1 KORINTUS 9:12 - Nanduk Ngget Tul Pidnak Wene

¹² It erep-nen perak nde kit kinmin-e ”Wog-et nunduwa-o” perali-t nde, nit wok nundurak iri-ge ndak-nen yusu yu-ge kali bug-a? Alat nde, nit-nen-e ”Wok nender-o” yigir-e lag-o. Are, Kerisut-nen idnak aid wene-ge tu nggelak pul naru, angin kagolar-et nde, puk nak woraige-o.

1 KORINTUS 9:12 ပူးပေါင်းရင်းမြစ်များ

NDAK WIRIDNAK WENE 24:56

Yogolikma-ge, Abarakam ndegel oboso nap iri na-nen yosolar-e: ”Iri yogolat, an tena nibili-ge meyog-o. Nde, Nagawan Indo-nen an-nen tu lobok yigi-ge ebe worak tak pij-o. Iri ala-ge, an nonggo bid nap eram mbereyek-nen ’Mbiri-o’ yak nerer-o” luk yij-o.

NEMIA 4:8

Iri yogolar-e, nari wari rak nunpurak pem nit Yerusalem nenpem mbud yuwokluk wene mbariga-o.

LUKAS 11:52

Imiri mbarak pidnak wene mul undugwi nap kenpem mbuwa mende bem kenabuwa-o! Enaru yugwi mende tu imij-e kit-net parugu worali-t nde, kir-e ngguruk enaru yugwi mende na kore yurag-e kinsili yogolar-e, it ngguwokluk yidnak nap na enambigit tu nggela labuk yili-o” luk yij-o.

YIDNAK YIDNAK WENE 18:3

Nde, it iri-ge at-nen wanoso nggal yabu misiget erep wanugwi nap ala, inmin woralar-e, lambuksa-nen o lije wururak sum panggarogolat woraiga-o.

OROMA 15:22

Iri bem-e an-e pempa kendam lobok yurag-e nari wari rak me, lobok yoso bug-o.

1 KORINTUS 13:7

Ap enabuwa kagwi-ge yi kwat ibidnak ndi kwat ibidnak pem indisem nak woraso-o. Yi mende ndi mende oboksa bem indi angin tubu yosolat, yi mende ndi mende oboksa ebem indi mbung mbung tak worasolat, yi mende ndi mende oboksa bem indi luruk puruk worasolat yoso-o.

1 KORINTUS 6:7

Nde, kit na kit-net wene mbal kerak mbili iri bem-e mondok urugwe nggwe yili-o. Lag-et nde, enne nak-nen watsa kenpem pogola, kenne lak momtag-e meya-a? Kenarengge wanogola, larok momtag-e meya-a?

1 KORINTUS 9:14

Iri nggal-et Nagawan Indo-nen watsa yosolar-e: ”Aid wene tumburugwi nab-e it-nen aid wene timbitli iri na bem-net it ukwe peragwi mende wanuwag-o” yij-o.

1 KORINTUS 9:15

Alat nde, kit kenarengge wok nururag-e ob-et nde, an-e larok nak yoso-o. Nde, yawo an-nen engga mbarusu yu-ge wok norobokluk-nen mbarusu-ge lag-o. Ap mbi-nen an nunu kek tak woraso iri ebe lak tak purak iri-ge meya-o. Iri kwarurak ala-ge, an-e wat yosolar-e ob-o.

1 KORINTUS 9:16

An-nen aid wene yusu bem-nen nunu kek tak peyekluk-nen yusu-ge lag-o. An nebem pidnak ala-net yusu-o. Nde, an-nen nde aid wene yigit lak ala-ge, ije! An-e meya-t kagi-o.

1 KORINTUS 9:18

Iri bem-e onggo-ge no mende wanimin-o? Nde, onggo-ge; we onggo lag-et aid wene tumburusu irir-o. ”Aid wene yak kindidnak pem onggo wok nerer-o” yurag-e ob-et nde, an-e iri yoso bug-o.

1 KORINTUS 9:2

It ap erep-nen-e an-e wirik ibidnak nab-o luk neberali bug-et nde, kit-nen-e wirik ibidnak nab-o luk neberali-o. An-e ndemeret wirik ibidnak nap-nen yusu-o luk yenggerak nuburak mende-ge kit Nagawan Indo ebem worali iri-net yusu-o.

2 KORINTUS 11:12

It na it-nen wirik inpidnak nap nggal kwatli nap iri-nen it unnu kek tak pogolar-e, nit-nen yabu wanili nggal it-nen na yabu iri nggal-et wanili-o luk yuwa naru, an-nen yawo kwarusu nggal iri nggal-et kwat tenak woramin-o.

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

2 KORINTUS 2:12

Kerisut-nen idnak aid wene ap yak undurak pem o Teroas wok yiginggal-e, Nagawan Indo-nen at eyabu wanurak pem tu-ge kuwarak pidnak nde kagi-o.

2 KORINTUS 6:3

Nit neneyabu wanili na meya rak pul naru, nir-e yi mende ndi mende bem oboksa ap enare pili bug-o.