1 KORINTUS 9:19 - Nanduk Ngget Tul Pidnak Wene

¹⁹ An-e wisirik nibidnak nab-et nde, ap kwarat wok enpeyekluk, it pidsa ndegel onposo nap kwat yusu-o.

1 KORINTUS 9:19 ပူးပေါင်းရင်းမြစ်များ

MATIUS 18:15

”Kat kanggam-nen meya rak kobosola-ge, at eram mburugundik, kit kenmberek kenarikmu woragolat-nen at meya yidnak na nam-et kene amawi min nggomo wiri-o. Nde, at-nen nde kat kene kolosolar-e, kat kanggam-et wolma-o.

OROMA 1:14

Nde, Yunani nap na irit, enlem nin nap na irit, enaru nap min enaru buk nap min it pidsa enpem an-e namat nebem pidnak worasu-o.

OROMA 11:14

An iri kwarusu iri-ge an nelem nap enlengen ale rak posolat, it erep inmiri yekluk-nen iri kwarusu-o.

OROMA 15:2

Are, nenggamirak na kwara inndi angin tubu maklug-e, nit nondomok tak-nen it enalen tak purak mende-t kwaruwog-o.

1 KORINTUS 10:29

Iri keya burak iri-ge, at indi aye-nen-o, kat kindi-nen-e lag-o. Nde, ap misik-nen yosolar-e: ”Noluk-nen an weserak nibidnak na-ge nin nap indi aye kagwi-nen an kamat nuburag-o?

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 7:16

Kun worak kwe wa-e. Kat kun iri kat-nen imiri yugun, lak? Nde, ogwe worak nap wa-e. Kat kogwe iri kat-nen imiri yugun, lak?

1 KORINTUS 9:1

An-e wisirik nibidnak nab-e lag-a? An-e wirik nibidnak nab-e lag-a? An-e nit Nagawan Indo Yesus-e nerengen-nen kagi-ge lag-a? Nagawan Indo amanggim yabu wanigi bem-nen kit ebe worak tak kinpigi na-ge lag-a?

2 KORINTUS 12:14

Yawo kenan pem tak posolar-e, an-e kit kendam lobok yurak pem lid lud tak puruk worasu-o. Nde, kit kenarengge wanosolat, angin tak kinpimin pug-o. An-e kit kenarengge ukwe-nen yusu-ge lag-o. Kenpe perak nde nindingen keneyasu-o. Nde, li marik-nen it ineid iniya enmanggim silobulo ndok wurugwi bug-o. Are, ineid iniya-nen perak nde inlirak enmanggim silobulo ndok wurugwi-o.

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

NGGALATIA 5:1

Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

1 PETERUS 3:1

Kununtak worak kwami wa-e. Iri nggal-et kir-e kununtak enne nak kologolat wolmer-o. Iri kwarogola-ge, it erep-nen-e Mbal Pem Nagawan-nen yidnak yidnak wene bem inndi angin tubu yigit lak mbi woragola-ge, kit-nen konak kwarogola karuk, inndi angin tubu yuwa-o. It-nen yik kiniyujwa nggal, kenpage marak, mot mot nak kwarugwi me, kit-nen wene mbi yak undugup pug-o.