1 KORINTUS 8:6 - Nanduk Ngget Tul Pidnak Wene

⁶ nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

1 KORINTUS 8:6 ပူးပေါင်းရင်းမြစ်များ

YESAYA 46:9

Nanduk ereba-nen kwat yid ereba na kwara kinndi yebet ker-o. An nimin-e kit-nen-e: ’Ar-e Mbal Pem Nagawan-net yusu-o. Nin mbi worasu bug-o. Ar-e Mbal Pem Nagawan-nen yusu-o. At nggal nin mbi worasu-ge lag-o’ luk yer-o.

YUNUS 1:9

Yogoloma, Yunus-nen onggo yosolar-e: ”An-e Iberani nab-er-o. An-e aid arem woraso Mbal Pem Nagawan yi koma min nggweyak min ndak worak pid iri na erembel wanoso-o” luk yij-o.

MALEAKI 2:10

Nit oboksa nineij-e misiget nak-nen yusu-o. Nit oboksa Mbal Pem Nagawan misiget iri na-nen ndak worak ninpidnak-nen yili-o. Iri ala-ge, nir-e noluk-nen nir-e nennggam min-e ”Iri nggal kwarul-o” luk urul pidnak ereba na kwarigit lak yil lobok yogolar-e, Mbal Pem Nagawan-nen nit nonmborak inmin urul pid ereba na iri nggal-et ninsili rak pili-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

YOANES 1:10

Nde, Wene na-ge nggweyak ma woragaij-o. Mbal Pem Nagawan-nen at ebem-net o yu ndak wirij-et nde, nggweyak ma nap-nen-e at yenggerak kagit lak yiga-o.

YOANES 1:3

Mbal Pem Nagawan-nen at ebem-net yi mende ndi mende oboksa ndak worak pij-o. Nde, at lak nggal-nen-e ndak worak pidnak mende yeba-ge misiger-o luk tet ndak worak pelep pug-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 13:13

Kit-nen an yak norogolar-e: ’Mul Nondoso Nap wa-e’ yogolat, ’Nagawan Indo wa-e’ yogolat yili iri-ge ndemeret ndak ndag-et yak nitli-o.

YOANES 14:20

Iri tarem wok yosola-ge, an-e Neid arem woralat, kit na an narem woragolat, an na kit kenarem woralat yusu-o luk kenaru yugub-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YIDNAK YIDNAK WENE 17:28

’At ebem-nen nunluk woragolat, nuntugup worak woragolat yili-o.’ Kit-nen idnak ndawi engga mbarugwi nap-nen na iri nggal yogolar-e: ’Nit na at-nen wigal ninpidnak-nen yili-o’ luk yiga-o.

YIDNAK YIDNAK WENE 2:36

Iri bem-e, kit-nen e lang pang tak pem wirigep nap Yesus na-ge, Mbal Pem Nagawan-nen Nagawan Indo min Kerisut min tak pidnak nap-nen yusu-o luk Isarael nap it lolo pidsa-nen wene yu mondok kwara enaru mag-o” luk yij-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 12:3

Iri bem-e, an-nen wene yu-ge kwara kenaru rak peyeg-o. Konak Indi arem woraso nap-nen-e ap misiger-o luk tet-nen yosolar-e: ”Yesus iri-ge imbiri lamut mag-o!” luk yoso bug-o. Nde, ap misiger-o luk tet-nen yosolar-e: ”Yesus iri-ge Nagawan Indo-nen yusu-o” luk yoso iri-ge Konak Indi arem worasu iri bem nak-nen yoso-o.

1 KORINTUS 6:13

Nunggwi mende iri-ge unlum amanggim-o. Nde, unlum iri-ge nunggwi mende amanggim-o. Alat nde, Mbal Pem Nagawan-nen-e unlum min nunggwi mende enmberek lak tak puwa-o. Ap enpe iri-ge uwingga mbaruwakluk-nen ndak wirigit lag-o. Are, Nagawan Indo amanggim yidnak-nen yusu-o. Nde, Nagawan Indo-ge enpe amanggim yidnak-nen yusu-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

EPESUS 3:14

Iri ala karuk, an-e Nineid eram nendaru yunggusa koreluk, tepan yusu-o.

TUGURUK YIDNAK WENE 4:35

Nde, iri kwarusu iri-ge kit-nen yenggerak pogolar-e, Nagawan Indo iri-ge at nggal misik mbi worasu-ge lag-o luk yenggerak pobokluk-nen mirik kunpusu-o.

TUGURUK YIDNAK WENE 4:39

Iri bem-e, yawo-ge kwara yebet ker-o. Mondok meme rak purak pug-o. Mbal Pem Nagawan nin mbi worasu-ge mondok lag-o. Nagawan Indo arig-et nak mbal pem-nen nggweyak pem-nen at nak worasu-o luk yebet ker-o.

TUGURUK YIDNAK WENE 6:4

Isarael nap wa-e. Kwara koler-o. Nagawan. Indo-ge nit Nenmbal Pem Nagawan, Nagawan Indo misiget iri nak worasu-o.

KOLOSE 1:6

Nde, kit kendam wok yid aid wene iri-ge iri nggal-et nggweyak ma yu me yi wi ndi wi wigak yosolar-e, ebe kwat yusu-o. Mbal Pem Nagawan-nen we wok ondoso elem obok na kulurug-e, ndemeret kenaru yigep kuri-nen yawo tarem-e kit kennggendumu-nen na irit aid wene wigak yusu-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.