1 KORINTUS 9:22 - Nanduk Ngget Tul Pidnak Wene

²² It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

1 KORINTUS 9:22 ပူးပေါင်းရင်းမြစ်များ

OROMA 11:14

An iri kwarusu iri-ge an nelem nap enlengen ale rak posolat, it erep inmiri yekluk-nen iri kwarusu-o.

OROMA 14:1

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

OROMA 14:2

Ap erep-nen peragolar-e, nunggwi mende pidsa norak nak perali-t nde, ap erep kwara inndi angin tubu yigit lak nap-nen-e we mburu mburungga nak norak perali-o.

OROMA 15:1

Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

OROMA 15:2

Are, nenggamirak na kwara inndi angin tubu maklug-e, nit nondomok tak-nen it enalen tak purak mende-t kwaruwog-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 7:16

Kun worak kwe wa-e. Kat kun iri kat-nen imiri yugun, lak? Nde, ogwe worak nap wa-e. Kat kogwe iri kat-nen imiri yugun, lak?

1 KORINTUS 8:13

Iri bem-e, nunggwi mende iri-nen an nanggam iri are purak ala karuk, an nanggam iri-ge are pimin naru, ino-ge abok na abok na namin pug-o.

1 KORINTUS 9:19

An-e wisirik nibidnak nab-et nde, ap kwarat wok enpeyekluk, it pidsa ndegel onposo nap kwat yusu-o.

1 KORINTUS 9:23

An-nen iri kwarusu iri-ge aid wene bem ala-nen imbiringgat waneyekluk-nen kwarusu-o.

2 KORINTUS 11:29

Ap misik-nen nde ndeyak ala-ge, an na ndeyag-et yoso-o. Ap misik-nen nde oro-nen mbud luk, meya yosola-ge, an na nindi puru kwarat yoso-o.

NGGALATIA 6:1

Nowe nowosi wa-e. Ap misik-nen meya mbi kwarosola-ge, Konak Indi kenarem woraso nap kit-nen-e ap iri na konak tak uburag-o. Konak tak obogolar-e, kinndi yangonak pem-et kwarugup na-e. Kit na iri nggal-et kinndi ngaruwa-o luk, kit kondomog-et kwara pil pel tak puruk wolmer-o.