1 KORINTUS 9:16 - Nanduk Ngget Tul Pidnak Wene

¹⁶ An-nen aid wene yusu bem-nen nunu kek tak peyekluk-nen yusu-ge lag-o. An nebem pidnak ala-net yusu-o. Nde, an-nen nde aid wene yigit lak ala-ge, ije! An-e meya-t kagi-o.

1 KORINTUS 9:16 ပူးပေါင်းရင်းမြစ်များ

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

YEREMIA 1:17

Iri bem-e, Yeremia wa-e. An-nen kebem pusu wene yeba oboksa it yak indil mbururak pem lud tak wolmin-o. Kar-e it endam wok yosola, an-nen kwiye ijak wosa keya kibimin naru, kar-e it enaye-ge mondok yurak pug-o.

YEREMIA 20:7

Nagawan Indo wa-e. Kat-nen an namberam lasola, an-e namberam lanokluk, larok yigi-o. Kat kamawi-ge ombol nggwe terak minig-et me, an-e kat keram teberak nibigen-o. Ap oboksa-nen an pesel nobogolat, enlengenma nggal tak nobogolar-e, kuplila-nen tel kwiridnak, keyama yusu-o.

YEREMIA 20:9

Alat nde, an nindi arem-nen yebet kasolar-e: ”Nagawan Indo iri-ge meme rak posolat, at unu bem an-nen at-nen yidnak wene yusu iri-ge mondok keya beyeg-o” luk yebet kasolar-et nde, kat-nen nebem pidnak wene-ge kanduk nggal kererak an nindi arem worasu-o. Narem nak wolmakluk mamak pusu-t nde, an-nen mamak purag-e meya yusu-o.

AMOS 3:8

Singa-nen urum ene ngol yosola-ge, ta-nen kwiye lak woraso? Nde, Nagawan Indo Mbal Pem Nagawan-nen wene yosola-ge, at-nen enpem pidnak wene ap yak indigit lak ta nggal-nen indiyabu nak wolma-o?

AMOS 7:15

Alat nde, Nagawan Indo-nen-e lesa at-nen yidnak wene Isarael nap yak unduwakluk wok nebamu-o.

MATIUS 25:16

Mborosola karuk, at tol lima wanid nap na ndaget nak wene worosola, orol iri na konogolar-e, tol-e lima nde nambena wanij-o.

LUKAS 9:62

Yosoloma-ge, Yesus-nen at yak tosolar-e: ”Ap-nen yabu tel kereyekluk, kagweyap sindik nak puruk, imbirik nggwe yik karok wolma nab-e, Mbal Pem Nagawan ilirak kwat momtag-e meya-o” luk yij-o.

YIDNAK YIDNAK WENE 4:20

Alat nde, nit-nen kaidnak wene min nit-nen kulidnak wene min iri-ge yik tenak wulmul-o” luk yak indiga-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

YIDNAK YIDNAK WENE 9:6

Alat nde, kar-e menluk, o siri iri me mbiri-o. Mondok kat-nen kwarurak mende-ge yak kuruwa-o” luk yij-o.

OROMA 1:14

Nde, Yunani nap na irit, enlem nin nap na irit, enaru nap min enaru buk nap min it pidsa enpem an-e namat nebem pidnak worasu-o.

OROMA 15:17

Iri bem-e, an-e Kerisut Yesus imin kundik woralar-e, Mbal Pem Nagawan amanggim yabu wanusu iri bem an nalen kasu-o.

OROMA 4:2

Nde, Abaram na-ge yi kwatlik ndi kwatlik kwaridnak pem-nen at lud tak nak ibidnggal-e, at ondomok kek yeleb-et nde, Mbal Pem Nagawan imbiri bem-e at kek yurag-e meya-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

1 KORINTUS 9:12

It erep-nen perak nde kit kinmin-e ”Wog-et nunduwa-o” perali-t nde, nit wok nundurak iri-ge ndak-nen yusu yu-ge kali bug-a? Alat nde, nit-nen-e ”Wok nender-o” yigir-e lag-o. Are, Kerisut-nen idnak aid wene-ge tu nggelak pul naru, angin kagolar-et nde, puk nak woraige-o.

1 KORINTUS 9:14

Iri nggal-et Nagawan Indo-nen watsa yosolar-e: ”Aid wene tumburugwi nab-e it-nen aid wene timbitli iri na bem-net it ukwe peragwi mende wanuwag-o” yij-o.

2 KORINTUS 2:12

Kerisut-nen idnak aid wene ap yak undurak pem o Teroas wok yiginggal-e, Nagawan Indo-nen at eyabu wanurak pem tu-ge kuwarak pidnak nde kagi-o.

KOLOSE 4:17

Nde, Arakipus na yak togolar-e: ”Nagawan Indo-nen eyabu kebem pidnak na mondok worok tak pugun na-e” luk yak ter-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.