1 KORINTUS 9:17 - Nanduk Ngget Tul Pidnak Wene

¹⁷ An nindi-nen yabu wanosolat nggal-e, ”Onggo wok nerer-o” yeleb-o. Alat nde, an yabu wanusu yu-ge an nindi-nen wanusu-ge lag-o. An nebem-et pidnak ala-nen wanusu-o.

1 KORINTUS 9:17 ပူးပေါင်းရင်းမြစ်များ

YESAYA 6:8

Yak nutluk worasoma-ge, Nagawan Indo-nen yosolar-e: ”An-e ta wirik pimin-o? Nit-nen yidnak wene waruk noso nab-e ta nde kwat ma-o?” luk yosola kuluruk, an-nen onggo yosolar-e: ”An-e yu-o. An-et wirik nibi-o” luk yigi-o.

YEREMIA 20:9

Alat nde, an nindi arem-nen yebet kasolar-e: ”Nagawan Indo iri-ge meme rak posolat, at unu bem an-nen at-nen yidnak wene yusu iri-ge mondok keya beyeg-o” luk yebet kasolar-et nde, kat-nen nebem pidnak wene-ge kanduk nggal kererak an nindi arem worasu-o. Narem nak wolmakluk mamak pusu-t nde, an-nen mamak purag-e meya yusu-o.

YESKIEL 3:14

Iri yosoma-ge, Nagawan Indo Amawi Mondok Kwiye Worak irit an nebem mbuwasolar-e, kud norosolat ereya na-net Konak Indi-nen wok nuburuk mborosola-ge, mondok nindi min ngari luk, nisilepma yigi-o.

YUNUS 1:3

Iri yak tij-et nde, Yunus iri na-ge Nagawan Indo aye-nen nin nggwe mbirij-o. Mborosolar-e, Yopa nggwe mborosoma-ge, koma misig-e o Sepaniol nggwe mbereyekluk yosoma, kagaij-o. Karug-e, at mbururak koma iri na onggo purug-e, koma iri na arem ngguruk, koma waruk nugwi nap inmin Sepaniol mborosolat, Nagawan Indo eram-nen kwiye mbirij-o.

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

MATIUS 10:41

Nde, Mbal Pem Nagawan ene lomboksa yoso nap na wok obosolar-e: ’Yu-ge Mbal Pem Nagawan ene lomboksa yoso nap-nen yusu-o’ luk wok ubuwa nab-e Mbal Pem Nagawan ene lomboksa yugwi nap-nen wanugwi onggo iri ndak ndak wanuwa-o. Nde, lud tak nak kwaroso nap wok obosolar-e: ’Yuge lud tak nak kwaroso nap-nen yusu-o’ luk wok ubuwa nap iri-ge lud tak nak kwarugwi nap-nen onggo wanugwi iri ndak ndak wanuwa-o.

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

YOANES 4:36

Nde, mburu ndagoso nap-nen-e onggo wanosolar-e, unlug-et woralik nalik momtak amanggim ndok woroso-o. Iri bem-e, yagoso nap min ndagoso nap min-e enmbereg-et enalen worak wolma-o.

1 KORINTUS 3:14

Nde, ta-nen nde o paro na bem wiridnag-e kan ninggit lak, tugup lag-et wolma bem-e at iri-ge onggo wanuwa-o.

1 KORINTUS 3:8

Uwi yagoso nap na yi koloso nap na ndak ndak-nen yusu-o. It-nen yabu wanidnak iri ndak ndag-et Mbal Pem Nagawan-nen enarik tag-et onggo wok unduwa-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

1 KORINTUS 9:16

An-nen aid wene yusu bem-nen nunu kek tak peyekluk-nen yusu-ge lag-o. An nebem pidnak ala-net yusu-o. Nde, an-nen nde aid wene yigit lak ala-ge, ije! An-e meya-t kagi-o.

1 KORINTUS 9:18

Iri bem-e onggo-ge no mende wanimin-o? Nde, onggo-ge; we onggo lag-et aid wene tumburusu irir-o. ”Aid wene yak kindidnak pem onggo wok nerer-o” yurag-e ob-et nde, an-e iri yoso bug-o.

2 KORINTUS 8:12

Kir-e kenalen min-et pugup ala-ge, Mbal Pem Nagawan-nen kit kininggem woraso mende iri ndak ndak irit wanuwa-o. Nde, enarengge lak kagir-et nde, Mbal Pem Nagawan-nen ”Wok niri-o” luk yoso bug-o.

NGGALATIA 2:7

Are, Yawuri nap aid wene yak unduwakluk, Mbal Pem Nagawan-nen Peterus ebem pid nggal, iri nggal-et enlem nin nap aid wene yak unduwakluk, an nebem pidnak iri-ge ir-e yenggerak piga-o.

KOLOSE 1:25

Kit konak tak kunpurak pem Mbal Pem Nagawan-nen an nebem eyabu posolar-e, lambuk tak inpidnak nap ndegel onposo nap tak nibij-o. Nde, an neyabu-ge at-nen yidnak wene ndegera ap yak undurak iri-net yusu-o.

1 TESALONIKA 2:4

Are, Mbal Pem Nagawan-nen-e at-nen idnak aid wene yurag-e ndak neneyaruk, nenpem pidnak me, nit-nen wene yogolar-e, ki nap indingen tak puwokluk-nen yili-ge lag-o. Are, nit ninndi ngaroso Mbal Pem Nagawan at nak indingen tak puwokluk-nen yili-o.

PILEMON 1:14

kat-nen ”Ob-o” yigit lak ma, an-nen nak kwarurag-e meya-o. An nak-nen ndumu yurag-e lag-o. Are, kat kindi-nen peraruk nak-nen yongga nururag-e nindingen-o.