1 KORINTUS 9:21 - Nanduk Ngget Tul Pidnak Wene

²¹ Nde, enlem nin nap wok enpeyekluk, it ennggendumu woralar-e, an-e imiri mbarak pidnak wene tena woraso buk nap nggal kwat yoso-o. Alat nde, Mbal Pem Nagawan-nen yidnak yidnak wene an-e keya bigit lag-et nde, Kerisut-nen yidnak yidnak wene bem nak woraso-o.

1 KORINTUS 9:21 ပူးပေါင်းရင်းမြစ်များ

YIDNAK YIDNAK WENE 15:28

Konak Indi-nen na irit, nit-nen na irit peragolar-e, mondok kwarurak mende yu worala, nit-nen-e angin worak mende kenpem pul-o luk.

YIDNAK YIDNAK WENE 16:4

Nde, ir-e o siri nin wok nan wok mborogolat-nen o ereba woragwi nap yak ondogolar-e, it wirik inpidnak nap min ogore yidnak nap min-nen Yerusalem-nen mbaridnak wene na yak unduruk: ”Kit-nen na iri-nen yidnak yidnak nak kwarer-o” luk yak indil indil mbiriga-o.

YIDNAK YIDNAK WENE 21:25

Alat nde, enlem nin nap inndi angin tubu yidnak nap enmanggim-e nit-nen mbarige wene na engga bem mbara wirik pogolar-e: ’Nunggwi mende kugi amanggim pidnak min eyabi min pip ndonggoksa wat yidnak ino min mbabi yugwi min mondok keya burag-o’ luk engga mbarige-o” luk yiga-o.

OROMA 2:12

Enlem nin nab-e Musa-nen imiri mbarak pidnak wene na-ge onlol-et woraiga-o. Iri bem-e it meya yidnak pem lak yogolar-e, imiri mbarak pidnak wene onlol-net lak ma-o. Nde, Yawuri nap na-ge Musa-nen imiri mbarak pidnak wene enaru-t nde, meya kwatli me, imiri mbarak pidnak wene iri bem-net it enpem wene mbaruwa-o.

OROMA 2:14

Enlem nin nap na-ge Musa-nen imiri mbarak pidnak wene iri na enaru buk woragolar-et nde, imiri mbarak pidnak wene-nen ”Iri nggal kwaru-o” yidnak iri na it inndi nak-nen kwaruwarig-e, imiri mbarak pidnak wene na-ge ir-e wanigit lag-et nde, it inndi-ge it ondomok enmanggim imiri mbarak pidnak wene kwat yusu-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

OROMA 7:25

Nenagawan Indo Yesus Kerisut ebem-nen Mbal Pem Nagawan nak wiwa-o yak turag-o. Iri ala-ge, an-e yu nggal kwarusu-o. An nindi-nen-e Mbal Pem Nagawan-nen idnak imiri mbarak pidnak wene na ndegel ubusu-t nde, nebage ki nap iri-nen kwarosolar-e, meya kwarugwi elem irit ndegel ubusu-o.

OROMA 8:4

Mbal Pem Nagawan-nen iri kwarid iri-ge nit ki nap-nen kwarugwi mende kwarigit lak, are, Mbal Pem Nagawan Indi-n pidnak nak kwarugwi nap nit-nen kwarogolat wolmakluk lud tak nak yoso imiri mbarak pidnak wene iri na nit ninndi arem kwat makluk-nen iri kwarij-o.

NGGALATIA 3:2

Wene misiget yu nak yak nerer-o: Imiri mbarak pidnak wene-nen yidnak yidnak nak kwarigep pem-nen Konak Indi wanigep, lak? Are, aid wene kuluruk, iri bem kinndi angin tubu yigep pem-nen Konak Indi wanigeb-a?

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

IBERANI 8:10

Nde, Nagawan Indo-nen yosolar-e: ’Alat nde yawo-ge Isarael nap inmin urul paga yak indimin wene na-ge yur-o: Abok woragolar-e, an-nen-e imiri mbarak pidnak wene iri na waga it inndi arem posolat, wene na-ge it inndi bem mbarosolat yimin-o. An-e it Enmbal Pem Nagawan kwat yosolat, nde, ir-e an nelem nap kwat yogolat mul-o.