1 KORINTUS 9:1 - Nanduk Ngget Tul Pidnak Wene

¹ An-e wisirik nibidnak nab-e lag-a? An-e wirik nibidnak nab-e lag-a? An-e nit Nagawan Indo Yesus-e nerengen-nen kagi-ge lag-a? Nagawan Indo amanggim yabu wanigi bem-nen kit ebe worak tak kinpigi na-ge lag-a?

1 KORINTUS 9:1 ပူးပေါင်းရင်းမြစ်များ

YIDNAK YIDNAK WENE 13:2

Misik tarem ir-e mburu ninggit lak woragolat-nen Nagawan Indo nak erembel wanogolat worakmu-ge, Konak Indi-nen yak ondosolar-e: ”Mbaranabas min Saulus min iri-ge an neyabu wanuwakluk yonggo inpigirik me, an namanggim lenak enper-o” luk yak indij-o.

YIDNAK YIDNAK WENE 14:14

Yogolikma-ge, Mbaranabas min Paulus min-e wene iri na kuluruk yigarig-e, it unsum ndelak puruk, ap kwarat ndok wiridnak na ennggenggerak puburak nggogolat-nen ngguloksa yogolar-e:

YIDNAK YIDNAK WENE 14:4

Alat nde, o iri nab-e nggaksa mberen yogolar-e, ereb-e Yawuri nap enambigit yogola, ereb-e wirik inpidnak nap mberen iri na enambigit yogola yiga-o.

YIDNAK YIDNAK WENE 23:11

Iri rak puruk, kubu nggwe iri-ge Nagawan Indo-ge at eralu mendak-nen yosolar-e: ”Kindi tugup lak wolmin-o. An-nen yidnak wene Yerusalem yu-nen kinggirigen nggal-et iri nggal-et Oroma-nen na kunggurugun-o” luk yij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

YIDNAK YIDNAK WENE 9:17

Yak tosoloma-ge, Ananias na mberarig-e, o iri na me nggwij-o. Nggosolar-e, at inggi-nen Saulus na tena buruk-nen yak tosolar-e: ”Nanggam Saulus wa-e. Kat tula lobok yosoma, at ambikpebe mirik kibid nap Nagawan Indo Yesus-nen kat kerengen tuguruk kuwak yosolat, Konak Indi-nen kat yebet tak kobosolat makluk, an wirik nebamu-o” luk yak tij-o.

YIDNAK YIDNAK WENE 9:3

Ndamsik mborosolar-e, o iri me panggo panggo wok yosoma-ge, mimo ereya-t aid arem-nen yaya-ge yembak tak posoloma, at eralu yaya rak pij-o.

YIDNAK YIDNAK WENE 9:5

Kuluruk, at-nen kin wanosolar-e: ”Nagawan Indo wa-e. Kar-e ta-nen yusu-o?” luk kin wanosoloma-ge, at-nen yosolar-e: ”An-e Yesus kat-nen lel mberel noboso iri na-nen yusu-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 11:13

Yawo-ge kit enlem nin nap yak kundusu-o. An-e enlem nin nap kit kendam wirik nibidnak nap woralar-e, an neyabu iri-ge nggok tak pimin-o.

1 KORINTUS 1:1

Mbal Pem Nagawan Indi-nen pidnak pem wene mbo nebaga Kerisut Yesus-nen wirik inpidnak nap tak nibidnak an Paulus min nit nennggam Sotenes min-nen

1 KORINTUS 10:29

Iri keya burak iri-ge, at indi aye-nen-o, kat kindi-nen-e lag-o. Nde, ap misik-nen yosolar-e: ”Noluk-nen an weserak nibidnak na-ge nin nap indi aye kagwi-nen an kamat nuburag-o?

1 KORINTUS 10:30

An-e Mbal Pem Nagawan wa yak turuk nasola-ge, Mbal Pem Nagawan wa yak turuk iri namin pem noluk an nobok purag-o?” luk yij-o.

1 KORINTUS 11:16

Alat nde, ta-nen nde wene yu eyak wururak indingen ala-ge, nit na irit, Mbal Pem Nagawan-nen idnak lambuk tak inpidnak nap na irit, nit-nen kwarugwi mende nin mbi worasu-ge lag-o.

1 KORINTUS 3:6

An-nen uwi yaki-o. Apolos-nen yi kilij-o. Alat nde, wirik poso-ge Mbal Pem Nagawan-nen nag-o.

1 KORINTUS 9:19

An-e wisirik nibidnak nab-et nde, ap kwarat wok enpeyekluk, it pidsa ndegel onposo nap kwat yusu-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

2 KORINTUS 11:5

Wirik inpidnak nap ereba-ge ija lombog-et nde, an nindi-nen perasolar-e, an na it inmin ndak ndak-nen yusu-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

NGGALATIA 1:1

Wirik nibidnak nap Paulus an-e ki nap inndi-n pidnak pem-nen na lak, ki nap misik-nen mendak nibidnak pem-nen na lak, are, Yesus Kerisut min at uruk tak pid Nineid Mbal Pem Nagawan min-nen wirik nibid nap Paulus an-nen engga yu mbal kundusu-o.

NGGALATIA 5:1

Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

1 TESALONIKA 2:6

Nggweyak ma nap, kit-nen na irit, ap erep-nen na irit nentembel wanurak pem nenmawi kundili-ge lag-o. Nir-e Kerisut-nen wirik ninpidnak nap-nen yili me, ”Iri nggal kwaru-o” luk yak kundurag-e ndag-et nde, larok yige-o.

1 TIMOTIUS 2:7

Wene yu bem-nen an-nen-e enlem nin nab-e inndi angin tubu yurak wene min ndemeret wene min yak unduwakluk, wirik nibidnak nap min mul ondoso nap min irit len nebamu-o. Nde, an-e nenesiget yusu-ge lag-o. Ndemeret lombok yak kundusu-o.

2 TIMOTIUS 1:11

Aid wene yu tumburuwakluk, an-e yil noso nap, wirik nibidnak nap, mul ondoso nap iri rak nibij-o.