1 KORINTUS 8:9 - Nanduk Ngget Tul Pidnak Wene

⁹ Alat nde, kit weserak kinpidnak pem kwarugup iri-nen-e ndeyak yidnak nap iri enare pugup naru, kinndi kwara wolmer-o.

1 KORINTUS 8:9 ပူးပေါင်းရင်းမြစ်များ

YESAYA 35:3

Ininggi ababok lak yidnag-e amawi rak pogolat, ndeyak-nen ndowaga onowak kot kot yugwi-ge tugup lak tak per-o.

TEPAN OMBO-NEN KWARURAK WENE 19:14

Kir-e ap eneyanggo lak imbiri lamut tak unpurak pug-o. Ap enlengen lak enabuwok unuwok abis wudsa mberak unpurak kerep purak pug-o. An-e Nagawan Indo Kenmbal Pem Nagawan-et me, an kek tak nobogolat, naye worak wolmer-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

OROMA 15:1

Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

1 KORINTUS 10:24

Ap misik-nen at ondomok amanggim nak ndugururak pug-o. Are, ap erep enmanggim-et ndugururag-o.

1 KORINTUS 10:28

Alat nde, ap misik-nen yak korosolar-e: ”Nunggwi mende yu-ge kugiwak amanggim pidnak-nen yusu-o” luk yak korosola-ge, norak pug-o. Yak kiridnak nap abuwa-nen na, at indi aye-nen na norak pug-o.

1 KORINTUS 10:29

Iri keya burak iri-ge, at indi aye-nen-o, kat kindi-nen-e lag-o. Nde, ap misik-nen yosolar-e: ”Noluk-nen an weserak nibidnak na-ge nin nap indi aye kagwi-nen an kamat nuburag-o?

1 KORINTUS 10:32

Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 KORINTUS 8:10

Kat karu yidnak nap na-net nde, kugiwak uwi worak ma-nen nunggwi mende nasola keyaruk, at indi lubuk nap mbi-nen yik kiyujwanggal-e, ”An-nen na kugiwak amanggim pidnak nunggwi mende namin-o” luk arem puwa iri kali bug-a?

1 KORINTUS 8:12

Iri nggal kwarosolar-e, kat kanggamirak meya rak onposolar-e, it inndi lubuk yidnak iri-ge inndi kalak pusu iri-ge Kerisut-et meya rak ubusu-o.

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

2 KORINTUS 11:21

An-e ninggiri min-et wene yu yak kundusu-o: Nit-nen iri nggal kwat kunpurag-e mondok kwiye-o. Alat nde, ap mbi-nen yi mende ndi mende bem kwiye lag-et at indi kek tak posola-ge, (An-e wid-nen yugwi nggal-et yusu-o) an-nen na kwiye lag-et nindi kek tak pimin-o.

2 KORINTUS 11:29

Ap misik-nen nde ndeyak ala-ge, an na ndeyag-et yoso-o. Ap misik-nen nde oro-nen mbud luk, meya yosola-ge, an na nindi puru kwarat yoso-o.

2 KORINTUS 6:3

Nit neneyabu wanili na meya rak pul naru, nir-e yi mende ndi mende bem oboksa ap enare pili bug-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

1 PETERUS 2:16

Kir-e weserak woragwi nap nggal wolmer-o. Alat nde, wisirik woragwi iri na bem-nen kit meya yidnak lumururak pug-o. Are, Mbal Pem Nagawan ndegel ubugwi nap kenpage irit wolmer-o.

2 PETERUS 2:19

It enesiget siget mul undugwi nap iri-ge it-nen kwarugwi meya mende iri na ndegel pugwi nap-net nde, it-nen ap erep yak ondogolar-e, weserak unpurak urul yak indili-o. Ta-nen nde yi mende ndi mende-nen urugwe nggwe rak pidnak ala-ge, iri na ndegel poso nab-et kwat yusu-o.

NAM PARA WENE 2:14

Alat nde, kit-nen kwatli erep ereba perak nde nisili-o. Iri-ge: Kit kennggenggerak ap ereb-e Mbileam-nen Isarael nap enare posolar-e, kugiwak amanggim pidnak nunggwi mende nonggolat, mbabi yogolat makluk, Mbalak mirik pid wene na langgal luk mbitli-o.