraiga-o.

OROMA 16:1

Lambuk tak inpidnak nap Kenkerea iri me ndegel onposo nintid kwe Pebe iri-ge kenaru rak peyeg-o.

1 KORINTUS 1:12

Yu nggal yosolat-nen yigi-o: Kit kenarik tik kenarik tak-nen yogolar-e: ”An-e Paulus mende-o”, ”An-e Apolos mende-o”, ”An-e Peterus mende-o”, ”An-e Kerisut mende-o” luk yil mbitli-o.

1 KORINTUS 7:15

Alat nde, un ala na, ogwe ala na, at indi angin tubu yigit lak iri-nen-e at indi angin tubu yidnak iri keya burak indi wok yosola-ge, keya-t puwa-o. Iri nggal kwarak ala-ge, indi angin tubu yoso iri-ge un ala na, ogwe ala na, at iri imin kamarak ibidnag-e lag-o. Kir-e yamuksa woraboklug-e Mbal Pem Nagawan-nen yonggo kinpij-o.

1 KORINTUS 7:39

Un uruk worasola-ge, ogwe-ge un panggarak worasu-t nde, un na wat yosola-ge, at-nen indi nin nap ebem puruk, wanurag-e op-nen yusu-o. Alat nde, Nagawan Indo ebem indi angin tubu yidnak nab-et wanurag-o.

1 KORINTUS 7:7

Ap pidsa-nen an worasu nggal wolmomtag-e ob-et nde, Mbal Pem Nagawan-nen we wok ondoso mende-ge enarik tak wok ondoso me, nin nap-nen-e nin nggal kwarosolat, nin nap-nen-e nin nggal kwarosolat kwarugwi-o.

1 KORINTUS 7:8

Nde, it terak suwe min togwe min an-nen yak endeyeg-o: Kir-e an worasu nggal wolmomtak na ob-er-o.

NGGALATIA 1:19

Alat nde, an-e wirik inpidnak nap ereb-e eneyagit lak, Nagawan Indo owot Yakup iri nak kagi-o.

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

1 TIMOTIUS 4:3

Iri yidnak nap-nen yogolar-e: ”Kwe wanurak pug-o. Nunggwi mende ereb-e norak pug-o” luk yili-o. Alat nde, nunggwi mende iri-ge Mbal Pem Nagawan-nen nujwakluk ndak wiridnak me, inndi angin tubu yidnak nap min ndemeret wene enaru nap min-nen nonggolar-e, Mbal Pem Nagawan wa yak turuk norag-o.

1 TIMOTIUS 5:2

kweyap inndi worak inmin-e kiyarak nggal tak unpurag-o. Nde, kweyap ndugum inmin-e kindi mondok mbek tak pem-net kiridtak nggal tak unpurag-o.

TITUS 1:6

Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.