1 KORINTUS 8:5 - Nanduk Ngget Tul Pidnak Wene

⁵ Nde, mbal pem-nen na, nggweyak ma-nen na, Mbal Pem Nagawan nggal erembel wanugwi kugi worala-ge, iri mende Mbal Pem Nagawan nggal erembel wanugwi kugi min kugi nagawan min ndemeret kwarat worala-t nde,

1 KORINTUS 8:5 ပူးပေါင်းရင်းမြစ်များ

YEREMIA 2:11

Ap enlem mbi-nen mbi it-nen erembel wanugwi iri-ge ndemeret mbal pem nagawan-e lag-et nde, it-nen-e iri na keya buruk, enmbal pem nagawan misik erembel wanugwi bug-o. Alat nde, an nilirag-e unnu kek tak poso Enmbal Pem Nagawan an keya nuburuk, yi kwatlik ndi kwatlik mondok kwaroso buk kugwiwak ereba na an nondolma sa erembel wanili-o.

YEREMIA 2:28

Kat kinggi-nen konidnak kugwiwak ereba na-ge ngge me worasu-o? Yewura wa-e. Anggun panggun kebem mbosola-ge, kimiri yurak kugugwiwak nde ndak ala-ge, ’Nimiri yer-o’ luk enmengen mbari-o. Kat kugugwiwag-e kwarat, kuwi siri nggal-et kwarat worasu-o.

NDANIEL 5:4

Nonggolar-e, it unkugwiwak emas min perak min tembaga min mbesi min e min kerep min pem-nen konidnak ereba na erembel waniga-o.

MATIUS 27:17

Worasola-ge, ap kwarat ereba na ndok worogola karuk, Pilatus-nen it kin wok onposolar-e: ”Kit kenmanggim ta nde wisirik pimin-o? Mbarabas wisirik pimin, lak? Are, Yesus na unu misig-e Kerisut yugwi na wisirik pimin-a?” luk yij-o.

NGGALATIA 4:8

Nanduk kir-e Mbal Pem Nagawan kenaru buk woragolar-e, Mbal Pem Nagawan nggal-e lag-et nde, ebe lak kugi iri na ndegel ubugwi nap woraigeb-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

2 TESALONIKA 2:4

At iri-ge at ondomok kek yosolar-e, ap-nen erembel wanugwi mende pidsa min Mbal Pem Nagawan nggal lik kagwi min imin wim mbarak woralar-e, iri mende oboksa-ge at-nen urugwe nggwe rak puruk, Mbal Pem Nagawan ama kore lug-e, ”An-e Mbal Pem Nagawan-net yusu-o” luk yuwa-o.